Иуда 1:1 - Коми Библия 2023

¹ Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.

Иуда 1:1 Referans Kwoze

1 Петыр 1:5

Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

2 Тимофейлы 1:9

Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

Иоан 14:22

Мӧд Иуда, абу Искариот, шуис Исуслы: «Господьӧй, мыйла Тэ кӧсъян воссьыны миянлы, а он муюгыдыслы?»

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Римӧ 1:1

Гижӧ Павел, Исус Кристослӧн кесйӧг, Енмӧн корӧм апостол. Менӧ бӧрйӧма висьтавлыны Енлысь Бур Юӧрсӧ.

Иоан 17:15

Ог кевмы босьтны найӧс муюгыдсьыс, но кевма, мед Тэ видзин найӧс омӧльысь.

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Еврейяслы 3:1

Вокъяс, ме шыася тіян дінӧ, вежа войтыр да Енлӧн корӧмаяс дінӧ: видзӧдӧй Исус Кристос вылӧ. Сійӧс Енмыс мӧдӧдіс, Сійӧ – Аркирей, кодлы ми эскам.

Римӧ 8:30

Кодъясӧс Сійӧ водзысяньыс лӧсьӧдіс, найӧс и корис, кодъясӧс корис, найӧс и вӧчис веськыдӧн, кодъясӧс вӧчис веськыдӧн, найӧс и мичмӧдіс Аслас дзирдлунӧн.

Римӧ 6:22

Ті мынінныд мыжсьыс, и ӧні ті Енлӧн кесйӧгъяс. Тіян вотӧсныд – вежалун, и тайӧ вайӧдӧ тіянӧс помтӧм олӧмӧ.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

Яков 1:1

Гижӧ Яков, Енлӧн да Господь Исус Кристослӧн кесйӧг. Чолӧмала дас кык чужанкотырӧс, кодъяс разалӧмаӧсь став му пасьталаыс.

2 Тимофейлы 4:18

Тӧда, Сійӧ видзас менӧ став лёксьыс, мездас да вайӧдас Аслас енэжвыв Юраланінӧ. Ошкӧм Сылы нэмъяс чӧж! Аминь.

1 Фессалоникаӧ 2:12

Ми туйдӧдім-ышӧдім тіянӧс да корим овны Ен ногӧн, коді корис тіянӧс Аслас Юраланінӧ да дзирдлунӧ.

Ефесӧ 5:26

медым вежӧдны сійӧс. Сійӧ сӧстӧммӧдіс вичкосӧ ваӧн да кывнас,

1 Коринфӧ 6:11

Кодсюрӧ тіян пӧвстысь тшӧтш вӧлінныд татшӧмӧсь, но миян Господь Исус Кристос нимӧн да Ен Лов вынӧн ті лоинныд сӧстӧмӧсь, вежаӧсь да веськыдӧсь.

1 Коринфӧ 1:2

ми чолӧмалам тіянӧс, Енлысь коринфса вичкосӧ. Исус Кристос пыр Енмыс вежӧдіс тіянӧс да корис лоны Аслас вежа войтырӧн. Ми чолӧмалам быдӧнӧс, коді быдлаын миян моз шыасьӧ Исус Кристос Господьным дінӧ.

Римӧ 16:18

Татшӧм йӧзыс кесъялӧны оз Исус Кристос Господьнымлы, но асланыс рушкулы. Мича сёрнинас найӧ кокньыда ылӧдлӧны восьса сьӧлӧмаясӧс.

Римӧ 9:24

”Буралӧмыслӧн дозъясыс” – тайӧ ми, ӧд Ен корис миянӧс. Корис эз сӧмын иудейясӧс, но тшӧтш мукӧд войтыръясӧс.

Ап. уджъяс 27:23

Тайӧ войнас петкӧдчыліс меным андел, сійӧс мӧдӧдіс Ен, кодлы ме сеті ачымӧс да кодлы ме кесъяла.

Лука 6:16

Яков Иуда да Искариот Иуда, Исусӧс вузалысь.

Ап. уджъяс 20:32

Ӧні, вокъяс, коля тіянӧс Енкӧд да Сылӧн буралан кывйыскӧд. Тайӧ кывйыс вермӧ ёнмӧдны тіянӧс да сетны тіянлы кӧсйысьӧмасӧ, мый вичмас став вежа войтырлы.

Ап. уджъяс 1:13

Локтӧм бӧраныс найӧ пырисны керкаӧ да кольччисны сэні вылыс судтаас. Тайӧ вӧліны: Петыр, Яков, Иоан, Ӧндрей, Филип, Фома, Варфоломей, Матвей, Алфей Яков, Симон Зилот да Яков Иуда.

Иоан 17:19

Ачымӧс Ме сета Тэныд на вӧсна, медым збыльыс вежӧдас найӧс.

Иоан 17:17

Вежӧд найӧс збыльыд пыр. Збыльыс – тайӧ Тэнад кывйыд.

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Иоан 6:39

Менӧ мӧдӧдысь Батьӧй кӧсйӧ, медым Меным сетӧмаясысь весиг ӧтикӧс эг вошты да ставнысӧ найӧс ловзьӧді медбӧръя лунӧ.

Марк 3:18

нӧшта Ӧндрей, Филип, Варфоломей, Матвей, Фома, Алфей Яков, Фаддей, Кананит Симон

Матвей 10:3

Филип, Варфоломей, Фома, вот перйысь Матвей, Алфей Яков, Леввей – мӧд нимыс Фаддей,

Матвей 13:55

Сійӧ ӧд тшупсьысьлӧн пи! Мамыс – Мария, а вокъясыс – Яков, Иосей, Симон да Иуда.

Марк 6:3

Сійӧ ӧд тшупсьысь! Абу-ӧ Сійӧ Мариялӧн пиыс, абу-ӧ Яковлӧн, Иосейлӧн, Иудалӧн да Симонлӧн вокыс? Оз-ӧ тані овны Сылӧн чойясыс?» Тадзи Сійӧс ӧтдортісны.

Римӧ 1:6

Тайӧ войтырыс лыдӧ пыранныд тшӧтш ті, Исус Кристосӧн корӧмаяс.

Иуда 1:3

Мусаяс, ме ёна кӧсйи гижны тіянлы миян ӧтувъя мездмӧм йылысь, но лыдди коланаӧн водзджык туйдӧдны тіянӧс, медым ті вӧлінныд дасьӧсь дорйыны ассьыныд эскӧмнытӧ. Тайӧ эскӧмсӧ Енмыс сетіс вежа войтырлы ӧтчыд да пыр кежлӧ.

Иуда 1:21

Видзӧй асьнытӧ Ен муслунас. Виччысьӧй сійӧ кадсӧ, кор миян Господь Исус Кристос Аслас буралӧмнас вайӧдас миянӧс помтӧм олӧмӧ.