Исай 57:2 - Коми Библия 2023

² сылӧн эм лӧньлун. Веськыд туйӧд ветлысь шойччӧ вольпась вылас.

Исай 57:2 Referans Kwoze

Восьтӧм 14:13

Сэсся ме кылі енэжсянь гӧлӧс шы. Сійӧ шуис меным: «Гиж тайӧс: ”Шудаӧсь найӧ, кодъяс ӧнісянь куласны Господьлы эскӧмӧн. Тайӧ тадзи, – шуӧ Лов. Найӧ кутасны шойччыны асланыс сьӧкыд уджъясысь, ӧд налӧн уджъясыс мунӧны на бӧрся”».

2 Коринфӧ 5:1

Ми тӧдам: тайӧ мувывса чомйыс, миян вир-яйным, кӧ киссяс, Енмыс сетас миянлы енэжас оланін – киӧн вӧчтӧмӧс, бырлытӧмӧс.

Лука 2:29

– Ыджыдӧй, Аслад шуӧмыд серти ӧні лэдзан Ассьыд кесйӧгтӧ лӧня мунны.

Иов 3:17

Сэні лёк вӧчысьяс дугдӧны повзьӧдлыны, вынсьыс усьӧмаяс шойччӧны,

2 Коринфӧ 5:8

Ми повтӧмӧсь, ёнджыка на кӧсъям петны тайӧ вир-яйсьыс да овмӧдчыны гортӧ, Господь дінӧ.

Лука 7:50

Исус шуис аньлы: «Эскӧмыд мездіс тэнӧ. Мун повтӧг».

Матвей 25:21

Ыджыдыс шуас: ”Бура вӧчин. Тэ бур да эскана кесйӧг. Ичӧтторйын тэ эскана вӧлін, пукта тэнӧ кывкутны унатор вӧсна. Лок, ӧтлаын гажӧдчам-нимкодясям”.

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

2 Каднебӧг 16:14

Сійӧс дзебисны Давид карӧ дзебанінӧ, мый сійӧ водзвыв вӧлі дасьтӧма аслыс. Куйланіныс вӧлі тырӧма чӧскыд ӧвтанторъясӧн да мавтасъясӧн. Асаӧс казьтывлӧм могысь пестісны ыджыд бипур.

Лука 16:22

Лазар куліс, и анделъяс нуисны сійӧс Ӧвраам дінӧ. Куліс тшӧтш озыр морт, и сійӧс дзебисны.

Езекиль 32:25

Эламлы да эламса уна лыда войтырлы куйланінсӧ сетісны виӧмаяс пӧвстысь, гӧгӧр дзебанінъяс. Шыпуртӧн виӧма тайӧ вундыштчытӧм йӧзсӧ, кодъясысь коркӧ полісны ловъяяслӧн му вылын. А ӧні налы яндзим, найӧ куйлӧны виӧмаяскӧд му пыдӧсас.

Филипӧ 1:23

Кӧсъя ӧтисӧ и мӧдсӧ: кӧсъя ӧдйӧджык мунны тайӧ муюгыдсьыс да лоны Кристоскӧд, ӧд тайӧ ёна бурджык,

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Исай 26:7

Веськыда олысьлӧн туйыс шыльыд. Тэ дасьтан сылы веськыд туй.

Исай 14:18

Быд войтырлӧн ӧксыыс куйлӧ аслас гуын, быдӧнӧс дзебӧма нимӧдӧмӧн.

Олӧм 17:1

Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.

Даниил 12:13

А тэ мун аслад туйӧд помӧдзыс. Тэ кутан шойччыны, а сэсся ловзян, медым босьтны тэныд вичманасӧ нэм помасигӧн».

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.