Исай 63:10 - Коми Библия 2023

¹⁰ Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Исай 63:10 Referans Kwoze

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

Ефесӧ 4:30

Энӧ шогӧдӧй Ен Вежа Лолӧс, кодӧн пасйӧма тіянӧс вештысян лун кежлӧ.

Еремей 21:5

Ме Ачым понда тышкасьны тіянлы паныд вына киӧс кыпӧдӧмӧн, скӧрлунӧн, ярлунӧн да ыджыд лӧглунӧн.

Езекиль 20:8

Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Псалтыр 51:11

Енмӧй, кута помтӧг ошкыны Тэнӧ став уджсьыд. Тэнад эскана войтырыдкӧд понда лача кутны бур нимыд вылӧ.

Езекиль 20:21

Но найӧ тшӧтш кыпӧдчисны Меным паныд, эз овны Менам индӧд-тшӧктӧмъяс серти, медым видзны ассьыныс олӧмнысӧ. Нӧшта найӧ пежалісны Менсьым шойччан лунӧс. Сэки Ме шуи, мый овтӧминын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 6:9

Сэні пленын олігӧн найӧ тӧд выланыс уськӧдасны Менӧ, кор Ме жугӧда налысь сьӧлӧмсӧ да пемдӧда налысь синсӧ. Ӧд найӧ эновтісны Менӧ да кырсалысь ань моз сетчисны идолъяслы. Та бӧрын найӧ зывӧктасны асьнысӧ став пеж вӧчӧмсьыныс

Езекиль 2:7

Кывзас-ӧ тэнӧ тайӧ асныра войтырыс либӧ оз, висьтав налы Менсьым кывъясӧс.

Псалтыр 78:8

Эн пукты миян вылӧ батьяснымлысь мыжъяссӧ, тэрмась петкӧдлыны миянлы Ассьыд бурлунтӧ, ӧд ми дзикӧдз жебмим.

Неемий 9:29

Тэ ӧлӧдлін найӧс, медым найӧ бергӧдчисны Тэнад Индӧд дінӧ, но найӧ пыксисны, эз кывзыны Тэнсьыд тшӧктӧмъястӧ, мыж вӧчӧмӧн торкисны Тэнсьыд Индӧдтӧ, мый вайӧ олӧм мортыслы, коді сы серти олӧ. Найӧ пыксисны-асныралісны, эз кывзыны Тэнӧ.

Индӧд 9:7

«Энӧ вунӧдӧй, кыдзи овтӧминын ті скӧрмӧдлінныд Господьӧс, ассьыныд Ентӧ. Египет муысь петан лунсянь да татчӧ вотӧдз ті пыр пыксинныд Господьлы.

Петӧм 23:21

Видзчысьӧй сыысь да кывзысьӧй сылысь. Энӧ дӧзмӧдӧй сійӧс, ӧд сійӧ тіянлы тайӧс оз прӧстит. Менам нимӧй олӧ сы пытшкын.

Петӧм 16:8

Мӧисей водзӧ шуис: «Рытнас Господь сетас тіянлы сёйны яй, а асывнас сетас нянь, и ті пӧттӧдзныд сёянныд. Ӧд Господь кыліс, кыдзи ті ропканныд Сы вылӧ. А ми нӧ кодъяс? Ті ӧд он миян вылӧ ропкӧй, а Господь вылӧ».

Петӧм 15:24

Войтырыс кутіс шуасьны Мӧисей вылӧ: «Кытысь миянлы юнысӧ?»

Матвей 22:7

Ӧксы кывлас та йылысь да ёна скӧрмас. Сійӧ мӧдӧдас ассьыс тышкайӧзсӧ вины морт виысьясӧс, а карсӧ тшӧктас сотны.

Езекиль 20:13

Но Израиль войтыр кыпӧдчис Меным паныд овтӧминын. Найӧ бокӧ вештісны Менсьым индӧд-тшӧктӧмъясӧс, на серти эз овны, медым видзны ассьыныс олӧмнысӧ. Менсьым шойччан лунӧс найӧ пежалісны. Сэки Ме шуи, мый овтӧминын кисьта на вылӧ Ассьым скӧрлунӧс да бырӧда найӧс.

Езекиль 2:3

Сійӧ шуис меным: «Морт пиӧй, Ме мӧдӧда тэнӧ Израиль пиян дінӧ, кывзысьтӧм йӧз дінӧ, кодъяс эновтісны Менӧ. Асланыс батьяс моз найӧ пыр на Меным паныд кыпӧдчӧны.

Бӧрданкыв 1:20

Господьӧй, видзӧдлы, кутшӧм меным сьӧкыд! Тэныд пыксьӧмӧй вӧсна менам пытшкӧсӧй шызьӧма, сьӧлӧмӧй тіралӧ. Ывлаын шыпурт бырӧдіс челядьӧс, керкаӧ кулӧм овмӧдчис.

Бӧрданкыв 1:18

Господь веськыд, но ме кыпӧдчи Сылы паныд. Кывзӧй, войтыръяс, видзӧдлӧй менам дой вылӧ: менсьым ныв-зонмӧс нуӧдісны пленӧ.

Еремей 30:14

Став тэнад ёртъясыд вунӧдісны тэнӧ, найӧ оз тӧждысьны тэ вӧсна. Вӧрӧг моз Ме пасьварті тэнӧ, чорыда мыжді тэнӧ уна лёк вӧчӧмсьыд, лыдтӧм-тшӧттӧм мыжъяссьыд.

Исай 65:2

Быд лун Ме нюжӧдлі киӧс кывзысьтӧм войтыр дінӧ, коді мунӧ шогмытӧм туйӧд, олӧ аслас колӧм-кӧсйӧм серти.

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Неемий 9:26

Но найӧ кутісны пыксьыны Тэныд, кыпӧдчисны Тэныд паныд, ӧтдортісны Тэнсьыд Индӧдтӧ, виалісны Тэнсьыд пророкъястӧ, кодъяс ӧлӧдісны найӧс, медым веськӧдны Тэлань. Найӧ вӧчисны уна пеж,

Петӧм 32:8

Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс ӧшкӧс да копыртчисны сылы, вайисны сылы висьяс да шуисны: ”Израиль, тайӧ тэнад ен, сійӧ петкӧдіс тэнӧ Египет муысь!”»

Ап. уджъяс 7:42

Енмыс бергӧдчис наысь да эновтіс найӧс юрбитны тӧлысь-кодзувъяслы. Та йылысь гижӧма пророкъяслӧн небӧгын: – Израиль войтыр! Нелямын во чӧжнас овтӧминын вайлінныд-ӧ ті Меным начкӧм ыж-мӧскӧс да мукӧд вись?

Олӧм 6:6

сэки жалитіс, мый вӧчис мортӧс му вылын. Господьлӧн сьӧлӧмыс ёна шогсис.

Псалтыр 106:33

Юясысь Сійӧ вӧчӧ овтӧмин, ва петанінъясысь – косін,

Исай 63:11

Сэки важся кадсӧ, Мӧисей дырся лунъяссӧ, казьтыштігӧн Господьлӧн войтырыс шуис: – Кӧні Сійӧ, коді петкӧдіс Ассьыс ыж чукӧрсӧ саридзысь, мездіс найӧс да налысь видзысьсӧ? Кӧні Сійӧ, коді сетіс Аслас войтырлы Вежа Ловсӧ?

Еремей 32:30

Ӧд Израиль войтыр да Иуда войтыр том кадсяньыс вӧчисны сӧмын лёксӧ, вӧчисны Менам син водзын шогмытӧмсӧ. Израиль войтыр сӧмын дӧзмӧдіс Менӧ аслас уджъясӧн, – висьталӧ Господь. –

Езекиль 16:43

Сыысь, мый тэ вунӧдін том кадтӧ да скӧрмӧдін Менӧ аслад уджъясӧн, Ме мынтыся тэныд олан туйыд серти, – висьталӧ Господь Ыджыдыс. – Тэнад уджъясыд ӧд пежӧсь да зывӧкӧсь.

Индӧд 1:26

Но ті энӧ кӧсйӧй муннысӧ, ті пыксинныд асланыд Господь Енлӧн тшӧктӧмлы.

Нав Исус 22:15

Найӧ воисны Рувим да Гад чужанкотыръяс да Манассейлӧн джын чужанкотырыс дінӧ Галаад муӧ да шуисны налы:

2 Каднебӧг 12:2

Найӧ эновтісны Господьӧс, та вӧсна Ровоам ӧксылӧн витӧд веськӧдлан воӧ египетса Шишак ӧксы аслас тышкайӧзкӧд уськӧдчис Ерусалим кар вылӧ.

Псалтыр 107:11

Коді пыртас менӧ изкарӧ, коді вайӧдас менӧ Эдом муӧдз?