Исай 51:18 - Коми Библия 2023

¹⁸ Став челядь пӧвстысь, тэнад чужтӧмаясысь, некодлы вӧлі нуӧдны тэнӧ. Став челядь пӧвстысь, тэнад быдтӧмаясысь, некодлы вӧлі кутыштнысӧ киӧдыд.

Исай 51:18 Referans Kwoze

Исай 49:21

Тэ чуйман: «Коді меным чужтіс найӧс? Менам эз вӧвны челядьӧй, ме вӧлі нӧбасьны вермытӧмӧн, ме вӧлі пленын, чужан муысь ылын. Коді нӧ быдтіс найӧс? Ме вӧлі ӧтка – кытысь нӧ лоины найӧ?»

Псалтыр 88:18

Тэ – миян выныс да ошйысянторйыс, Тэнад бурлуныд кыпӧдӧ юрнымӧс.

Марк 8:23

Исус босьтіс синтӧмӧс киӧдыс да петкӧдіс сиктсьыс. Синмас сьӧлыштӧм бӧрын пуктіс кисӧ сы вылӧ да юаліс: «Аддзан-ӧ мыйкӧ?»

Матвей 15:14

Кольӧй найӧс. Найӧ синтӧмӧсь, и синтӧмъясӧс нуӧдӧны. Синтӧм кӧ нуӧдӧ синтӧмӧс, кыкнанныс гуранӧ усясны».

Матвей 9:36

Йӧз вылӧ видзӧдігӧн Исуслӧн сьӧлӧмыс нормис, ӧд мудзӧмнысла найӧ вӧліны эбӧстӧм-вынтӧмӧсь, видзысьтӧг кольӧм ыжъяс кодьӧсь.

Исай 45:1

Господь тадзи висьталӧ Кирлы, Аслас мавтыштӧмалы: – Ме кута тэнӧ веськыд киӧдыд, сета тэнад киӧ войтыръясӧс, тэнад кипод улӧ – ӧксыясӧс, тэ водзвылын восьта ӧдзӧсъяс, ог лэдз пӧдлавны дзиръяяс.

Исай 41:13

Ме – Господь, тэнад Енмыд, Ме кута тэнӧ веськыд киӧдыд, шуа: «Эн пов, Ме отсала тэныд».

Псалтыр 142:4

Менам лолӧй дзикӧдз нюкыртчӧма, менам сьӧлӧмӧй полӧмӧйла топалӧма.

Еврейяслы 8:9

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Найӧ торкисны йитӧдӧс, мый Ме кӧрталі накӧд, та вӧсна Ме бергӧдчи наысь, – висьталӧ Господь. –

Ап. уджъяс 13:11

Господьлӧн киыс ӧні тэ вылын: тэ синтӧмман да индӧм кадӧдз он кут аддзыны шонді югӧрсӧ». Дзик пыр сылӧн синмыс пемдіс. Сійӧ пондіс бергавны ӧтарӧ-мӧдарӧ, корсьны нуӧдысьӧс.

Ап. уджъяс 9:8

Савл чеччис муысь, восьтіс синсӧ, но нинӧм эз аддзы. Киӧдыс кутӧмӧн сійӧс вайӧдісны Дамаскӧ.

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Иов 8:20

Енмыс мыжтӧмӧс оз ӧтдорт, лёк вӧчысь дор оз сувт.

Исай 54:11

Коньӧрӧй, тӧвнырыс шатлӧдлӧ тэнӧ, некод оз вермы бурӧдны тэнӧ. Видзӧдлы, тэнсьыд изъястӧ Ме вевття бирюзаӧн, тэнсьыд подувтӧ Ме вӧча сапфирысь,

Еремей 10:20

Менсьым чомйӧс куштісны, чом зэвтан гезъяссӧ орйӧдлісны. Менам челядьӧй мунісны ме дінысь, найӧ абуӧсь. Некодлы сувтӧдны менсьым чомйӧс, некодлы зэвтны чом дӧраясӧс.

Амос 5:2

Усьӧма Израиль ныв, чеччынысӧ оз вермы! Аслас му вылӧ сійӧс шыбитӧма, сійӧс лэптысьыс абу.

Езекиль 34:6

Менам ыжъясӧй вошӧмаӧсь, шӧйтӧны керӧсъяс да джуджыд ыбъяс вывті. Менам ыжъясӧй став му пасьталаыс разалӧмаӧсь, и найӧс корсьысьыс абу.