Исай 65:24 - Коми Библия 2023

²⁴ Найӧ оз на удитны шыасьны Ме дінӧ, а Ме налы вочавидза нин. Найӧ пондасны на висьтавны, а Ме найӧс кыла нин.

Исай 65:24 Referans Kwoze

Даниил 10:12

Сійӧ шуис меным: «Эн пов, Даниил! Тэнсьыд кевмӧмтӧ кылӧма медводдза лунсяньыс, кор тэ раммӧдін сьӧлӧмтӧ аслад Ен водзын, медым гӧгӧрвоны сійӧ, мый тэ аддзылін. И ме локті тэнад кевмӧм вӧсна.

Исай 58:9

Тэ шыасян Господь дінӧ, и Сійӧ кылас тэнӧ, тэ чукӧстан Сійӧс отсӧг вылӧ, и Сійӧ шуас: «Ме тані». Бырӧдан кӧ ас пӧвстсьыд быдпӧлӧс сьӧктӧдан сийӧс, дугдан кӧ мӧд вылӧ индавны чуньнад да паськӧдны лёк сёрнияс,

Марк 11:24

Та вӧсна висьтала тіянлы: мый коранныд кевмысиганыд, эскӧй, мый сійӧ лоӧ тіянлы, и лоӧ тадзи.

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Ап. уджъяс 4:31

Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.

Исай 55:6

Корсьӧй Господьӧс, кор позьӧ на аддзыны Сійӧс, шыасьӧй Сы дінӧ, кор Сійӧ матын.

Псалтыр 32:5

Господь радейтӧ збыльсӧ да веськыда мыждӧмсӧ, муыс тыр Господьлӧн буралӧмӧн.

Исай 30:19

Ерусалимын олысь сионса войтыр, тэ он нин понды бӧрдны. Кор тэ шыасян Сы дінӧ, Сійӧ кутас буравны тэ дінӧ, Сійӧ кылас да вочавидзас тэныд.

Исай 41:17

Гӧльяс да коньӧръяс корсьӧны ва, но оз аддзыны, налӧн вом пытшкӧсныс пакталӧма. Но Ме, Господь, кыла найӧс, Ме, Израильлӧн Ен, ог эновт найӧс.

Исай 59:1

Господьлӧн киыс эз дженьдаммы, медым мездыны, Сылӧн пельыс эз сьӧктаммы, медым кывны.

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Олӧм 24:15

Кесйӧглӧн кевмысигкості локтіс Ревекка, Бетуэллӧн нылыс. Бетуэл вӧлі Нахорлӧн да Милкалӧн пи, а Нахор вӧлі Ӧвраамлӧн вок. Ревеккалӧн пельпом вылас вӧлі гырнич доз.

Ӧксыяслӧн 4 небӧг 19:20

Амослӧн Исай пиыс мӧдӧдіс мортӧс да тшӧктіс висьтавны Езекейлы: «Господь, Израильлӧн Ен тадзи висьталӧ: ”Тэ кевмысин Меным, кор ассурса Сеннахирим ӧксы повзьӧдліс тэнӧ, и Ме кылі тэнӧ”.