Исай 49:15 - Коми Библия 2023

¹⁵ Ань ӧмӧй вунӧдас ассьыс пузчужӧм кагасӧ, сійӧ ӧмӧй оз кут жалитны ассьыс чужтӧм кагасӧ? Но весиг мам кӧ вунӧдас ассьыс кагасӧ, Ме тэнӧ ог вунӧд!

Исай 49:15 Referans Kwoze

Исай 44:21

Эн вунӧд, Яков, эн вунӧд, Израиль, мый тэ – Менам кесйӧг, Ме вӧчи тэнӧ. Тэ – Менам кесйӧг, Израиль, эн вунӧд Менӧ.

Псалтыр 103:13

Аслад выліинсянь Тэ зэрӧн юктӧдан керӧсъяс, Тэнад сетӧмторъясӧн пӧткӧдчӧ муыс.

Матвей 7:11

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд уна пӧвстӧн бурсӧ сетас Сылысь корысьяслы.

Осий 11:1

– Кор Израиль вӧлі том на, сійӧ вӧлі муса Меным. Египет муысь Ме кори пиӧс.

Еремей 31:20

Но Ефрем – Менам муса пиӧй, сійӧ вайӧ Меным нимкодьлун. Ме унаысь мыждылі сійӧс, но некор ог вунӧд сійӧс! Менам сьӧлӧмӧй висьӧ Ефрем понда, Ме бурсьӧлӧмтча сы дінӧ, – висьталӧ Господь.

Малакий 3:17

Менам индӧм лунӧ найӧ лоӧны Менам войтырӧн, – висьталӧ Господь Саваоф. – Ме лоа на дінӧ бур сьӧлӧма, кыдзи бать бур сьӧлӧма аслас кывзысьысь пи дінӧ.

Бӧрданкыв 4:10

Небыд сьӧлӧма мамъяс пуисны ассьыныс челядьнысӧ, менсьым войтырӧс бырӧдан кадӧ кагаясныс лоины налы сёянӧн.

Бӧрданкыв 4:3

Весиг шакал нёньӧдчӧ, вердӧ ассьыс пиянсӧ, а менам войтырлӧн нывъяс сьӧлӧмтӧмӧсь, овтӧминса страус моз найӧ эновтӧны каганысӧ.

Римӧ 1:31

найӧ мывкыдтӧмӧсь, кывсӧ оз кутны, оз бурасьны, кын сьӧлӧмаӧсь да чорыдӧсь.

Левит 26:29

Ныв-пиныдлысь яйсӧ ті сёйны кутанныд.

Иов 24:20

Чужтысь мамыс мед вунӧдас сійӧс, вегыль мед чӧсмасяс сыӧн. Лёк вӧчысьӧс мед оз казьтывны, косьмӧм пуӧс моз мед керыштасны сійӧс,

Псалтыр 77:9

Ефремсаяслӧн вӧліны шыпуртъяс да ньӧввужъяс, но тыш дырйи найӧ пышйисны.

Шусьӧгъяс 31:2

Муса пиӧй, ме тэнӧ чужті, тэ йылысь ме кыв сетӧмӧн кевмыси.

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд

Исай 49:14

Сион шуліс: «Господь эновтіс менӧ, менам Ыджыдӧй вунӧдіс менӧ!»

Ӧксыяслӧн 1 небӧг 12:22

Аслас ыджыд нимыс вӧсна Господь оз коль тіянӧс, Ассьыс войтырсӧ. Господь бӧрйис тіянӧс, мед ті вӧлінныд Сылӧн войтырӧн.

Исай 54:10

Керӧсъяс вешъясны, мылькъяс вӧрзьыласны, а Менам буралӧмӧй тэ дінӧ оз вежсьыв, лӧньлун вайысь Менам йитӧдӧй оз вӧрзьыв, – висьталӧ тэнӧ радейтысь Господь.

Еремей 51:5

Калдея войтыр мыжа Израильлӧн вежа Ен водзын, налӧн муыс тырӧма мыжӧн, но Израиль да Иуда войтыръясӧс Господь Саваоф, налӧн Енмыс, эз эновт.