Исай 5:14 - Коми Библия 2023

¹⁴ Пыдӧстӧминыс воссяс, сійӧ паськыда восьтас ассьыс горшсӧ да ньылыштас нималана йӧзӧс и озыръясӧс, сійӧ ньылыштас став гажӧдчысь йӧзсӧ.

Исай 5:14 Referans Kwoze

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

Аввакум 2:5

Вылӧ кыпӧдчысь пӧрйӧдлысь вина кодь, сійӧ оз лӧнь, пыдӧстӧминыс моз паськӧдӧ вомсӧ, кулӧмыс моз оз пӧтлы, босьтӧ аслас кипод улӧ войтыръясӧс, пуксьӧ ыджыдавны на вылын.

Шусьӧгъяс 30:16

Пыдӧстӧмин да нӧбасьтӧм кынӧм, ваӧн пӧтлытӧм му да би оз шуны, тырмас пӧ!

Матвей 7:13

«Пырӧй векньыд ӧдзӧсӧд. Ӧд паськыд ӧдзӧсыс да паськыд туйыс кулӧмӧ нуӧдӧны, и унаӧн сэті мунӧны.

Шусьӧгъяс 27:20

Пыдӧстӧминыс да кулӧмаяслӧн оланіныс – пӧтлытӧмӧсь, тадзи морт синмыд тшӧтш пӧтлытӧм. [Господьлы зывӧк ыкшаасьысь морт, ковтӧг ассьыс вомсӧ восьталысь – вежӧртӧм.]

Исай 30:33

Ассурлы важӧн нин дасьтӧма сотанін, сотӧмыс виччысьӧ тшӧтш ӧксыӧс. Джуджыд да паськыд гуын дасьтӧма уна пес, ыджыд бипур. Ыпнитысь тэгйӧс моз Господьлӧн ловшыыс ӧзтас бипурсӧ.

Исай 14:9

Пыдӧстӧминыс шызьӧма, воча петӧ паныдавны тэнӧ. Тэ вӧсна сійӧ садьмӧдіс муюгыдса став кулӧм юралысьсӧ, чеччӧдіс юралан пуклӧсысь войтыръяслысь ӧксыяссӧ.

Лука 17:27

Ковчегӧ Нойлӧн пыртӧдз йӧзыс сёйисны-юисны, гӧтрасисны да верӧс сайӧ мунісны. Сэки ыджыд ойдӧм дырйи ваыс пӧдтіс ставнысӧ.

Исай 21:4

Менам сьӧлӧмӧй тіралӧ, менӧ дзӧрӧм босьтіс. Водзынджык ме нимкодьпырысь виччыси рытсӧ, ӧні сійӧ повзьӧдлӧ менӧ.

Шусьӧгъяс 1:12

пыдӧстӧмин моз ньылыштам ловйӧн, ловъявывсьыс сійӧс гуалам.

Псалтыр 49:14

Вай Енмыслы вись пыдди аттьӧалӧм, вӧч сійӧ, мый кӧсйысин Медвылыссалы.

Даниил 5:30

Сійӧ жӧ войнас калдеяса Валтасар ӧксыӧс виисны,

Наум 1:10

Найӧ коддзӧм морт кодьӧсь, дзугсьӧмаӧсь бытшкасьысь турун пӧвстӧ, найӧ сотчасны кос идзас моз.

Исай 14:11

Пыдӧстӧминӧ шыбитӧма тэнсьыд нималӧмтӧ да арфаӧн гажӧдчан ворсӧмтӧ. Тэнад вольпасьыд вегыльясысь, эшкыныд номыръясысь.

Исай 24:8

Дугдіс кывны тимпанлӧн гажа шыыс, ланьтіс гажӧдчысьяслӧн гораа нимкодясьӧмыс, дугдіс кывны гуслилӧн гажа шыыс.

Езекиль 7:12

Воис кад, матыстчӧ лун. Ньӧбысь мед оз нимкодясь, вузалысь мед оз бӧрд, ӧд ставныс вылӧ киссьӧ скӧрлунӧй.