Исай 64:5 - Коми Библия 2023

⁵ Тэ бур сьӧлӧмӧн воча петан сылы, коді нимкодьпырысь веськыда вӧчӧ, коді восьлалӧ Тэнад туйӧд да казьтывлӧ Тэ йылысь. Но Тэ скӧрмин миян вылӧ, ӧд ми важысянь нин мыжсӧ вӧчам. Сідзкӧ, мездмам-ӧ ми?

Исай 64:5 Referans Kwoze

Еврейяслы 4:16

Та вӧсна ми повтӧг матыстчам бур сьӧлӧма Енлӧн юралан пуклӧс дінӧ, медым колана кадӧ босьтны Енсянь буралӧмсӧ да бурсетӧмсӧ отсӧгным вылӧ.

Ап. уджъяс 10:35

Быд войтыр пӧвстысь Сійӧ сибӧдӧ найӧс, кодъяс олӧны веськыда да Сыысь полӧмӧн.

Малакий 3:6

Ме – Господь, Ме ог вежлась! И ті, Яковлӧн пиян, абу вежсьӧмныд.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Псалтыр 112:1

Аллилуйя! Господьлӧн кесйӧгъяс, ошкӧй Господьлысь нимсӧ!

Псалтыр 103:17

Налӧн вожъяс вылӧ поздысьӧны лэбачьяс, сэтчӧ поздысьӧны аистъяс.

Псалтыр 37:4

Тэнад скӧралӧмысь менам вир-яйын абу висьтӧминыс, менам мыж вӧсна лыясӧй оз ланьтлыны висьӧмысь.

Псалтыр 25:10

Асланыс киясӧн найӧ лёксӧ вӧчӧны, налӧн веськыд киныс виччысьӧ козинъяс.

Петӧм 30:6

Висьпуктанінсӧ сувтӧд Вежаинӧ ӧшӧдан дӧра водзӧ, а дӧра саяс лоӧ Йитӧд куд. Йитӧд кудлӧн вевт вывсянь Ме кута шыасьны тэ дінӧ.

Петӧм 25:22

Йитӧд кудлӧн вевт вывтсянь, куд вылын сулалысь кык херувим костысь, Ме кута шыасьны тэ дінӧ, кута сетны Израиль пиянлы тшӧктӧмъяс тэ пыр».

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Осий 6:3

Сідзкӧ, тӧдмаламӧй Господьӧс, сьӧлӧмсянь зілямӧй тӧдны Сійӧс. Сійӧ локтас, и тайӧ збыль, кыдзи асъя кыалӧн петӧмыс збыль. Сійӧ локтас миян дінӧ зэр моз, мусӧ киськалысь тувсовъя зэр моз».

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 26:13

Господьӧй, миян Енмӧй, Тэ пыдди миян вылын ыджыдалісны мукӧд ыджыдъяс. Но ӧні ми шыасям сӧмын Тэ дінӧ.

Исай 63:7

Ме юӧрта Господьлӧн буралӧмыс йылысь, висьтала Господьлӧн ошкана уджъясыс йылысь, мый Господь вӧчис миянлы, висьтала Сылӧн ыджыд бурлун да муслун йылысь, Израиль войтыр дінӧ Сылӧн ыджыд буралӧм йылысь.

Даниил 9:5

Ми мыж вӧчим да лёкнога олім. Ми лёксӧ вӧчим да кыпӧдчим Тэныд паныд, ми ӧтдортім Тэнсьыд индӧд-тшӧктӧмъястӧ.

Исай 1:30

Ӧд ті асьныд лоанныд кортӧм пу кодьӧсь, косьмӧм рас кодьӧсь.

Исай 27:8

Кор Тэ ӧтдортлін Израиль войтырӧс, Тэ чирыштлін найӧс этш тӧдӧмӧн. Асыв тӧв моз Тэ вӧтлін найӧс Аслад вына пӧльыштӧмнад.

Закар 3:3

Исус сулаліс андел водзын няйт паськӧма.