Исай 50:4 - Коми Библия 2023

⁴ Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Исай 50:4 Referans Kwoze

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Еремей 1:9

Господь нюжӧдіс кисӧ, инмӧдчыліс менам вомӧ да шуис меным: – Ассьым кывъясӧс Ме пукті тэнад вомӧ.

Шусьӧгъяс 25:11

Ас кадӧ шуӧм кывйыд быттьӧ эзысь тасьтіын зарни яблӧг.

Шусьӧгъяс 15:23

Нимкодь, вочавидзнытӧ кӧ верман, бур, ас кадӧ кӧ кывтӧ шуны кужан!

Псалтыр 143:8

Налӧн вомысь петӧ ылӧгыс, кинысӧ лэптӧмӧн найӧ ылӧг кыв сетӧны.

Псалтыр 5:3

Менам Енмӧй да Ӧксыӧй, кыв менсьым гораа бӧрдӧмӧс, ӧд ме кевмыся Тэныд.

Лука 4:22

Ставӧн ошкисны Исусӧс да шензисны Сы вомысь петӧм буралан кывъясысь да шуалісны: «Абу-ӧ Сійӧ Ӧсиплӧн пи?»

Матвей 13:54

Аслас карӧ. Сэні велӧдіс йӧзсӧ синагогаын. Кывзысьяс шензьӧмӧн шуалісны: «Кытысь Сылӧн татшӧм мывкыдлуныс да татшӧм выныс?

Матвей 11:28

Локтӧй Ме дінӧ мудзӧмаяс да сьӧкыда мырсьысьяс, Ме тіянӧс шойччӧда.

Матвей 22:46

Исуслы некод эз вермы воча кыв шуны. Сійӧ лунсянь некод нин эз лысьт юасьны Сылысь.

Иоан 7:46

Мӧдӧдлӧмаяс вочавидзисны: «Тайӧ Мортыс моз некод на эз сёрнитлы».

Псалтыр 45:2

Енмыс – миянлы сайӧдчаніныс да выныс, Сійӧ тэрмасьӧ отсавны шог дырйи.

Псалтыр 88:13

Тэ вӧчин войвыв да лунвыв, Тавор да Ермон керӧсъяс нимкодясьӧны Тэнад нимыд йылысь.

Шусьӧгъяс 12:25

Майшасьӧмыд сьӧлӧмтӧ топӧдӧ, а бур кывйыд – гажӧдӧ.

Исай 8:16

– Гартышт тайӧ гижӧдсӧ, мыйӧ ме велӧді ассьым велӧдчысьясӧс, да тупкы сійӧс сёйысь вӧчӧм печатьӧн.

Исай 28:9

Найӧ шуӧны ме йылысь: «Кодӧс сійӧ вермас вежӧрсьӧдны? Кодӧс сійӧ вермас туйдӧдны юӧртӧмнас? Сӧмын найӧс, кодъяс неважӧн на нёнясисны, кодъясӧс сӧмын на торйӧдӧма мам морӧс бердысь, а мукӧдсӧ – оз вермы.

Исай 28:19

Сійӧ кутас локны выльысь и выльысь, асывнас, луннас и рытнас, быд лун сійӧ кутас кылӧдны тіянӧс. Тайӧ висьталӧмсӧ гӧгӧрвоигӧн полӧмныдла ті кутанныд дзӧрны.

Исай 35:5

Сэки синтӧмъяс пондасны аддзыны, пельтӧмъяс – кывны.

Исай 40:29

Мудзӧмалы Сійӧ сетӧ вын, жебмӧмаӧс ёнмӧдӧ.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Исай 54:13

Ачыс Господь велӧдӧ тэнсьыд пиянтӧ, найӧс виччысьӧ ыджыд шуд да лӧньлун.

Еремей 31:25

Мудзӧмаясӧс Ме юктӧда, вынтӧмъясӧс Ме пӧткӧда».

Езекиль 46:13

Быд асыв вайӧй Господьлы сотан вись пыдди дзоньвидза арӧса баляӧс.

Индӧд 18:17

Сэки Господь шуис меным: ”Найӧ веськыда висьталӧны.

Индӧд 18:18

Ме сувтӧда налӧн вокъяс пӧвстысь тэ кодь пророкӧс налы да пукта Ассьым кывъясӧс сылӧн вомӧ. Сійӧ висьталас налы ставсӧ, мый Ме тшӧкта сылы.

Иов 4:4

тэнад кывйыд усьӧмаӧс кыпӧдліс, лигышмунӧмаӧс тэ вынсьӧдлін.

Псалтыр 40:7

Менӧ видлыны волысь сёрнитӧ пӧръясьӧмӧн, сьӧлӧмас сылӧн чужӧны лёк мӧвпъяс, петӧм бӧрас сійӧ суклясьӧ ме йылысь.