Исай 59:11 - Коми Библия 2023

¹¹ Ми ставным равзам ошъяс моз, курксам гулюяс моз. Ми виччысям веськыда мыждӧмсӧ, но сійӧ абу, виччысям мездмӧмсӧ, но сійӧ ылын миянысь.

Исай 59:11 Referans Kwoze

Исай 38:14

Ме курликті тури моз, чивзі чикыш моз, гажтӧмтчи гулю моз, син мудзтӧдз видзӧді енэжас. Господьӧй, ме сьӧкыдала, отсав меным!

Езекиль 7:16

Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.

Осий 7:14

Ме дінӧ став сьӧлӧмнас шыасьӧм пыдди найӧ бӧрдісны асланыс вольпась вылын, нянь да вина понда найӧ вундалісны асьнысӧ, но Меысь ылыстчисны.

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Еремей 8:15

Ми виччысим лӧнь олӧм, но бурыс эз во, ми виччысим бурдӧм, но миянӧс полӧм босьтӧ.

Исай 59:9

Та вӧсна веськыда мыждӧмыс ылын миянысь, веськыдлуныс оз во миянӧдз. Ми виччысям югыдсӧ, но гӧгӧр пемыд, виччысям югдӧмсӧ, но ветлам пемыдас.

Исай 51:20

Лэчкӧ шедӧм антилопа моз тэнад пияныд вынтӧммисны, куйлӧны быд туйвежын. Найӧ пӧтісны Господьлӧн скӧрлунысь, тэнад Енлӧн чорыда мыждӧмысь.

Псалтыр 85:9

Господьӧй, Тэ вӧчин став войтыръяссӧ. Найӧ локтасны да копыртчасны Тэ водзӧ, ошкасны Тэнсьыд нимтӧ.

Псалтыр 38:8

Господьӧй, мый меным виччысьны? Тэ вылӧ ме лача кута.

Псалтыр 55:2

Енмӧй, ло бур сьӧлӧма ме дінӧ, ӧд йӧзыс кӧсйӧны бырӧдны менӧ, быд лун усьласьӧны ме вылӧ да дзескӧдӧны менӧ.

Исай 59:8

Найӧ оз тӧдны лӧньлунсӧ, вунӧдісны веськыда мыждӧмсӧ. Налӧн туйясыс чукляӧсь, сэті ветлысь оз тӧд лӧньлунсӧ.

Исай 59:14

Ми ылыстім веськыда мыждӧмсӧ, веськыдлуныс сулалӧ ылын, збыльыс крукасис изэрдйӧ, веськыда вӧчӧмыс оз су миянӧс.

Бӧрданкыв 3:17

Ме вошті лӧньлунӧс, вунӧді шудлунӧс.

Наум 2:7

Шуӧма, мый карсӧ куштасны, олысьяссӧ нуӧдасны пленӧ. Кесйӧг аньяс ойзӧны-ружтӧны гулюяс моз, вачкалӧны асьнысӧ морӧсаныс.

Наум 2:8

Ниневия водзысяньыс вӧлі вайӧртӧд кодь, но ӧні сэтысь ваыс пышйӧ. «Сувтӧй, сувтӧй!» – горзӧны, но некод оз бергӧдчыв.