Исай 58:2 - Коми Библия 2023

² Найӧ быттьӧ веськыда олысь войтыр, коді оз вунӧдлы аслас Енлысь тшӧктӧмъяссӧ, быд лун корсьысьӧ Менӧ, кӧсйӧ тӧдны Менсьым туйясӧс. Найӧ виччысьӧны Месянь веськыда мыждӧм, кӧсйӧны матыстчыны Ен дінӧ.

Исай 58:2 Referans Kwoze

Титлы 1:16

Найӧ шуӧны, тӧдам пӧ Енсӧ, но уджыс налӧн мӧдтор йылысь висьталӧ. Найӧ мустӧмӧсь, кывзысьтӧмӧсь и бурсӧ вӧчны оз сяммыны.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Иоан 5:35

Иоан вӧлі яръюгыда ӧзъялысь би, сӧмын этша кад ті кӧсйинныд нимкодясьны сылӧн югӧр улын.

Марк 12:14

Найӧ локтісны да шуисны Сылы: «Велӧдысь, ми тӧдам, мый Тэ веськыда сёрнитан да он пов йӧзлӧн шуасьӧмысь. Тэ он видзӧд морт вылӧ, а веськыда велӧдан Енлӧн туйӧ. Висьтав, миянлы позьӧ вот мынтыны кесарлы?»

Марк 6:20

Ирӧд поліс Иоанысь, ӧд тӧдіс, мый Иоан веськыда олысь да вежа морт. Ирӧд дорйис Иоанӧс, унатор вӧчис сылысь кывзысьӧмӧн да окотапырысь кывзіс сійӧс.

Еремей 42:20

Ті ылӧдлінныд асьнытӧ. Ті мӧдӧдінныд менӧ Господь Енныд дінӧ да коринныд кевмысьны ас вӧснаныд. Ті шуинныд, юӧрт пӧ миянлы ставсӧ, мый висьталас Господь, миян Ен, и ми пӧ сідзи вӧчам.

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 1:28

Паныд кыпӧдчысьясӧс да мыж вӧчысьясӧс виччысьӧ кулӧм, Господьӧс эновтысьясӧс – бырӧдӧм.

Исай 57:3

Матыстчӧй татчӧ, кимӧститчысьлӧн челядь, гозъякост олӧм пежалысьлӧн да кырсалысь аньлӧн чужысьяс.

Исай 57:12

Но Ме петкӧдла тэнсьыд веськыдлунтӧ да тэнсьыд уджъястӧ – таысь тэныд бурыс оз ло.

Исай 59:13

Ми кыпӧдчим Господьлы паныд, пӧрйӧдлім Сійӧс, бергӧдчим асланым Енмысь, ми суклясим-асныралім, новлӧдлім сьӧлӧманым ылӧгсӧ да висьтавлім сійӧс.

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Еремей 7:10

А сэсся ті локтанныд, сувтанныд Ме водзӧ тайӧ керкаас, мый сиӧма Менам нимлы, да шуаланныд, ми пӧ мездмӧмаӧсь, и водзӧ вӧчанныд став тайӧ пежсӧ.

Исай 42:20

Тэ унатор аддзылін, но нинӧм эн казяв, тэнад пельыд вӧлі восьса, но тэ эн кыв.

Езекиль 20:3

«Морт пиӧй, шу израильса юрнуӧдысьяслы, мый Господь Ыджыдыс тадзи висьталӧ: ті локтінныд Менсьым юасьны, но Ме Ачым кыв сетӧмӧн шуа, мый ог вочавидз тіянлы, – висьталӧ Господь Ыджыдыс.

Амос 5:18

Курыд шог сылы, коді Господьлысь лунсӧ виччысьӧ! Бур вылӧ-ӧ тіянлы Господьлӧн луныс лоӧ? Сійӧ пемыд лоӧ, оз югыд.