Исай 56:8 - Коми Библия 2023

⁸ На кындзи, кодъясӧс чукӧртӧма нин татчӧ, Ме нӧшта на чукӧрта мукӧдӧс, – висьталӧ Господь Ыджыдыс, разалӧм Израиль войтырӧс чукӧртысь.

Исай 56:8 Referans Kwoze

Иоан 10:16

Тайӧ йӧрас кындзи Менам эмӧсь мукӧд ыжъяс, найӧс Меным тшӧтш колӧ вайӧдны. Найӧ кыласны Менсьым гӧлӧс шыӧс, сэки лоас ӧти чукӧр да ӧти видзысь.

Исай 54:7

Этшаник кад кежлӧ Ме эновті тэнӧ, но ыджыд муслунӧн Ме бӧр сибӧда тэнӧ.

Ефесӧ 1:10

медым колана кадӧ ӧтувтны став енэжвывсасӧ да мувывсасӧ Кристос веськӧдлӧм улӧ.

Еремей 31:10

Войтыръяс, кывзӧй Господьлысь кывсӧ, саридз сайын олысьяслы юӧртӧй: «Израиль войтырӧс разӧдысь бӧр чукӧртас найӧс, ыж видзысь моз кутас видзны найӧс».

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

Иоан 11:52

и оз сӧмын тайӧ войтырыс вӧсна, но медым ӧтлаӧ чукӧртны Енлысь разалӧм ныв-писӧ.

Микей 4:6

Сійӧ лунӧ, – висьталӧ Господь, – Ме чукӧрта чотысьясӧс, ӧтлаӧ вайӧда вошӧмаясӧс, найӧс, кодъяслы Ме мӧдӧдлі шогсӧ.

Осий 1:11

Иуда да Израиль войтыр ӧтлаӧ чукӧртчасны, аслыныс ӧти юралысьӧс пуктасны, мунысӧ бӧр босьтасны. Тайӧ луныс Изреельлы лоӧ тӧдчана-ыджыд.

Еремей 30:17

Ме сета тэныд бурдӧмсӧ, Ме бурдӧда тэнсьыд дойястӧ, – висьталӧ Господь. – Тэнӧ шулісны эновтӧмаӧн, Сионӧн, код вӧсна некод оз тӧждысь.

Исай 49:22

Господь Ыджыдыс тадзи висьталӧ: – Ме нюжӧда киӧс войтыръяслань, лэпта Ассьым дӧрапасӧс чужанкотыръяслы, и найӧ ваясны тэнсьыд пиянтӧ ки выланыс, тэнсьыд нывъястӧ – пельпом выланыс.

Исай 49:12

Со, Менам войтырӧй локтас ылісянь: ӧтияс – войвывсянь, мӧдъяс – рытыввывсянь, мукӧдыс – Синим муысь.

Исай 43:6

Войвывлы Ме тшӧкта: «Сет найӧс!» Лунвывлы Ме шуа: «Эн кут найӧс!» Ылі муясысь вайӧдӧй Менсьым пиянӧс, му помысь – Менсьым нывъясӧс,

Псалтыр 147:2

Сійӧ ёнмӧдӧ тэнад дзиръяяслысь иганъяссӧ, бурсиӧ тэнсьыд олысьястӧ.

Иоан 7:35

Иудейяслӧн веськӧдлысьяс ас костаныс сёрнитісны: «Кытчӧ Сійӧ кӧсйӧ мунны, мый огӧ вермӧй аддзыны Сійӧс? Оз-ӧ кӧсйы мунны миян йӧз дінӧ, кодъяс олӧны грек войтыр пӧвстын? Оз-ӧ кӧсйы грек войтырӧс велӧдны?

Езекиль 34:12

Кыдзи ыж видзысь корсьӧ ассьыс разалӧм ыжъяссӧ, тадзи Ме корся Ассьым ыжъясӧс. Ме петкӧда найӧс быдлаысь, кытчӧ найӧ разалісны пемыд да кымӧра лунӧ.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.