Исай 6:9 - Коми Библия 2023

⁹ Господь шуис: «Мун да висьтав тайӧ войтырыслы: пельнаныд кутанныд кывзыны да онӧ гӧгӧрвоӧй, синнаныд кутанныд видзӧдны да онӧ аддзӧй.

Исай 6:9 Referans Kwoze

Лука 8:10

Исус шуис: «Тіянлы сетӧма тӧдны Ен Юралӧмлысь гусяторъяссӧ, а мукӧдыс кылӧны та йылысь велӧданвисьтъясысь: найӧ видзӧдӧны да оз аддзыны, кывзӧны да оз гӧгӧрвоны.

Марк 4:12

– Найӧ видзӧдӧны, аддзӧны – да оз казявны, кывзӧны, кылӧны – да оз гӧгӧрвоны. Оз бергӧдчыны Енлань, и налысь мыжъяссӧ оз ло прӧститӧма».

Иоан 12:40

– Енмыс тупкис налысь синнысӧ, чорзьӧдіс налысь сьӧлӧмнысӧ, медым эз аддзыны синнаныс, эз гӧгӧрвоны сьӧлӧмнаныс да эз бергӧдчыны Мелань, медым Ме бурдӧді найӧс.

Римӧ 11:8

ӧд гижӧма: – Енмыс сетіс налы чорзьӧм лов. Налӧн синныс куньса, пельныс тупкыса, и ӧнӧдз на тадз.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Исай 43:8

Петкӧд синтӧм войтырӧс, налӧн эм синъяс, но оз аддзыны, петкӧд пельтӧмъясӧс, налӧн эм пельяс, но оз кывны.

Осий 1:9

Господь шуис Осийлы: «Пукты сылы Ло-Амми ним, ӧд ті абу Менам войтыр, и Ме ог ло тіян Енмӧн».

Индӧд 29:4

Но талунӧдз Господь [Ен] эз сет тіянлы гӧгӧрвоысь сьӧлӧм, аддзысь син да кылысь пель.

Шусьӧгъяс 28:5

Лёк йӧз веськыда мыждӧмсӧ оз гӧгӧрвоны, а Господьӧс корсьысьяс сійӧс бура вежӧртӧны.

Исай 29:10

Ӧд Господь мӧдӧдіс тіян пытшкӧ унзіль, тупкис тіянлысь синнытӧ – пророкъяснытӧ, вевттис тіянлысь юрнытӧ – тӧдысь-аддзысьяснытӧ.

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Еремей 5:21

– Мывкыдтӧм да вежӧртӧм войтырӧй, кывзы тайӧ кывъяссӧ. Тіян эм синъяс, но ті онӧ аддзӧй, тіян эм пельяс, но ті онӧ кылӧй.

Езекиль 12:2

«Морт пиӧй, тэ олан асныра войтыр пӧвстын. Налӧн эм син, медым аддзыны, но найӧ оз аддзыны. Налӧн эм пель, медым кывны, но найӧ оз кывны, ӧд найӧ асныра войтыр.

Исай 28:13

Господьлӧн кывйыс лоӧ налы татшӧм: тшӧктӧм бӧрся тшӧктӧм, тшӧктӧм бӧрся тшӧктӧм, велӧдӧм бӧрся велӧдӧм, велӧдӧм бӧрся велӧдӧм, татысь мыйкӧ, сэтысь мыйкӧ. Найӧ мунасны, усясны да доймасны. Найӧ веськаласны налькйӧ, и найӧс кутасны.

Исай 42:20

Тэ унатор аддзылін, но нинӧм эн казяв, тэнад пельыд вӧлі восьса, но тэ эн кыв.