Исай 53:2 - Коми Библия 2023

² Веж петас моз Сійӧ быдмис Господь водзын, быдмис кос муысь чепӧсйӧм турун моз. Сылӧн эз вӧв мичлун ни тӧдчанлун, медым ми видзӧдім Сы вылӧ. Чужӧм-мыгӧрнас Сійӧ эз вӧв сэтшӧм морт, коді эськӧ кыскис миянӧс Ас дінас.

Исай 53:2 Referans Kwoze

Исай 52:14

Унаӧн шензисны Сы вылӧ, сэтшӧм ёна вӧлі дойдалӧма Сійӧс, Сійӧ эз нин вӧв морт кодь.

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Марк 6:3

Сійӧ ӧд тшупсьысь! Абу-ӧ Сійӧ Мариялӧн пиыс, абу-ӧ Яковлӧн, Иосейлӧн, Иудалӧн да Симонлӧн вокыс? Оз-ӧ тані овны Сылӧн чойясыс?» Тадзи Сійӧс ӧтдортісны.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Марк 9:12

Сійӧ вочавидзис: «Дерт, Иллялы колӧ водзджык локны да ставсӧ лӧсьӧдны. А Морт Пи йылысь гижӧма, мый уна сьӧкыд Сылы ковмас нуны да лоны увтыртӧмаӧн.

Римӧ 8:3

Ен вӧчис сійӧ, мый эз вӧв вермана Индӧдыслы, ӧд мортлӧн тшыкӧм вир-яй вӧсна Индӧдыс вӧлі вынтӧм. Миян мыжъяс вӧсна Енмыс мӧдӧдіс Ассьыс Писӧ мыжа морт кодьӧн. Тадзи морт вир-яйын Сійӧ мыждіс мортлысь мыжсӧ,

1 Петыр 2:14

юралысьяслысь, ӧд ӧксы найӧс пуктӧма мыждыны лёк вӧчысьясӧс да ошкыны бур вӧчысьясӧс.

Иоан 19:5

Исус петіс пемыдгӧрд паськӧма, юр вылас вӧлі лежнӧгысь юркытш. Пилат шуис йӧзыслы: «Со, тайӧ Мортыс».

Иоан 18:40

Сэки ставныс горӧдісны: «Эн Сійӧс, а Варавваӧс лэдз!» Варавва вӧлі лёк вӧчысь.

Лука 9:58

Исус шуис сылы: «Ручьяслӧн эмӧсь пырмӧсъяс, и енэжвыв лэбачьяслӧн эмӧсь позъяс, сӧмын Морт Пилӧн шойччаніныс абу».

Закар 6:12

Шу сылы, мый Господь Саваоф тадзи висьталӧ: Выль Вож нима морт петас тайӧ муысь да лэптас Господьлысь крамсӧ.

Лука 2:7

Сійӧ чужтіс Пи, ассьыс медводдза кагасӧ. Рузумӧ гартыштӧмӧн Мария пуктіс кагасӧ лясниӧ, ӧд туйморт керкаын налы узяніныс эз сюр.

Исай 4:2

Сійӧ лунӧ Господьлӧн петасыс петкӧдчас став аслас мичлуннас да дзирдлуннас. Мулӧн вотӧсыс лоӧ ошйысянторйӧн да мичмӧданторйӧн Израильлӧн коляс войтырлы.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Закар 3:8

Кывзӧй, Исус аркирей да тэкӧд кесъялысь попъяс! Ті – сійӧ пасыс, мый регыд Ме мӧдӧда Ассьым кесйӧгӧс, коді эм Выль Вож.