Исай 59:17 - Коми Библия 2023

¹⁷ Кӧрт кышӧдӧн моз Сійӧ вевттьысис веськыдлуннас, пуктіс юр вылас мездмӧмыслысь юртупкӧдсӧ, пасьталіс Ас вылас водзӧс перъян паськӧмсӧ, вевттьысис скӧрлуннас кышанӧн моз.

Исай 59:17 Referans Kwoze

Ефесӧ 6:17

Нӧшта босьтӧй юртупкӧд пыдди мездмӧмсӧ да Ловлысь шыпуртсӧ – Енлысь кывсӧ.

Ефесӧ 6:14

Сулалӧй зумыда! Вӧнясьӧй збыльнас да пасьталӧй веськыдлуныслысь кӧрт кышӧдсӧ.

1 Фессалоникаӧ 5:8

А ми – луныслӧн ныв-пи. Сідзкӧ, кутам овны садь вежӧрӧн. Пасьталам ас выланым муслуныслысь да эскӧмыслысь кӧрт кышӧдсӧ, а юртупкӧд пыдди босьтам мездмӧм вылӧ лачасӧ.

Исай 11:5

Сійӧ вӧнясяс веськыдлуннас, эсканлуныс лоӧ сылы вӧньӧн.

Еврейяслы 10:30

Ми тӧдам тайӧ кывъяссӧ Шуысьӧс: – Ме – водзӧс перъя, Ме мынтыся, – висьталӧ Господь. Нӧшта шуӧма: – Господь кутас мыждыны Ассьыс войтырсӧ.

Иоан 2:17

Сэки Исуслӧн велӧдчысьяслы тӧд выланыс уси Гижӧдас висьталӧмыс: «Тэнад керка вӧсна вежӧгтӧмыс топӧдӧ менсьым сьӧлӧмӧс».

Исай 51:9

Садьмы, кыпӧдчы, вынсяв, Господьлӧн ки! Садьмы важся кадӧ моз, кыпӧдчы, кыдзи важӧн вӧчлін. Эз-ӧ Господьлӧн киыс ви Рахавӧс, зэ-ӧ бытшкы саридзса гундырӧс?

Восьтӧм 19:11

Енэжыс воссис менам син водзын, и сэтысь ме аддзи еджыд вӧлӧс да сы вылын Пукалысьӧс. Сылӧн нимыс – Эскана да Збыль, Сійӧ тышкасьӧ да мыждӧ веськыда.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Иов 29:14

Веськыдлуныс вӧлі меным паськӧмӧн, веськыда мыждӧмыс – кышанӧн да юрвевттьӧдӧн.

2 Коринфӧ 6:7

Ми висьталам збыльсӧ, ставсӧ вӧчам Ен вынӧн. Миян вермасянторным – веськыдлун. Сійӧн вермасям и водзсасям.

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

Закар 1:14

Та бӧрын мекӧд сёрнитысь андел шуис меным: «Юӧрт йӧзыслы, мый Господь Саваоф тадзи висьталӧ: – Ме вежӧгтӧмӧдз радейта Ерусалимӧс, ёна вежӧгтӧмӧй вӧсна доръя Сионӧс.

Исай 63:15

Видзӧдлы енэжсяньыс, видзӧдлы Аслад вежа да дзирдлуна оланінсянь! Кӧні Тэнад вежӧгтӧмыд да вынйӧрыд? Тэнад сьӧлӧмыд тупкыса меным, Тэ он бурав ме дінӧ.

Исай 63:3

– Ме ӧтнамӧн таляси пычкан гуын, войтыръяс пӧвстысь некод эз отсась Меным. Скӧралігӧн Ме талялі войтыръясӧс, ёна лӧгалігӧн талялі найӧс. Налӧн вирыс резіс Менсьым паськӧмӧс, и Менам паськӧмӧй ставнас няйтчис.

Псалтыр 94:1

Локтӧй, сьыламӧй Господьлы, кыпыда сьылӧмӧн ошкамӧй Сійӧс, Сійӧ – миян мездмӧмлӧн зумыд подулыс.

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Исай 37:32

Ерусалим карын ловйӧн кольӧмаяс паськӧдчасны кар гӧгӧрыс, мездмӧмаяс паськӧдчасны Сион керӧс гӧгӧр. Тадзи вӧчас Господь Саваоф, ӧд Сійӧ – вежӧгтысь Ен.

Исай 42:13

Господь петас тышкаморт моз, шыпурта моз Сійӧ тырас скӧрлунӧн, Сійӧ гораа горӧдас, чукӧстас тыш вылӧ, Сійӧ петкӧдлас Ассьыс вынсӧ паныд сувтысьяслы.

Исай 63:2

– Мыйла тэнад паськӧмыд гӧрд рӧма, мыйла паськӧмыд пычкан гуын виноград талялысьлӧн кодь?

Езекиль 5:13

Ме кисьта Ерусалимын олысьяс вылӧ Ассьым скӧрлунӧс, койышта на вылӧ Ассьым ярлунӧс, и сӧмын та бӧрын бурмас Менам сьӧлӧмӧй. Кор Менам скӧрлунӧй мунас на вывті, найӧ тӧдмаласны, мый вежӧгтӧмпырысь Ме, Господь, мыжді найӧс.