Исай 5:20 - Коми Библия 2023

²⁰ Курыд шог налы, кодъяс лёксӧ шуӧны бурӧн, а бурсӧ – лёкӧн, пемыдсӧ лыддьӧны югыдӧн, а югыдсӧ – пемыдӧн, курыдсӧ лыддьӧны юмолӧн, а юмовсӧ – курыдӧн!

Исай 5:20 Referans Kwoze

Шусьӧгъяс 17:15

Лёк вӧчысьӧс дорйысь да мыжтӧм мортӧс мыждысь – Господьлы зывӧктанаӧсь.

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Малакий 2:17

Ті дӧзмӧданныд Господьӧс асланыд сёрниӧн и та дырйи юасянныд, мыйӧн пӧ ми Сійӧс дӧзмӧдам. Дӧзмӧданныд сійӧн, мый шуаланныд, лёк вӧчысь пӧ шогмана Господьлы, татшӧм мортыс пӧ муса Сылы. Нӧшта дӧзмӧданныд сійӧн, мый шуаланныд, кӧні пӧ веськыда мыждысь Енмыс.

Иов 17:12

Войсӧ ті вӧчанныд лунӧн, пемыднас шуанныд, мый югыд нин.

2 Петыр 2:1

Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ.

Амос 5:7

Со, веськыда мыждӧмсӧ ті бергӧдінныд курыд зелляӧ, веськыдлунсӧ муӧ талялінныд!

Малакий 3:15

Ми пӧ аддзам мӧдтор: вылӧ кыпӧдчысьяс шудаӧсь, лёк вӧчысьяслӧн олӧмас ставыс артмӧ, найӧ дӧзмӧдӧны Енсӧ, но кольӧны мыждытӧг.

Исай 24:9

Оз нин сьылігтырйи юны вина, курдіс юысьяслы сурыс.

Исай 30:10

Тӧдысь-аддзысьяслы найӧ шуалӧны: «Дугдӧй аддзыны, мый водзӧ лоас». Пророкъяслы найӧ шуалӧны: «Энӧ висьтавлӧй миянлы збыльсӧ. Висьтавлӧй миянлы лӧсяланасӧ, висьтавлӧй сійӧ, мый миянлы сьӧлӧм серти.

Аввакум 1:4

Индӧдыс лои вынтӧм, веськыда мыждӧмыс абу. Лёк вӧчысь дзескӧдӧ мыжтӧмӧс, ёрдысьяс оз веськыда мыждыны.

Петӧм 23:7

Эн ылӧдчы. Мыжтӧмӧс да веськыда олысьӧс кулӧм вылӧ эн мыжды, ӧд ылӧдчысьӧс Ме мыжда.

Индӧд 25:1

Локтасны кӧ ёрд водзӧ кык вензьысь, сэні мед веськыда мыждасны. Мыжтӧмӧс мед шуасны мыжтӧмӧн, а мыжаӧс мед мыждасны.

Шусьӧгъяс 4:17

Ӧд лёк вӧчӧмыс налы нянь сёйӧм кодь, виалӧм-дзескӧдӧмыс – вина юӧм кодь.

Исай 29:21

ӧд найӧ шуӧны мыжтӧмӧс мыжаӧн, карса мыжданінын пӧрйӧдлӧны ёрдысьӧс, ӧтдортӧны збыльсӧ висьталысьӧс.

Исай 32:5

Мывкыдтӧм мортӧс оз нин кутны шуны пыдди пуктанаӧн, наян мортӧс оз нин шуны веськыдӧн.

Езекиль 13:19

Китыр ид да нянь шӧрӧм вӧсна войтырӧй водзын Менӧ янӧданныд. Мортлы, кодлы абу на кад кувны, висьталанныд, мый сійӧ кулас, а мортлы, кодлы абу шуӧма овны, кӧсйысянныд олӧм. И Менам войтырӧй кывзӧ тіянлысь ылӧг висьталӧмнытӧ!

Микей 3:2

Но ті мустӧмтанныд бурсӧ, а лёксӧ радейтанныд. Ті йӧзыслысь кучиксӧ кулянныд, лы вылас весиг яйсӧ онӧ кольӧй.