Исай 64:4 - Коми Библия 2023

⁴ Му пуксьӧмсяньыс на некод эз тӧдлы, эз кывлы пель, эз аддзывлы син, мый Тэ кындзи эм кутшӧмкӧ мӧд ен, коді эськӧ та мында вӧчис сы вылӧ лача кутысьлы.

Исай 64:4 Referans Kwoze

Яков 5:7

Вокъяс, терпитӧмӧн виччысьӧй Господьлысь локтӧмсӧ. Видзӧдлӧй, кутшӧм терпитӧмӧн му вӧдитысь виччысьӧ муыслысь дона быдтассӧ. Сійӧ виччысьӧ арся да тувсов зэръяс.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Олӧм 49:18

Господьӧй, мезды, ме виччыся отсӧг Тэсянь!

Иоан 14:3

Ме дасьта оланін да бӧр локта босьтны тіянӧс Ас дінӧ, медым ті вӧлінныд Мекӧд.

Еврейяслы 11:16

Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Матвей 25:34

Веськыдладорын сулалысьяслы Ӧксы шуас: ”Локтӧй, менам Батьлӧн бурсиӧмаяс. Тіянлы вуджӧ Енлӧн Юраланіныс, кодӧс дасьтӧма тіянлы му пуксьӧмсяньыс.

Исай 30:18

Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Римӧ 8:19

Енлӧн став вӧчӧмторйыс ёна виччысьӧ Ен ныв-пилысь воссьӧмсӧ.

Псалтыр 62:1

Давидлӧн псалом. Сійӧ лӧсьӧдіс тайӧс Иуда овтӧминын олігӧн.

1 Иоан 4:10

Муслуныс абу сыын, мый Енмыс вӧлі муса миянлы, но сыын, мый ми вӧлім мусаӧсь Сылы. Сійӧ сетіс Ассьыс Писӧ вись пыдди, медым вештыны миянлысь мыжнымӧс.

1 Коринфӧ 1:7

та вӧсна миян Господь Исус Кристослысь локтӧмсӧ виччысигӧн ті озырӧсь сетӧмторъяснас.

Лука 2:25

Сэки Ерусалимын вӧлі Симеон нима вежавидзысь морт. Сійӧ оліс веськыда да виччысис Израильӧс мездӧм. Вежа Лов вӧлі сы вылын.

1 Фессалоникаӧ 1:10

и виччысьны енэжсянь Енлысь Писӧ – Исусӧс, кодӧс Енмыс ловзьӧдіс кулӧмысь. Сійӧ мездас миянӧс локтана скӧрлунысь.

Исай 40:31

а Господь вылӧ лача кутысьяс бара на вынсялӧны: кутш моз найӧ шевкнитасны борднаныс, котӧртасны, но оз мудзны, мунасны, но оз жебмыны.

Исай 66:8

Коді кывліс татшӧмторйыс йылысь, коді аддзыліс татшӧмторсӧ? Му ӧмӧй артмӧ ӧти лунӧн, войтыр ӧмӧй чужӧ ӧти здукӧн? Но Сион нывлӧн сӧмын на заводитчис чужтан дойыс, а сійӧ чужтіс нин пиянсӧ.

Ездра 9:7

Батьяслӧн кадсянь и ӧнӧдз миян вылын куйлӧ ыджыд мыж. Асланым мыжъяс вӧсна ми асьным, миян ӧксыяс и попъяс шедім мукӧд войтырлӧн ӧксыяс киӧ да шыпурт улӧ. Найӧ нуӧдісны миянӧс пленӧ, мырддялісны эмбурнымӧс да янӧдісны миянӧс. Тадзи найӧ вӧчӧны весиг талун.

Псалтыр 103:18

Джуджыд керӧс вылӧ овмӧдчӧны кӧзаяс, изкыртаӧ овмӧдчӧны даманъяс.

Исай 59:12

Ӧд ми Тэныд паныд уна лёк вӧчим, миян мыжъясным мыждӧны миянӧс, лёк вӧчӧмъясным век миянкӧд, ми тӧдам ассьыным мыжъяснымӧс.

Даниил 9:5

Ми мыж вӧчим да лёкнога олім. Ми лёксӧ вӧчим да кыпӧдчим Тэныд паныд, ми ӧтдортім Тэнсьыд индӧд-тшӧктӧмъястӧ.

Даниил 9:8

Господьӧй, миянлы, миян ӧксыяслы, юралысь-веськӧдлысьяслы да миян батьяслы юръяндзим, ӧд ми мыж вӧчим Тэныд паныд.

Даниил 9:15

Господьӧй, миян Енмӧй, Аслад вына кинад Тэ петкӧдін Ассьыд войтыртӧ Египетысь. Тэ шедӧдін Аслыд нималӧм, и ӧніӧдз Тэ нималан, но ми мыж вӧчим да олім лёкнога.

Осий 7:7

Ставныс найӧ донӧдӧм пач кодьӧсь, би моз найӧ ньылыштӧны юралысьяснысӧ. Налӧн ӧксыясыс усьӧны, но некод оз шыась Ме дінӧ.

Закар 10:9

Ме разӧді найӧс мукӧд войтыръяс пӧвстӧ, но ылі муясын найӧ казьтыштасны Менӧ. Найӧ ловйӧн колясны асланыс челядькӧд, бӧр локтасны накӧд.