Исай 6:2 - Коми Библия 2023

² Сы дінын сулалісны серафимъяс. Налӧн быдӧнлӧн вӧлі квайт борд. Кык борднас найӧ вевттисны чужӧмнысӧ, мӧд кык борднас – кокнысӧ, и нӧшта кык борднас лэбалісны.

Исай 6:2 Referans Kwoze

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.

Езекиль 1:11

Татшӧм вӧлі налӧн чужӧмныс. Борднысӧ найӧ вӧлі шевкнитӧмаӧсь вывлань, и тайӧ кык борднас найӧ инмисны ӧта-мӧдныслы, а мӧд кык борднас вевттисны ассьыныс мыгӧрнысӧ.

Псалтыр 104:4

Корсьӧй Господьӧс да Сылысь вынсӧ, дугдывтӧг корсьӧй Сылысь чужӧмбансӧ.

Псалтыр 103:20

Тэ мӧдӧдан пемыдсӧ, пуксьӧ вой, и зверъяс петӧны кынӧмпӧт корсьны.

Исай 6:6

Сэки лэбзис ме дінӧ серафимъяс пӧвстысь ӧтиыс. Шом чепӧляӧн сійӧ кутіс киас висьпуктанінысь босьтӧм биа ӧгыр.

Псалтыр 18:10

Господьысь полӧмыс сӧстӧм, олӧ нэмъяс чӧж. Господьлӧн мыждӧмыс збыль да ставнас веськыд.

Ӧксыяслӧн 3 небӧг 6:24

Херувимлӧн ӧти бордйыс вӧлі вит гырддза пасьта, и мӧд бордйыс вӧлі вит гырддза пасьта. Бордъяслӧн пасьтаыс ӧти помсянь мӧд помӧдзыс вӧлі дас гырддза.

Восьтӧм 14:6

Сэсся ме аддзи нӧшта ӧти анделӧс, коді лэбис енэж шӧрӧдыс. Сылӧн вӧлі помасьлытӧм Евангелльӧ, медым висьтавлыны сійӧс мувывса олысьяслы: быд чужанвужлы да чужанкотырлы, быд кыла йӧзлы да быд войтырлы.

Восьтӧм 8:13

Сэсся ме аддзи енэж шӧрӧдыс лэбысь анделӧс. Сійӧ гораа горзіс: «Шог, курыд шог му вылын олысьяслы, ӧд мукӧд куим анделыс регыд нин пондасны тутсыны трубаӧ!»

Восьтӧм 7:11

Сэки став анделыс, кодъяс кытшалісны юралан пуклӧссӧ, юрнуӧдысьясӧс да нёль ловъя олысьсӧ, кымынь уськӧдчисны пуклӧс водзӧ да копыртчылісны Енмыслы.

Даниил 7:10

Сы дінысь петіс-визувтіс биӧн ыпъялысь ю, Сылы кесъялісны сюрсъясӧн, Сы водзын сулалісны лыдтӧм-тшӧттӧм йӧз. Ёрдысьяс пуксисны, и воссисны небӧгъяс.

Езекиль 10:21

Быдӧнлӧн вӧлі нёль чужӧм да нёль борд, а борд уланыс вӧлі мортлӧн кодь ки.

Езекиль 1:24

Ме кылі налӧн бордъяслысь шысӧ. Сійӧ вӧлі бузгысь ыджыд ва кодь, Ставсӧвермысьлӧн гӧлӧс шы кодь. Ловъя олысьяслӧн муніганыс борд шыныс вӧлі уна лыда тышкайӧзлӧн восьлалӧм шы кодь. А кор найӧ сувтлісны, борднысӧ лэдзлісны.

Езекиль 1:9

Нёльнанныслӧн вӧліны чужӧмъяс да бордъяс. Борднаныс найӧ инмисны ӧта-мӧдныслы. Муніганыс налы эз ковмы бергӧдчыны, ӧд найӧ мунісны сэтчӧ, кытчӧ видзӧдіс чужӧмныс.

Езекиль 1:6

Быдӧнлӧн вӧлі нёль чужӧм да нёль борд.

Иов 15:15

Енмыс весиг Аслас анделъяслы оз эскы, весиг енэжыс абу сӧстӧм Сылӧн син водзын.

Иов 1:6

Ӧтчыд Енлӧн пиян локтісны да сувтісны Господь водзӧ. Накӧд локтіс тшӧтш сӧтана.

Ӧксыяслӧн 3 небӧг 22:19

Микей водзӧ висьталіс: «[Тадзисӧ ог ме висьтав.] Кывзӧй Господьлысь кывсӧ! Ме аддзылі Господьӧс, Сійӧ пукаліс Аслас юралан пуклӧсын. Сыкӧд орччӧн шуйгаладорас и веськыдладорас сулалісны енэжвывса тышкакотыръяс.

Ӧксыяслӧн 3 небӧг 8:7

Херувимъяслӧн бордъясыс вӧлі шевкнитчӧмаӧсь Йитӧд куд весьтын. Бордъяснаныс найӧ вевттисны кудсӧ да куд новлӧдлан потшъяссӧ.

Ӧксыяслӧн 3 небӧг 6:27

Соломон сувтӧдіс херувимъясӧс Вежасьыс-вежаинӧ. Налӧн бордъясыс вӧлі шевкнитчӧмаӧсь: ӧтиыслӧн ӧти бордйыс инмис крамлӧн ӧтар стенмас, мӧдыслӧн – мӧдар стенмас, а мӧд борднас найӧ йитчисны ӧта-мӧдныскӧд.

Петӧм 37:9

Вывлань шевкнитчӧм бордъяснас херувимъяс тупкисны куд вевтсӧ да воча сулалӧмӧн видзӧдісны вевт вылас.

Петӧм 25:20

Вывлань шевкнитчӧм бордъяснас херувимъяс мед тупкасны куд вевтсӧ да воча сулалӧмӧн видзӧдасны вевт вылас.

Псалтыр 89:7

Тэнад скӧралӧмысь ми бырам, Тэнад лӧгалӧмысь ми полам-тіралам.

Иов 4:18

Енмыс весиг Аслас кесйӧгъяслы оз эскы, Аслас анделъяслысь Сійӧ аддзӧ тырмытӧмторъяс.

Ӧксыяслӧн 3 небӧг 19:13

Тайӧс кылігӧн Илля тупкис чужӧмсӧ аслас кышанӧн, петіс кырта горсйысь да сувтіс кырта горсйӧ пыранін дорас. И кыліс гӧлӧс шы: «Илля, тэ мыйла тані?»

Петӧм 3:6

Ен нӧшта шуис: «Ме тэнад батьлӧн Ен, Ӧвраамлӧн Ен, Исааклӧн Ен да Яковлӧн Ен». Мӧисей тупкис чужӧмсӧ, ӧд поліс видзӧдны Ен вылӧ.

Олӧм 17:3

Ӧврам кымынь уськӧдчис муас, а Ен шуис:

Еврейяслы 1:7

Анделъяс йылысь шуӧма: – Ассьыс анделъяссӧ Енмыс вӧчӧ тӧвнырӧн, Ассьыс кесъялысьяссӧ – ыпъялан биӧн.

Лука 1:10

Закарлӧн тшынӧдчигкості став йӧзыс кевмысисны крам ортсыас.

Закар 3:4

Андел шуис аслас отсасьысьяслы: «Пӧрччӧдӧй сы вылысь няйт паськӧмсӧ». Исуслы андел шуис: «Видзӧд, ме босьті тэ вылысь мыжтӧ, ӧні пасьтӧда тэнӧ гажӧдчан паськӧмӧ».

Даниил 9:21

Менам кевмысигӧн петкӧдчис Гавриил, кодӧс ме водзынджык аддзылі. Рытъя вись ваян кадӧ сійӧ зэв ӧдйӧ лэбзис мелань да инмӧдчис ме дінӧ.

Езекиль 10:16

Налӧн мунігӧн накӧд тюрисны и гӧгыльясыс. Кор херувимъяс шевкнитісны борднысӧ да кыпӧдчисны му вывсянь, гӧгыльясыс на бердысь эз торъявны.

Езекиль 1:4

Ме аддзи, мый войвывсянь кыпӧдчис ён тӧвныр. Сійӧ локтіс ыджыд кымӧрӧн да сявкйысь чардбиӧн. Кымӧрыс ставнас югъяліс-дзирдаліс.

Неемий 9:6

[Ездра шыасис]: – Тэ – ӧти Господь! Тэ вӧчин енэжсӧ, енэжвыв енэжъяссӧ да вынъяссӧ, мусӧ да ставсӧ, мый сы вылын, саридзсӧ да ставсӧ, мый сэні эм. Тэ ставыслы сетан олӧм, енэжвыв вынъяс копрасьӧны Тэныд!