Исай 5:23 - Коми Библия 2023

²³ Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.

Исай 5:23 Referans Kwoze

Исай 10:2

медым гӧльясӧс эз мыждыны веськыда, медым Менам войтыр пӧвстысь коньӧръяслы эз вӧчны веськыда, медым мырддьыны дӧваяслысь эмбурсӧ, медым куштыны батьтӧм-мамтӧмъясӧс.

Яков 5:6

Ті мыждінныд да виинныд веськыда олысьӧс, сійӧ оз нин водзсась тіянлы.

Шусьӧгъяс 17:15

Лёк вӧчысьӧс дорйысь да мыжтӧм мортӧс мыждысь – Господьлы зывӧктанаӧсь.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Шусьӧгъяс 24:24

Коді мыжаӧс шуӧ веськыдӧн, сійӧс йӧзыс ёрасны, сійӧс пондасны мустӧмтны чужанкотыръяс.

Шусьӧгъяс 17:23

Ентӧг олысь гусьӧн козинтӧ босьтӧ, медым торкны веськыда мыждӧмсӧ.

2 Каднебӧг 19:7

Полӧй Господьысь, ставсӧ вӧчӧй веськыда, ӧд Господь, миян Енным, мустӧмтӧ пӧръясьӧм, леститчӧм да козин босьтӧм».

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

Матвей 23:35

Тадзи тіянӧс мыждасны став веськыда олысьыслӧн вирысь: веськыда олысь Авель вирсянь да Варакейлӧн Закар пи вирӧдз, кодӧс ті виинныд крам да висьпуктанін костын.

Ӧксыяслӧн 3 небӧг 21:13

Локтісны кык шогмытӧм морт да пуксисны Навотлы воча. Став йӧз водзас найӧ шуалісны: «Навот омӧльтіс Енмӧс да ӧксыӧс». Сэсся Навотӧс петкӧдісны кар сайӧ да кувтӧдзыс изъялісны.

Исай 10:1

Курыд шог налы, кодъяс лӧсьӧдӧны лёк индӧдъяс, гижӧны чорыд тшӧктӧмъяс,

Исай 32:7

Наян морт вӧчӧ наяна, сійӧ мӧвпалӧ лёк вӧчӧм йылысь, ылӧгнас сійӧ бырӧдӧ коньӧр мортӧс, коді збыльсӧ висьталӧ.

Исай 59:15

Збыльыс эз ло. Лёксьыс ылыстчысьлысь эмбурсӧ мырддьӧны. Господь аддзис, мый веськыда мыждӧмыс абу, и тайӧ вӧлі зывӧк Сылы.

Амос 5:12

Ме тӧда, кутшӧм уна тіян лёк вӧчӧмныд, тӧда, кутшӧм уна тіян мыжъясныд. Веськыда олысьӧс ті дзескӧданныд, козинъяс босьтанныд, ёрд вылын коньӧрӧс мыжтӧгыс мыжданныд.

Исай 28:7

Поп да пророк тшӧтш шатлалӧны вина юӧмысь, довъялӧны туй вывті сур юӧмысь, найӧ коддзӧмаӧсь да крукасьлӧны. Винаыс вермӧма найӧс, сурыс пемдӧдӧма вежӧрнысӧ. Пророкъяслӧн аддзылӧмъясыс вайӧдӧны йӧзсӧ ылӧгӧ, попъяс крукасьӧны асланыс кывъясӧ.

Исай 29:21

ӧд найӧ шуӧны мыжтӧмӧс мыжаӧн, карса мыжданінын пӧрйӧдлӧны ёрдысьӧс, ӧтдортӧны збыльсӧ висьталысьӧс.