Исай 54:13 - Коми Библия 2023

¹³ Ачыс Господь велӧдӧ тэнсьыд пиянтӧ, найӧс виччысьӧ ыджыд шуд да лӧньлун.

Исай 54:13 Referans Kwoze

Иоан 6:45

Пророкъяслӧн гижӧма: ”Енмыс быдӧнӧс велӧдас”. Быдӧн, коді кывзӧ Батьӧс да Сысянь велӧдчӧ, локтӧ Ме дінӧ.

Филипӧ 4:7

Сэки вежӧрӧ тӧртӧм Енлӧн лӧньлуныс видзас тіянлысь сьӧлӧмнытӧ да мӧвпъяснытӧ Исус Кристос пытшкын.

Еремей 31:34

Сэки некод оз кут велӧдны матыссасӧ, вокыс оз понды велӧдны воксӧ, оз шу: ”Тӧдмав Господьӧс!” Ӧд ставныс, ичӧтсянь ыджыдӧдз, кутасны тӧдны Менӧ, – висьталӧ Господь. – Ме прӧстита налысь лёк вӧчӧмсӧ, налысь мыжъяссӧ водзӧ ог нин казьтыв».

Еврейяслы 8:10

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Римӧ 15:13

Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Римӧ 5:1

Сідзкӧ, эскӧм вӧсна миянӧс шуӧма веськыдӧн, Исус Кристос Господьным пыр миян эм Енкӧд бурасьӧм.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

Лука 24:45

Сэки Исус восьтіс налысь вежӧрсӧ гӧгӧрвоны Гижӧдъяс.

Римӧ 14:17

Ӧд Енлӧн Юралӧмыс абу сёйӧм да юӧм, тайӧ – Вежа Ловсянь веськыдлун, лӧньлун да нимкодьлун.

Езекиль 34:28

Найӧ оз нин шедны мукӧд войтыръяслӧн киӧ, и зверъяс оз косявлыны найӧс. Найӧ кутасны повтӧг овны, ӧд повзьӧдысьыс оз нин ло.

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Исай 48:18

Тэ кӧ олін Менам тшӧктӧмъясӧй серти, сэки эськӧ тэнад лӧньлуныд ю моз визувтіс, веськыдлуныд саридзвыв гыяс кодь вӧлі,

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

1 Фессалоникаӧ 4:9

Эскысьяс дінӧ муслун йылысь абу колана гижны тіянлы, ӧд Ачыс Енмыс велӧдіс тіянӧс радейтны ӧта-мӧднытӧ.

1 Коринфӧ 2:10

Енмыс восьтіс тайӧс миянлы Аслас Ловнас, ӧд Лолыс ставсӧ тӧдӧ. Сійӧ тӧдӧ Енлысь став пыдта-судтасӧ.

Езекиль 37:26

Ме пыр кежлӧ кӧртала накӧд лӧньлун вайысь йитӧд да сета налы тайӧ мусӧ. Вӧча найӧс уна лыда войтырӧн да пыр кежлӧ сувтӧда на пӧвстӧ Ассьым вежаинӧс.

Еремей 33:6

Но Ме бурдӧда тайӧ карас олысьясӧс. Ме бурдӧда налысь дойяссӧ да сета налы тырвыйӧ лӧньлун да веськыдлун.

Исай 11:9

Менам вежа керӧс вылын оз нин пондыны вӧчны лёксӧ. Кыдзи саридзыс тырӧма ваӧн, сідзи муыс лоӧ тырӧма Господьӧс тӧдӧмӧн.

Псалтыр 71:17

Ӧксылысь нимсӧ мед ошкасны нэмъяс чӧж, сылысь нимсӧ мед оз вунӧдны, кытчӧдз югъялӧ шонді. Сійӧ лоӧ бурсиӧмӧн [став мувывса йӧзыслы], войтыръяс шуасны сійӧс майбырӧн.

Исай 55:12

Ті мунанныд нимкодясьӧмӧн, тіянӧс колльӧдасны лӧня. Керӧсъяс да мылькъяс пондасны нимкодясьны тіян водзвылын, видзвывса пуяс коръяснас пондасны долыда швачӧдчыны.

Ефесӧ 4:21

Ті кывлінныд Сы йылысь, тіянӧс велӧдісны сійӧ збыльыс серти, мый эм Исус пытшкын.

Езекиль 34:25

Ме кӧртала накӧд лӧньлун вайысь йитӧд, бырӧда зверъясӧс налӧн муысь, медым Менам ыжъясӧй вермисны повтӧг овны овтӧминын да узьны вӧрын.

Исай 2:3

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Осий 2:18

Сійӧ лунӧ Аслам войтырлы бур вылӧ Ме кӧртала йитӧд зверъяскӧд, енэжвыв лэбачьяскӧд да мувыв гаг-веглясьысьяскӧд. Ме чегъяла ньӧввуж-шыпуртъяс, ылыста налӧн муысь тышъяс да сета налы повтӧг овны.

Ап. уджъяс 2:39

Ӧд тайӧс кӧсйысьӧма тіянлы, тіян ныв-пилы да став ылісаыслы – дзик быдӧнлы, кодӧс корас Господь, миян Енным».

Еврейяслы 8:11

Сэки некод оз кут велӧдны матыссасӧ, вокыс оз понды велӧдны воксӧ, оз шу: «Тӧдмав Господьӧс!» Ӧд ставныс, ичӧтсянь ыджыдӧдз, кутасны тӧдны Менӧ.

Исай 28:9

Найӧ шуӧны ме йылысь: «Кодӧс сійӧ вермас вежӧрсьӧдны? Кодӧс сійӧ вермас туйдӧдны юӧртӧмнас? Сӧмын найӧс, кодъяс неважӧн на нёнясисны, кодъясӧс сӧмын на торйӧдӧма мам морӧс бердысь, а мукӧдсӧ – оз вермы.

Исай 29:24

Сэки ловнас ылалӧмаяс вежӧрсяласны, ропкысьяс велӧдчасны кывзысьны.

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Исай 54:12

тэнсьыд башняястӧ – рубинысь, дзиръяястӧ – жемчугысь, стенъястӧ – дона изъясысь.

Исай 66:12

Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.

Микей 4:2

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Закар 10:7

Ефрем чужанкотыр лоӧ вына тышкаморт кодьӧн, сылӧн сьӧлӧмыс гажмас винаысь моз. Ныв-пиныс аддзасны тайӧс да пондасны гажӧдчыны, налӧн сьӧлӧмныс кутас нимкодясьны Господьӧн.