Исай 9:4 - Коми Библия 2023

⁴ Найӧс личкысь сийӧссӧ Тэ жуглан, найӧс нӧйтысь бедьсӧ чегъялан, найӧс дзескӧдысьлысь орссӧ орйӧдлан, кыдзи вӧчин мадиан войтырӧс пасьвартан лунӧ.

Исай 9:4 Referans Kwoze

Исай 14:25

Аслам му вылын Ме пасьварта Ассур тышкайӧзӧс, Аслам керӧсъяс вылын Ме таляла найӧс. Менам войтырӧй мынас Ассурлӧн сийӧс улысь, налӧн пельпом вылысь усяс сьӧкыд нопйыс.

Еремей 30:8

Сійӧ лунӧ, – висьталӧ Господь Саваоф, – Ме жугӧда налӧн сьылі вылысь сийӧссӧ, орӧда налысь кӧртӧдъяссӧ. Найӧ оз нин кутны кесъявны мукӧд войтырлы,

Наум 1:13

Ӧні Ме босьта тэнад сьылі вылысь налысь сийӧссӧ да жугӧда сійӧс, орӧда тэнсьыд чепъястӧ.

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Левит 26:13

Ме – Господь, тіян Енныд. Ме петкӧді тіянӧс Египет муысь, медым ті энӧ олӧй кесйӧг туйын. Ме мезді тіянӧс сийӧс улысь, медым ті веськӧдчӧмӧн ветлӧдлінныд».

Олӧм 27:40

Шыпурт помысь тэ кутан овны, аслад вокыдлы кутан кесъявны. Но воас кад, тэ сылы паныд кыпӧдчан, голя вывсьыд сылысь сийӧссӧ шыбитан.

Исай 10:5

Курыд шог Ассурлы, Менам скӧралан бедьлы. Сы киын орсыс – Менам лӧглунӧй.

Псалтыр 125:3

Господь вӧчис миян пӧвстын ыджыд уджъяс, и ми нимкодясим.

Исай 51:13

А Господьӧс тэ вунӧдан. Сійӧ вӧчис тэнӧ, шевкнитіс енэжсӧ, зумыда сувтӧдіс мусӧ. Мыйла тэ пыр полан дзескӧдысьлӧн скӧралӧмысь, полан сыысь, коді дась тэнӧ бырӧдны? Но кӧні нӧ тэнӧ дзескӧдысьлӧн скӧралӧмыс?

Исай 47:6

Аслам войтыр вылӧ Ме скӧрми, Ассьым бӧрйӧм йӧзӧс Ме янӧді да сеті тэнад кипод улӧ. Тэ эн вӧв бур сьӧлӧма на дінӧ, весиг пӧрысь йӧзӧс тэ ёна нартитін.

Псалтыр 81:6

Ме шуи, мый ті – енъяс, Медвылыссалӧн пиян,

Исай 9:5

Тышкасьысьяслысь вирӧсь паськӧмсӧ, тышын талялӧм кӧмнысӧ лоӧ шыбитӧма биӧ.

Исай 16:4

Сибӧд ас дінад моавсаясӧс, менсьым вӧтлӧм войтырӧс, дзеб найӧс мырддялысьясысь. – Дзескӧдысьяс оз нин лоны, мырддялӧмлы воас пом, керка куштысьясӧс лоӧ бырӧдӧма му вывсьыс.

Исай 52:2

Пыркӧд ас вывсьыд буссӧ, чеччы, пленӧ босьтӧм Ерусалим! Шыбит сьылі вывсьыд чептӧ, пленӧ босьтӧм Сион ныв!

Еремей 48:17

Бӧрдӧй Моав вӧсна, орччӧн олысьяс, бӧрдӧй ставныд, кодъяс тӧданныд сійӧс! Шуӧй: «Сылысь вына юралан бедьсӧ чегӧма, сылысь нималана бедьсӧ жугӧдӧма!»

Исай 10:16

Та вӧсна Ыджыдыс, Господь Саваоф, жебмӧдас ӧксылысь вынйӧра йӧзсӧ да бипурын моз сотас сылысь нималӧмсӧ.