Исай 51:16 - Коми Библия 2023

¹⁶ Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»

Исай 51:16 Referans Kwoze

Исай 59:21

Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.

Исай 49:2

Сійӧ вӧчис менсьым кывйӧс ёсь шыпуртӧн, вевттис менӧ Аслас ки вуджӧрӧн, вӧчис менӧ ёсь ньӧвйӧн, Аслас ньӧвпуртӧсын видзис менӧ.

Иоан 17:8

Ме висьталі налы Тэнсьыд кывъястӧ. Найӧ сибӧдісны тайӧ кывъяссӧ да збыльысь тӧдӧны, мый Ме Тэсянь локті. Найӧ эскӧны, мый Тэ Менӧ мӧдӧдін.

Индӧд 18:18

Ме сувтӧда налӧн вокъяс пӧвстысь тэ кодь пророкӧс налы да пукта Ассьым кывъясӧс сылӧн вомӧ. Сійӧ висьталас налы ставсӧ, мый Ме тшӧкта сылы.

Еремей 31:33

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Исай 66:22

Кыдзи выль енэжыс да выль муыс, кодъясӧс Ме вӧча, пыр лоӧны Ме водзын, тадзи тіянсянь чужысьяс да тіян нимныд пыр лоӧны Ме водзын, – висьталӧ Господь. –

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Исай 48:13

Менам киӧй вӧчис мусӧ, Менам веськыд киӧй шевкнитіс енэжсӧ. Ме чукӧста найӧс, и найӧ ӧтвылысь сувтасны Ме водзӧ.

2 Петыр 3:13

Но Енлӧн кӧсйысьӧмыс серти ми виччысям выль енэж да выль му, кӧні кутас ыджыдавны веськыдлун.

Исай 65:17

Со, Ме вӧча выль енэж да выль му. Важсӧ лоӧ вунӧдӧма, некод оз кут казьтывны сы йылысь.

Еврейяслы 8:10

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Исай 49:8

Господь тадзи висьталӧ: – Ме кылі тэнӧ бур кадӧ, отсалі тэныд мездман лунӧ. Ме видзи тэнӧ, пукті тэнӧ тайӧ войтырыслы йитӧд пыдди, медым тэ выльысь сӧвмӧдін тайӧ мусӧ, медым тэ юклін кушмӧм муяссӧ,

Индӧд 33:27

Тэнад сайӧдчаніныд – пыр олысь Ен, Сылӧн киыс новлӧдлӧ тэнӧ. Сійӧ вӧтлас тэ водзысь вӧрӧгтӧ, тшӧктас бырӧдны сійӧс.

Петӧм 33:22

Кор Менам дзирдлунӧй кутас мунны тэ дінті, Ме дзеба тэнӧ кырта потасӧ да вевття Аслам киӧн. А мунӧм бӧрти

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.

Закар 8:8

овмӧда найӧс Ерусалимӧ. Найӧ лоӧны Менам войтырӧн, а Ме лоа налӧн Енмӧн – эскана да веськыда вӧчысь Енмӧн.

Еремей 32:38

Найӧ лоӧны Менам войтырӧн, а Ме – налӧн Енмӧн.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Исай 45:18

Господь эм Ен, Сійӧ вӧчис енэжсӧ, вӧчис-артмӧдіс мусӧ, вӧчис сійӧс зумыдӧн, эз вӧч мусӧ кушӧн, но артмӧдіс мусӧ, медым сэні вӧлі олӧм. Господь тадзи висьталӧ: – Ме – Господь, и мӧд Енмыс абу.

Псалтыр 75:3

Сылӧн оланіныс Салимын, Сійӧ олӧ Сионын.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Петӧм 4:15

Тэ висьтав сылы Менсьым кывъясӧс, пукті вомас, мый шуны. Ме лоа тіянкӧд, кор ті кутанныд сёрнитны, да велӧда, мый колӧ вӧчны.

Псалтыр 91:4

ошкыны Тэнӧ арфаӧн да гуслиӧн, дас струнаа ворсанторйӧн.

Исай 57:19

Ме кӧсйыся сетны лӧнь олӧм ылыссалы, лӧнь олӧм матыссалы, – висьталӧ Господь, – Ме бурдӧда найӧс.

Еремей 1:9

Господь нюжӧдіс кисӧ, инмӧдчыліс менам вомӧ да шуис меным: – Ассьым кывъясӧс Ме пукті тэнад вомӧ.

Еремей 24:7

Ме сета налы сэтшӧм сьӧлӧм, мый найӧ тӧдмаласны Менӧ, тӧдмаласны, мый Ме – Господь. Найӧ лоӧны Менам войтырӧн, а Ме – налӧн Енмӧн, ӧд найӧ бергӧдчасны Ме дінӧ став сьӧлӧмсяньныс.