Исай 9:16 - Коми Библия 2023

¹⁶ Юрнуӧдысьяс кежӧдісны Израиль войтырӧс ылӧг туй вылӧ, и на бӧрся мунысьяс вошисны.

Исай 9:16 Referans Kwoze

Матвей 15:14

Кольӧй найӧс. Найӧ синтӧмӧсь, и синтӧмъясӧс нуӧдӧны. Синтӧм кӧ нуӧдӧ синтӧмӧс, кыкнанныс гуранӧ усясны».

Исай 3:12

Челядь дзескӧдӧны менсьым войтырӧс, аньяс ыджыдалӧны сы вылын. Вескӧдлысьяс кежӧдӧны сійӧс ылӧг туй вылӧ, нуӧдӧны чукля туйӧд.

Еврейяслы 7:7

Кывшутӧг, тайӧ тадзи, мый ыджыдджыкыс бурсиӧ ичӧтджыкӧс.

2 Каднебӧг 30:27

Попъяс да левитъяс бурсиисны войтырсӧ. Енмыс кыліс налысь гӧлӧс шысӧ, налӧн кевмӧмыс воис енэжӧдз, Енлӧн вежа оланінӧдз.

Исай 19:14

Найӧ дзикӧдз кежӧдісны Египетӧс туй вывсьыс. Господь шӧйӧвоштіс Египетӧс, сійӧ лои код морт кодь, коді ветлӧдлӧ аслас вос вывті.

Еремей 23:13

Ме аддзылі, мый самарияса пророкъяс зывӧка вӧчисны, найӧ пророкалісны Ваал нимсянь, Менсьым Израиль войтырӧс кежӧдісны ылӧгас.

Амос 2:4

Господь тадзи висьталӧ: – Иуда войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эновтісны Менсьым Индӧдӧс, Менам тшӧктӧмъяс серти эз овны. Батьясныс моз найӧ юрбитісны ылӧг енъяслы, кодъяс кежӧдісны найӧс туйсьыс.

Микей 3:5

Господь тадзи висьталӧ пророкъяс йылысь, кодъяс кежӧдӧны Сылысь войтырсӧ туйсьыс: найӧ кӧсйысьӧны лӧньлун мортлы, коді налы сёян сетӧ, а коді вомас налы нинӧм оз пукты, сійӧс тышӧн повзьӧдлӧны.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 10:4

Пленӧ босьтӧмаяс пӧвстын ті сувтанныд пидзӧс выланыд, кулӧмаяс моз усянныд. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Еремей 9:4

Видзчысьӧй ёртъяссьыныд, энӧ эскӧй вокъясныдлы, ӧд вокыс конйыштӧ воксӧ, ёртыс суклясьӧ аслас ёрт йылысь.

Еремей 18:21

Господьӧй, меным паныд сувтысьяслӧн пияныс мед тшыгъяласны, найӧ мед куласны шыпуртысь. Налӧн гӧтыръясныс мед лоӧны дӧваясӧн, найӧ мед воштасны челядьнысӧ. Меным паныд сувтысьясӧс мед суас кулӧм, налӧн зонъясыс тышын мед куласны шыпуртысь.