Исай 5:24 - Коми Библия 2023

²⁴ Но кыдзи би сотӧ идзас да ыпъялӧмӧн сотчӧ турун, тадзи налӧн вужйыс сісьмас, налӧн дзоридзыс бус моз разалас, ӧд найӧ ӧтдортісны Господь Саваофлысь Индӧдсӧ, нинӧмӧ пуктісны Израильлӧн вежа Енлысь кывъяссӧ.

Исай 5:24 Referans Kwoze

Исай 30:12

Та вӧсна Израильлӧн вежа Ен тадзи висьталӧ: – Ті нинӧмӧ пуктанныд тайӧ кывъяссӧ, но лача кутанныд ылӧг вылӧ да мыджсянныд пӧръясьӧм вылӧ.

Иов 18:16

Сылӧн вужйыс косьмас улісяньыс, а вожъясыс – вылісяньыс.

Лука 3:17

Сы киын тӧлӧдчан зырйыс. Сійӧ весалас гумласӧ: шобдісӧ йӧртӧдӧ чукӧртас, а кыдсӧ куслытӧм биын сотас».

Йоиль 2:5

Найӧ чеччалӧны керӧсъяс вывті, кылӧ тарантас гӧгыльяслӧн кодь шы, сотчысь идзаслӧн кодь шы. Найӧ тышӧ петысь вына тышкайӧз кодьӧсь.

Исай 47:14

Но найӧ идзас кодьӧсь, биыс сотас найӧс, найӧ оз вермыны видзны асьнысӧ ыпъялан биысь. Наысь весиг ӧгыр оз коль, медым шонтысьыштны. Наысь он песты бипур, медым сы дорын пукалыштны.

Исай 30:9

Ӧд тайӧ войтырыс кывзысьтӧм, найӧ пӧръясьысьяс, оз кӧсйыны кывзыны Господьлысь Индӧдсӧ.

Петӧм 15:7

Паныд кыпӧдчысьясӧс Тэ уськӧдін шензьӧдана выннад, скӧрлуныд ӧзйис да идзасӧс моз найӧс сотіс.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

Ап. уджъяс 13:41

– Видзӧдӧй, сералысьяс, да шензьӧй, тіянӧс лоӧ бырӧдӧма! Тіян олан лунъясӧ Ме вӧча сэтшӧмтор, мый тіянлы кӧ висьталасны та йылысь, ті онӧ эскӧй».

Иоан 12:48

Коді оз сибӧд Менӧ да оз босьт Менсьым кывъясӧс, сылӧн эм аслас мыждысь: Менам висьталӧм кывйӧй медбӧръя лунӧ мыждас сійӧс.

Лука 10:16

Тіянӧс кывзысь Менӧ кывзӧ, тіянӧс ӧтдортысь Менӧ ӧтдортӧ, а Менӧ ӧтдортысь ӧтдортӧ Менӧ Мӧдӧдысьӧс».

Лука 7:30

А фарисейяс Индӧдӧ велӧдысьяскӧд паныд сувтісны Ен кӧсйӧмлы да эз пыртчыны Иоан пыртӧмӧн».

Матвей 3:12

Сы киын тӧлӧдчан зырйыс. Сійӧ весалас гумласӧ: шобдісӧ йӧртӧдӧ чукӧртас, а кыдсӧ куслытӧм биын сотас».

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Наум 1:10

Найӧ коддзӧм морт кодьӧсь, дзугсьӧмаӧсь бытшкасьысь турун пӧвстӧ, найӧ сотчасны кос идзас моз.

Амос 2:9

Тіян вӧсна Ме бырӧді аморейясӧс, кодъяс вӧліны сус пу кодь кузьӧсь, тупу кодь ёнӧсь. Ме бырӧді найӧс вужвыйӧдзныс, ӧти вотӧс эг коль.

Осий 9:16

Ефремӧс пасьвартӧма! Сылӧн вужйыс косьмӧма, вотӧссӧ сійӧ оз кут вайны. Но весиг кӧ найӧ пондасны чужтыны, Ме виа налысь дона чужтӧмторъяснысӧ.

Осий 5:12

Ефремлы Ме лои бырӧдысь воз кодь, Иудалы – сёйысь вегыль кодь.

Еремей 8:9

Мывкыдаяс яналасны, повзясны да веськаласны тывйӧ. Налӧн мывкыдлуныс абу, ӧд найӧ ӧтдортісны Господьлысь кывсӧ.

Еремей 6:19

Кывзы, муыс! Ме ыста тайӧ войтырыслы шог. Тайӧ шогыс – налӧн лёк мӧвпъяслӧн вотӧсыс, ӧд Менсьым кывъясӧс найӧ эз кывзыны, Менсьым Индӧдӧс найӧ ӧтдортісны.

Исай 8:6

– Тайӧ войтырыс нинӧмӧ пуктӧ надзӧ визувтысь Силоам ю, но ошйысьӧ Рецинӧн да Ремальлӧн пиӧн.

Псалтыр 50:17

Господьӧй, восьт менсьым вомӧс, и менам вомысь кыптас Тэныд ошкӧмыс.

Неемий 9:26

Но найӧ кутісны пыксьыны Тэныд, кыпӧдчисны Тэныд паныд, ӧтдортісны Тэнсьыд Индӧдтӧ, виалісны Тэнсьыд пророкъястӧ, кодъяс ӧлӧдісны найӧс, медым веськӧдны Тэлань. Найӧ вӧчисны уна пеж,

Ӧксыяслӧн 1 небӧг 15:26

Самуил шуис: «Ме тэкӧд ог мун, ӧд тэ нинӧмӧ пуктін Господьлысь шуӧмсӧ. Сійӧ вештіс тэнӧ Израильын ӧксыалӧмысь».

Ӧксыяслӧн 1 небӧг 15:23

Ӧд кывзысьтӧмлуныд тунасьӧм кодь жӧ мыж, асныралӧмыд гортса бӧлбанъяслы юрбитӧм кодь жӧ. Тэ нинӧмӧ пуктін Господьлысь шуӧмсӧ, та вӧсна Сійӧ вештіс тэнӧ [Израильын] ӧксыалӧмысь.

Ӧксыяслӧн 4 небӧг 19:22

Кодӧс тэ омӧльтін? Кодӧс тэ лёкӧдін? Кодлы паныд тэ гӧлӧстӧ кыпӧдін? Код вылӧ ышнясьӧмӧн видзӧдін? Израильлӧн вежа Ен вылӧ!

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 1:31

Вына морт лоӧ идзас кодь, сылӧн уджъясыс – бикинь кодь. Найӧ ӧтвылысь ыпнитасны, и некод оз вермы кусӧдны.

Исай 7:9

Самарияыс сӧмын Ефремлӧн юркар, и Ремальлӧн пиыс сӧмын Самарияын юралӧ. Онӧ кӧ зумыда эскӧй, онӧ вермӧй зумыда сулавны».

Исай 9:18

Налӧн лёк вӧчӧмыс ыпъялӧ би моз, ньылалӧ йӧн да ёг турун, сотӧ ставнас вӧрсӧ, и сэтысь сюръя моз кыптӧ сьӧд тшын.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Исай 24:6

Та вӧсна ёрӧмыс бырӧдӧ мусӧ, му вылын олысьяс вештысьӧны асланыс мыжысь. Му вылын олысьяс бырӧны, йӧзыс коли зэв этша.

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Осий 11:9

Ме ог лэдз ыпъявны Аслам скӧрлунӧйлы, Ме ог нин бырӧд Ефремӧс, ӧд Ме – Ен, абу морт. Ме, Вежаыс, тэ пӧвстын, скӧрлунӧн тэ дінӧ ог лок.

Петӧм 5:12

Израиль войтыр пондіс ветлӧдлыны Египет му пасьтала да чукӧртны идзас.

Индӧд 28:24

Зэр пыдди Господь ыстас тіян му вылӧ бус. Енэжсянь тіян вылӧ киссяс бус, [кытчӧдз Господь оз бырӧд тіянӧс, и] кытчӧдз ті онӧ кулӧй.

Иов 8:17

вужйыс гартчӧма изъяс гӧгӧр, пырӧма изъяс костӧ.

Езекиль 15:6

Та вӧсна Господь Ыджыдыс тадзи висьталӧ: кыдзи Ме сета билы ньылыштны виноград пу вӧрса пуяскӧд, сідзи Ме сета билы ньылыштны Ерусалимын олысьясӧс.

Амос 2:4

Господь тадзи висьталӧ: – Иуда войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эновтісны Менсьым Индӧдӧс, Менам тшӧктӧмъяс серти эз овны. Батьясныс моз найӧ юрбитісны ылӧг енъяслы, кодъяс кежӧдісны найӧс туйсьыс.