Исай 54:2 - Коми Библия 2023

² Ыдждӧд ассьыд чомтӧ, паськӧд ассьыд лэбувтӧ. Эн яндысь, кузьджыка нюжӧд чом зэвтан гезъястӧ, зумыдджыка сувтӧд чом кутан майӧгъястӧ.

Исай 54:2 Referans Kwoze

Исай 33:20

Видзӧдлы Сион кар вылӧ, миян гажӧдчанін вылӧ! Аслад синмӧн тэ аддзан Ерусалим, сійӧ – лӧнь оланін, вӧрзьывлытӧм дӧрачом. Сылӧн сюръяясыс сулалӧны зумыда, сылӧн гезъясыс оз орны.

Петӧм 39:40

йӧр тупкан дӧраяс, сюръяяс да подувъяс, йӧр пыранінӧ ӧшӧдан дӧра, гезъяс, майӧгъяс да став дозмук-кӧлуйсӧ, мый колӧ вежа чомйын кесъялӧм могысь,

Еремей 10:20

Менсьым чомйӧс куштісны, чом зэвтан гезъяссӧ орйӧдлісны. Менам челядьӧй мунісны ме дінысь, найӧ абуӧсь. Некодлы сувтӧдны менсьым чомйӧс, некодлы зэвтны чом дӧраясӧс.

Петӧм 35:18

вежа чом зэвтан майӧгъяс, йӧр гӧгӧр ӧшӧдан дӧралы майӧгъяс да гезъяс,

Олӧм 26:22

Сэсся муніс сэтысь да кодйис выль юкмӧс, мый йылысь найӧ эз нин вензьыны. Исаак пуктіс юкмӧслы Реховот ним, ӧд шуис, Господь пӧ сетіс миянлы паськыд места, и ми рӧдмам тайӧ му вылас.

Исай 26:15

Господьӧй, Тэ содтін Аслад войтырлысь лыдсӧ, налысь лыдсӧ содтӧмӧн Тэ нимӧдін Асьтӧ, Тэ паськӧдін Аслад войтырлысь олан мусӧ.

Микей 7:11

Воас сійӧ луныс, кор ті лэптанныд карса стенъяснытӧ, кор тіян муныд паськалас.