Исай 59:6 - Коми Библия 2023

⁶ Асланыс везйысь найӧ оз вермыны вурны паськӧм, киӧн вӧчӧмторъясӧн оз вермыны вевттьыны вир-яйнысӧ. Найӧ вӧчӧны лёксӧ, налӧн киныс виӧ-дойдалӧ.

Исай 59:6 Referans Kwoze

Еремей 6:7

Кыдзи ва петанінысь ылькйӧ-петӧ ва, тадзи тайӧ карсьыс петӧ лёкыс. Сэні ыджыдалӧ виалӧм-дзескӧдӧм да мырддялӧм, висьӧм да дойяс оз вешйывны Менам син водзысь.

Исай 57:12

Но Ме петкӧдла тэнсьыд веськыдлунтӧ да тэнсьыд уджъястӧ – таысь тэныд бурыс оз ло.

Софоний 1:9

Ме мыжда сійӧ лунӧ быдӧнӧс, коді воськовтігас полӧ тувччыны тагӧс вылӧ, коді ыджыдыслысь керкасӧ тыртӧ виалӧм-дзескӧдӧмӧн да ылӧгӧн.

Микей 6:12

Татчӧс карса озыръяс виалӧны-дзескӧдӧны, олысьясыс пӧръясьӧны, оз сёрнитны веськыда.

Микей 2:8

Ті вӧлінныд Менам войтырӧн, но сувтінныд Меным паныд. Ті мырддялінныд вылыс и улыс паськӧмсӧ тыш вылысь локтысьяслысь, повтӧг тіян муӧд мунысьяслысь.

Амос 6:3

Ті кӧсъянныд ылыстны сійӧ лунсӧ, кор лёкыс суас тіянӧс, но ті асланыд виалӧм-дзескӧдӧмӧн матыстанныд сійӧс.

Амос 3:10

Дзескӧдӧмӧн да мырддялӧмӧн найӧ чукӧртӧны озырлун асланыс ыджыд керкаясӧ, веськыда вӧчны найӧ оз кужны, – висьталӧ Господь. –

Езекиль 7:23

Найӧ вайӧдасны Израиль войтырӧс шызьӧмӧдз, ӧд муыс тырас вир кисьтӧмӧн, юркарын паськалас виалӧм-дзескӧдӧм.

Езекиль 7:11

виалӧм-дзескӧдӧм содӧ, сійӧ – лёк вӧчысьяс киын бедь. Весиг морт оз коль налӧн ызгысь чукӧрысь, налӧн озырлунысь нинӧм оз коль, налӧн вылӧ кыпӧдчӧмыс бырас.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Исай 58:4

Со, ті видзаланныд, но тіян костын содӧ вензьӧм да зыксьӧм, ті чорыда нӧйтанныд ӧта-мӧднытӧ. Тадзи кӧ ті видзаланныд, тіянлысь гӧлӧс шытӧ оз кывны выліас.

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Псалтыр 58:2

Енмӧй, мезды менӧ мустӧмтысьясысь, дорйы менӧ паныд кыпӧдчысьясысь,

Олӧм 6:11

Енлӧн син водзын вӧлі тшыкӧма му вылас олӧмыс, муыс вӧлі тырӧма виалӧм-дзескӧдӧмӧн.

Иов 16:17

Но менам кевмӧмӧй сӧстӧм, менам киӧй некодӧс эз вилы да эз дзескӧдлы.

Езекиль 18:12

гӧльӧс да коньӧрӧс дзескӧдӧ, бӧр оз сет, мый босьтіс уджйӧзӧн сетӧмсьыс, мӧдлысь мырддялӧ, идолъяслы юрбитӧ, зывӧксӧ вӧчӧ,

Малакий 2:16

Ме мустӧмта, кор эновтӧны, – шуӧ Господь, Израильлӧн Ен. Гӧтырсӧ эновтысь мыжмӧ вир кисьтысь моз, – висьталӧ Господь Саваоф. – Та вӧсна видзӧй ловнытӧ, энӧ эновтӧй гӧтырнытӧ.

Псалтыр 55:11

Ме ошка Енмӧс Сылӧн кывйысь, ошка Господьӧс Сылӧн шуӧмысь.

Езекиль 9:9

Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.

Софоний 3:1

Курыд шог пежасьӧм карлы, асныралысьяслӧн да дзескӧдысьяслӧн карлы!