Исай 5:26 - Коми Библия 2023

²⁶ Господь кыпӧдас дӧрапас да чукӧстас войтыръясӧс ылі муясысь, Сійӧ чукӧстас му помын олысьясӧс, и найӧ кокньыда да тэрыба локтасны.

Исай 5:26 Referans Kwoze

Закар 10:8

– Ме чукӧста найӧс, чукӧрта ставнысӧ, ӧд Ме ньӧби найӧс, и найӧ важ мозыс бара лоӧны уна лыда войтырӧн.

Исай 7:18

Сійӧ лунӧ Господь чукӧстас Нил ю дорысь гутъясӧс, Ассур муысь мазіясӧс.

Исай 18:3

Ті, муюгыдын олысьяс, ті, му вылас олысьяс, ставныд видзӧдӧй, кор керӧсъяс вылӧ кыптас дӧрапас, сюся кывзӧй, кор кылас буксанлӧн гора шыыс.

Индӧд 28:49

Ылісянь, му помсянь Господь вайӧдас войтырӧс, кодлысь кывсӧ ті онӧ гӧгӧрвоӧй. Кутшъяс моз найӧ уськӧдчасны тіян вылӧ.

Исай 11:12

Сійӧ лэптас дӧрапас войтыръяслы, чукӧртас нёльнан му пельӧссьыс Израильысь вӧтлӧмаясӧс, Иудаысь разалӧм войтырӧс.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Аввакум 1:8

Сылӧн вӧвъясыс леопард дорысь тэрыбӧсь, тэрыбӧсь войся кӧинъясысь. Сылӧн вӧвъясыс кыккокйыв тӧвзьӧны, найӧ локтӧны ылісянь, лэбӧны кыйдӧс вылӧ уськӧдчысь кутш моз.

Йоиль 2:7

Найӧ котӧртӧны тышкайӧз моз, вермасьысьяс моз кавшасьӧны карса стен вылӧ. Быдӧн мунӧ аслас нырвизьӧд, оз кеж аслас туйысь.

Бӧрданкыв 4:19

Енэжвыв кутш дорысь тэрыбӧсь вӧліны миянӧс вӧтӧдысьяс, найӧ вӧтлысисны миян бӧрся керӧсъяс вывті, кыйӧдісны миянӧс овтӧминын.

Еремей 51:27

Лэптӧй дӧрапасъяс му пасьталаыс, буксӧй буксанӧн войтыръяс пӧвстын, дасьтӧй войтыръясӧс уськӧдчыны Вавилон вылӧ, чуксалӧй сылы паныд Арарат муын олысьясӧс, чуксалӧй Минни да Аскеназ муясын олысьясӧс, индӧй сылы паныд тышкайӧзӧн веськӧдлысьӧс, чукӧртӧй вӧвъясӧс повзьӧдчана саранча мында.

Еремей 5:15

Кывзы, Израиль войтыр! Ме вайӧда тэныд паныд ылі муысь войтырӧс, – висьталӧ Господь. – Тайӧ войтырыс вына, сійӧ вӧлі важысянь нин, сылысь кывсӧ тэ он тӧд, сёрнисӧ он гӧгӧрво.

Еремей 4:13

Вӧрӧг кыпӧдчас кымӧр моз, сылӧн тарантасъясыс тӧвныр кодь тэрыбӧсь, сылӧн вӧвъясыс кутшъяс дорысь на тэрыбджыкӧсь. Сэки ті горӧданныд: ”Курыд шог миянлы! Миянӧс лоӧ бырӧдӧма!”»

Исай 39:3

Исай пророк локтіс Езекей ӧксы дінӧ да юаліс: «Мый висьталісны тайӧ йӧзыс? Кытысь найӧ волісны тэ дінӧ?» Езекей вочавидзис: «Найӧ волісны ылі муысь, Вавилонысь».

Исай 30:16

Ті шуинныд: «Ми котӧртам вӧвъяс вылын», та вӧсна тіянлы и ковмас пышйыны. Ті шуинныд: «Ми рӧдтам тэрыб вӧвъяс вылын», та вӧсна тіянӧс вӧтӧдысьясныд лоӧны тэрыбӧсь.

Исай 13:5

Ылі муысь, енэжтас сайысь, локтӧны Господь да Сылӧн скӧрлуна вермасянторъясыс, медым пазӧдны ставнас мусӧ.

Исай 13:2

Керӧс йылӧ кыпӧдӧй дӧрапас, кинаныд шенасьӧй, гораа чуксалӧй тышкайӧзӧс, медым найӧ пырасны юралысьяслӧн дзиръяӧд.

Псалтыр 72:8

Найӧ сералӧны да лёкӧдӧны, суклясьӧны да ышнясьӧмӧн сёрнитӧны.

Псалтыр 60:4

Ӧд Тэ – менам сайӧдчаніныс, Тэ – вына Дорйысь паныд сувтысьясысь.

Исай 10:3

Мый ті кутанныд вӧчны мыждан лунӧ, кор бырӧдӧмыс ыджыд тӧвныр моз ылісянь суӧдас тіянӧс? Код дінӧ ті котӧртанныд отсӧгла? Кытчӧ дзебанныд ассьыныд озырлунтӧ?

Исай 13:3

Ме тшӧкті Аслам вежаяслы чукӧртчыны, Ме чукӧсті Ассьым вына йӧзӧс, Менам вынӧн нимкодясьысьясӧс, медым найӧ збыльмӧдісны Менсьым скӧрлунӧс.

Исай 13:4

Керӧсъяс вылын кылӧ гора шы, сійӧ уна йӧзлӧн ызгысь шы кодь, кылӧ ӧтвыв чукӧртчӧм войтыръяслӧн шы. Господь Саваоф чукӧртӧ Ассьыс тышкайӧзсӧ.

Исай 31:9

Ёна повзьӧмнысла вошас налӧн зумыд лачаныс, налӧн юралысьясыс повзясны дӧрапасысь да пышъясны, – висьталӧ Господь, кодлӧн биыс ӧзйӧ Сионын, донӧдӧм пачыс – Ерусалимын.

Езекиль 38:17

Господь Ыджыдыс тадзи висьталӧ: Гог, тэ йылысь Ме важӧн висьтавлі Аслам кесйӧгъяслы, израильса пророкъяслы. Найӧ уна во чӧж пророкалісны, мый Ме вайӧда тэнӧ Израиль войтырлы паныд.