Исай 54:17 - Коми Библия 2023

¹⁷ Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Исай 54:17 Referans Kwoze

Исай 54:15

Уськӧдчас кӧ кодкӧ тэ вылӧ, тайӧ абу Месянь. Коді уськӧдчас тэ вылӧ, сійӧ ачыс усяс.

Исай 50:8

ӧд матын Сійӧ, коді петкӧдлӧ, мый ме мыжтӧм. Коді кӧсйӧ менӧ мыжавны? Сувтам ёрд водзӧ! Коді кӧсйӧ меным паныд сувтны? Мед матыстчас!

Римӧ 8:1

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

Псалтыр 32:6

Господьлӧн кывйӧн вӧчӧма енэжъяссӧ, Сылӧн ловшыӧн артмис став енэжвывсаыс.

Матвей 16:18

Ме шуа тэныд: Тэ – Петыр, из. Тайӧ из вылас Ме лэпта Ассьым вичко, и адлӧн выныс оз вермы сійӧс.

Даниил 6:20

Гу дорӧ матыстчигӧн сійӧ нориник гӧлӧсӧн шыасис Даниил дінӧ: «Даниил, ловъя Енлӧн кесйӧг! Вермис-ӧ Тэнад Енмыд, кодлы тэ дугдывтӧг кесъялан, мездыны тэнӧ левъясысь?»

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.

Исай 29:8

Кыдзи тшыг морт вӧтасьӧ, мый сійӧ сёйӧ, но садьмӧм бӧрас сійӧ пыр на тшыг, кыдзи юны кӧсйысь вӧтасьӧ, мый сійӧ юӧ, но садьмӧм бӧрас сійӧ вынтӧм – сылӧн горшыс пыр на косьмӧ, тадзи жӧ лоӧ уна лыда войтыркӧд, кодъяс тышкасьӧны Сион керӧслы паныд.

Римӧ 10:4

Кристос – Индӧдыслӧн пом. Сідзкӧ, быдӧн, коді эскӧ Сылы, лоӧ веськыдӧн.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Псалтыр 61:5

Ті мӧвпаланныд шыбитны менӧ вылісянь, сьӧлӧмнытӧ бурмӧданныд пӧръясьӧмӧн. Вомнаныд ті бурсианныд, но ас пытшканыд ёранныд.

Филипӧ 3:9

да лои Сы пытшкын веськыдӧн эг Индӧд серти уджъясӧй вӧсна, а Кристослы эскӧм вӧсна. Ӧд веськыдлунсӧ Енмыс сетӧ мортлы сӧмын Кристослы эскӧм пыр.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 58:14

сэки Господь лоас тэнад олан гажӧн! Ме нуӧда тэнӧ муыслӧн выліинъясӧд, верда тэнӧ Яков батьыдлӧн му вылын быдмӧм няньӧн. Тадзи висьталӧ Господь.

Даниил 3:26

– Господьӧй, миян батьяслӧн Енмӧй, Тэ ёна ошкана! Мед лоӧ ошкӧма-нимӧдӧма Тэнсьыд нимтӧ нэмъяс чӧж!

Псалтыр 71:19

Ошкӧм Сылӧн ыджыд нимлы нэмъяс чӧж! Сылӧн дзирдлуныс мед вевттяс став мусӧ! Аминь, аминь.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

Еремей 23:6

Сылӧн веськӧдлан лунъясӧ Иуда войтыр мездмас, Израиль войтыр кутас повтӧг овны. Сылӧн нимыс лоӧ ”Господь – миян веськыдлуныс”.

Псалтыр 71:16

Му вылын, весиг керӧсъяс вылын, тырмымӧн мед лоӧ няньыс, шепъясыс мед гыаласны ливанса вӧр моз, йӧзыс мед чужасны-быдмасны видзвывса турун моз.

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.

Иов 42:7

Иовкӧд сёрнитӧм бӧрын Господь шуис теманса Элифазлы: «Менам скӧрлунӧй ыпъялӧ тэ вылӧ да тэнад кык ёрт вылӧ, ӧд ті энӧ висьталӧй збыльсӧ Ме йылысь, кыдзи вӧчис Менам Иов кесйӧгӧй.

Римӧ 3:22

Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд.

Иов 2:5

Сӧмын нюжӧд китӧ да инмӧдчыв сылӧн лыӧ да вир-яйӧ, сэки сійӧ омӧльтас Тэнӧ».

Иов 1:11

Но Тэ кӧ нюжӧдан китӧ да босьтан ставсӧ, мый сылӧн эм, сійӧ омӧльтас Тэнӧ».

Ӧксыяслӧн 1 небӧг 23:17

Ионафан шуис: «Эн пов, Давид. Саул батьӧй оз аддзы тэнӧ да оз вермы тэныд вӧчны лёксӧ. Тэ кутан ӧксыавны Израильын, а ме лоа тэнад веськыд киӧн. Батьӧй тшӧтш тӧдӧ тайӧс».

Исай 3:10

Висьталӧй веськыда олысьлы, мый сылы бур лоӧ, ӧд сійӧ кутас нимкодясьны аслас уджъяслӧн вотӧснас.

Исай 17:12

Курыд шог! Войтыръяслӧн шызьӧм кылӧ, найӧ шызьӧны саридз моз. Войтыръяслӧн горзӧм кылӧ, найӧ ызгӧны бузгысь ва моз.

Исай 26:2

Восьтӧй дзиръяястӧ, мед пырас сэті веськыда олысь войтыр, коді кутчысьӧ эсканлунас.

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Исай 46:13

Ме мӧдӧді веськыдлунсӧ, сійӧ матын нин. Ме мӧдӧді мездӧмсӧ, сійӧ оз сёрмы. Ме сета Сионлы мездмӧмсӧ, Израильлы – Ассьым дзирдлунӧс.

Исай 50:9

Господь Ыджыдыс отсалӧ меным. Коді мыждас менӧ? Найӧ ставныс паськӧм моз важмасны, найӧс воз сёяс.

Исай 51:5

Менам веськыдлунӧй матын, Месянь мездмӧмыс регыд нин воас, Менам киӧй мыждас войтыръясӧс. Саридз дорын олысьяс виччысьӧны Месянь отсӧг, лача кутӧны Менам вынӧй вылӧ.

Исай 54:16

Со, Ме вӧчи дорччысьӧс, коді ӧгыръясысь пестӧ би да дорӧ сэні тышкасянторъяс. Ме сідзжӧ вӧчи бырӧдысьӧс, коді гӧгӧр пазӧдӧ-бырӧдӧ.

Нав Исус 24:10

Но Ме эг кут кывзыны Валаамӧс, и сійӧ бурсиис тіянӧс. Тадзи Ме мезді тіянӧс Валаклӧн киысь.

Исай 41:11

Тэнӧ мустӧмтысьяс яналасны, налы лоӧ юръяндзим. Тэныд паныд сувтысьяс лоӧны нинӧмӧн, найӧс лоӧ бырӧдӧма.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.