Biblia Todo Logo
Bib sou entènèt

- Piblisite -




Исай 7:18 - Коми Библия 2023

18 Сійӧ лунӧ Господь чукӧстас Нил ю дорысь гутъясӧс, Ассур муысь мазіясӧс.

Gade chapit la Kopi




Исай 7:18
15 Referans Kwoze  

Господь кыпӧдас дӧрапас да чукӧстас войтыръясӧс ылі муясысь, Сійӧ чукӧстас му помын олысьясӧс, и найӧ кокньыда да тэрыба локтасны.


Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.


Эз тіян шыпуртныд, эз тіян ньӧввужныд вӧтлы аморейяслысь кык ӧксыӧс тіян водзвылысь, а Меӧн мӧдӧдӧм гырысь зіяс.


Господь, тіян Енныд, мӧдӧдас на вылӧ гырысь зіясӧс, кытчӧдз оз кувны медбӧръя йӧзыс, кодъяс дзебсьӧны тіянысь.


кӧні олісны аморейяс. Но зі чукӧр моз найӧ уськӧдчисны тіян вылӧ, пасьвартісны тіянӧс Сеир керӧсвыв муын да вӧтӧдісны Хормаӧдз.


Ылі муысь, енэжтас сайысь, локтӧны Господь да Сылӧн скӧрлуна вермасянторъясыс, медым пазӧдны ставнас мусӧ.


Тэныд, тэнад войтырлы да тэнад рӧдлы Господь мӧдӧдас сэтшӧм лунъяс, кутшӧмӧсь эз на вӧвны сійӧ кадсяньыс, кор Ефрем торйӧдчис Иудаысь. Тіянлы паныд Господь мӧдӧдас ассурса ӧксыӧс.


Ошкӧм Тэныд, Господьӧй! Велӧд менӧ Аслад тшӧктӧмъясӧ.


Господь тадзи и вӧчис. Лыдтӧм-тшӧттӧм лӧдз-гут тыртіс фараонлысь керкасӧ, сылӧн йӧзлысь керкаяссӧ да став Египет мусӧ. Лӧдз-гут вӧсна Египет му вылӧ локтіс бырӧдӧм.


Он кӧ лэдз Менсьым войтырӧс, Ме мӧдӧда лӧдз-гут тэ вылӧ, тэныд кесъялысь йӧз да став войтырыд вылӧ. Египетсалӧн став керкаыс да муыс тырас лӧдз-гутӧн.


Ылісянь, му помсянь Господь вайӧдас войтырӧс, кодлысь кывсӧ ті онӧ гӧгӧрвоӧй. Кутшъяс моз найӧ уськӧдчасны тіян вылӧ.


– Ме чукӧста найӧс, чукӧрта ставнысӧ, ӧд Ме ньӧби найӧс, и найӧ важ мозыс бара лоӧны уна лыда войтырӧн.


Та понда сійӧс лыддьӧны веськыда олысьӧн чужысьяссянь чужысьясӧдз нэмъяс чӧж.


Swiv nou:

Piblisite


Piblisite