Исай 8:4 - Коми Библия 2023

⁴ Ӧд сійӧ кадӧдзыс на, кор тайӧ кагаыс велалас ”бать” да ”мам” кывъяс шуны, Дамаскысь озырлунсӧ да Самарияысь эмбурсӧ ваясны ассурса ӧксы водзӧ».

Исай 8:4 Referans Kwoze

Римӧ 9:11

Пияныслӧн чужтӧдз на, бурсӧ-лёксӧ налӧн вӧчтӧдз на, Енмыс шуис Ревеккалы: «Ыджыдджыкыс кутас кесъявны ичӧтджыкыслы». Енмыс тайӧн петкӧдліс, мый бӧрйӧмыс Сы сайын. Сійӧ бӧрйӧ оз мортлӧн уджъяс серти, но Аслас лӧсьӧдӧм да корӧм сертиыс.

Иона 4:11

Менам сьӧлӧмӧй тшӧтш шогсьӧ Ниневия вӧсна, тайӧ ыджыд карыс вӧсна. Сэні сё кызь сюрсысь унджык олысь, кодъяс оз кужны торйӧдны шуйга кинысӧ веськыдсьыныс. Нӧшта сэні уна пемӧс на эм».

Ӧксыяслӧн 4 небӧг 17:3

Ассурса Салманассар ӧксы тышӧ петіс Осийлы паныд. Осий шедіс Салманассар кипод улӧ и кутіс мынтыны сылы вот.

Ӧксыяслӧн 4 небӧг 16:9

Ассурса ӧксы вӧчис Ахазлӧн корӧм серти. Сійӧ уськӧдчис Дамаск кар вылӧ да босьтіс сійӧс. Олысьяссӧ нуӧдіс Кирӧ, а Рецинӧс виис.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Индӧд 1:39

Тайӧ муас пырасны тіян ныв-пиныд, кодъяс оз на кужны торйӧдны бурсӧ лёксьыс. На йылысь ті шулінныд, мый шедасны вӧрӧг киӧ, но налы Ме сета Ханаан му, и найӧ босьтасны сійӧс аслыныс.

Исай 17:3

Ефремын оз нин лоны изкаръяс, Дамаскын оз нин лоны ӧксыяс, арамейяслӧн коляс войтырыс бырас. Накӧд лоӧ сійӧ жӧ, мый лои Израиль войтырлӧн нималӧмкӧд, – висьталӧ Господь Саваоф.

Исай 8:5

Господь нӧшта висьталіс меным:

Исай 17:1

Дамаск йылысь водзвыв висьталӧм. Дамаск кар бырас, сійӧ лоӧ киссьӧм карӧн.

Амос 1:3

Господь тадзи висьталӧ: – Дамаск карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд кӧртысь вӧчӧм вартан гӧгыльӧн Галаад му вывті мунісны.

Исай 28:4

Нярмӧм дзоридзкӧд, ефремсаяслӧн мичмӧданторкӧд да ошйысянторкӧд, коді быдмӧ керӧс вылын, бур муа ковтыс весьтын, лоӧ кадысь водз воӧм инжиркӧд моз – коді аддзас сійӧс, босьтас киас да дзик пыр ньылыштас.

Амос 1:5

Дамасклысь иганъяссӧ жугла, бырӧда Авен ковтысын юралысьӧс, Бет-Эденын юралан бедьсӧ кутысьӧс. Арам войтырӧс пленӧ нуӧдасны Кирӧ, – висьталӧ Господь.