20 Найӧ куралӧны веськыдвылысь, но кольӧны тшыгйӧн, сёйӧны шуйгавылысь, но оз пӧтны. Быдӧн йирӧ ассьыс матыссасӧ:
Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.
Ме вӧча сідзи, мый тайӧ карас олысьяс пондасны сёйны асланыс ныв-пилысь яйсӧ. Ыджыд шог дырйи, кор вӧрӧг кытшалас да дзескӧдас найӧс, и кӧсъяс босьтны налысь олӧмсӧ, найӧ пондасны сёйны ӧта-мӧдныслысь яйсӧ.
Небыд сьӧлӧма мамъяс пуисны ассьыныс челядьнысӧ, менсьым войтырӧс бырӧдан кадӧ кагаясныс лоины налы сёянӧн.
Тайӧ войтырыс кутас шӧйтны му вывті, найӧс кутасны чорыда дзескӧдны, найӧ пондасны ёна тшыгъявны, а тшыгъяліганыс найӧ пондасны лёкӧдны ассьыныс ӧксысӧ да Енсӧ.
Вежӧртӧм морт кисӧ сюркнялӧмӧн пукалӧ, ачыс асьсӧ бырӧдӧ.
Со, Ыджыдыс, Господь Саваоф мырддяс Ерусалимлысь да Иудалысь ставсӧ, мый вылӧ найӧ лача кутӧны: став чукӧртӧм няньсӧ да заптӧм васӧ,
Найӧ видзӧдласны вывлань, синнысӧ чӧвтласны му вылӧ да аддзасны: гӧгӧр шог да сап пемыд, гӧгӧр сьӧд пемыд. Найӧс лоӧ йӧршитӧма пемыдас. Но оз век ло пемыд сэні, кӧні ӧні сійӧ сукмӧма.
Сэки Израиль войтырысь гӧльяссӧ лоӧ пӧткӧдӧма, коньӧръясыс кутасны повтӧг шойччыны. А тэнсьыд вужтӧ Ме тшыглы виа, тэнсьыд коляс войтыртӧ бырӧда.
Кыкпӧвста шог суис тэнӧ: куштӧм да бырӧдӧм, тшыгъялӧм да шыпурт. Коді жалитас тэнӧ? Коді бурӧдас тэнӧ?
Ме зурӧда найӧс ӧта-мӧдас, зурӧда батьяссӧ пияныскӧд ӧтвыв, – висьталӧ Господь. – Ме некодӧс ог жалит, некод дінӧ ог бурсьӧлӧмтчы, жалиттӧг бырӧда найӧс».
Ті сёянныд, но онӧ пӧтӧй, кынӧмныд пыр лоӧ куш. Мый чукӧртанныд, онӧ вермӧй видзнысӧ, а мый видзанныд, тыш дырйи лоӧ бырӧдӧма.
Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.
Пленӧ босьтӧмаяс пӧвстын ті сувтанныд пидзӧс выланыд, кулӧмаяс моз усянныд. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.
Ме шуи ыжъяслы: «Водзӧ ме ог кут видзны тіянӧс. Коді тіян пиысь кулас, мед кулас. Коді вошас, мед вошас. Ловйӧн кольысьяс мед сёясны ӧта-мӧднысӧ».
Ас муын олысьяс кӧ ас костаныс тышкасьӧны, сэні олӧмыс киссяс.