Исай 9:14 - Коми Библия 2023

¹⁴ Сэки Господь керыштіс Израильлысь юрсӧ и бӧжсӧ, ӧти лунӧ Сійӧ керыштіс пальма пу и эжӧр.

Исай 9:14 Referans Kwoze

Восьтӧм 18:8

Та вӧсна ӧти лунӧ суас сійӧс став бырӧданторйыс: кулӧмыс, шогыс да тшыгъялӧмыс. Сійӧс сотасны биын, ӧд Господь Ен, сійӧс Мыждысьыс, – вына!

Исай 19:15

Египетын некод оз вермы нинӧм вӧчны, ни юр, ни бӧж, ни пальма, ни эжӧр.

Восьтӧм 18:17

Но став тайӧ озырлуныс ӧти здукӧн бырис! Сэки саридз вылын кывтысьяс, корабльӧн веськӧдлысьяс, налы отсасьысьяс да вузасьысьяс – ставныс ылыстчисны тайӧ карсьыс.

Восьтӧм 18:10

Найӧ повзясны сылӧн мучитчӧмысь да ылыстчасны сыысь. Шуасны: – Курыд шог тэныд, Вавилон, ыджыд да вына кар! Ӧти здукӧн суис тэнӧ мыждӧмыс!

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».

Амос 6:11

Ӧд Господь тшӧктас пазӧдны ыджыд керкаяс, дзикӧдз жуглыны ичӧт керкаяс.

Амос 3:12

Господь тадзи висьталӧ: – Кыдзи ыж видзысь нетшыштӧ лев вомысь сӧмын ыжлысь коксӧ либӧ пельсӧ, тадзи мездмас сӧмын колясыс сійӧ израильсаясысь, кодъяс Самарияын пукалӧны небыд пуклӧсын, Дамаскысь вайӧм юрлӧсъяс вылын.

Осий 13:3

Та вӧсна найӧ асъя ру кодьӧсь, ӧдйӧ бырысь лысва кодьӧсь, гумла вылын тӧвнырӧн нӧбӧдан кыд кодьӧсь, пачысь пуркйысь тшын кодьӧсь.

Осий 10:15

Тадзи лоас тіянлы Вефиль вӧсна, тіян пежсьыс-пеж уджъяссьыныд. Кыа петігӧн Израильлысь ӧксыӧс лоӧ виӧма.

Осий 8:8

Израильӧс ньылыштӧма! Войтыръяс пӧвстын ӧні сійӧ ковтӧм дозмук кодь.

Осий 4:5

тэ крукасян лунъюгыднас, войнас тэкӧд тшӧтш крукасяс пророк, тэнсьыд мамтӧ Ме бырӧда.

Осий 1:9

Господь шуис Осийлы: «Пукты сылы Ло-Амми ним, ӧд ті абу Менам войтыр, и Ме ог ло тіян Енмӧн».

Осий 1:6

Гомера бара кутіс нӧбасьны да чужтіс нылӧс. Господь шуис Осийлы: «Пукты сылы Ло-Рухама ним, ӧд водзӧ Ме ог ло бур сьӧлӧма Израиль войтыр дінӧ да ог прӧстит сійӧс.

Осий 1:4

Господь шуис Осийлы: «Пукты пиыдлы Изреель ним, ӧд Изреель ковтысын вир кисьтӧмысь регыд Ме водзӧс перъя Еху рӧдлысь да пукта пом израильса ӧксыяслӧн юралӧмлы.

Исай 30:13

Та вӧсна тіян мыжныд лоӧ джуджыд стенмын ыджыд потас кодь – виччысьтӧг, ӧти здукӧн стенмыс усяс.

Исай 10:17

Сійӧ Ачыс, Израильлӧн Югыдыс, лоӧ биӧн, Израильлӧн вежа Енмыс лоӧ ыпъялысь биӧн, Сійӧ сотас йӧнсӧ да ёг турунсӧ, ӧти лунӧн бырӧдас Ассурӧс.

Еремей 6:21

Та вӧсна Господь тадзи висьталӧ: «Ме пукта тайӧ войтырыслы мытшӧдъяс. Сэтчӧ крукасясны батьясныс и пиянныс, ёртъясныс и орччӧн олысьясныс, и ставныс найӧ куласны».

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Бӧрданкыв 4:16

Господь Ачыс разӧдіс-вӧтліс найӧс, Сійӧ на вылӧ оз нин видзӧдлы. Попъясӧс мустӧмтӧны, пӧрысьясӧс бурӧ оз пуктыны.