Исай 48:4 - Коми Библия 2023

⁴ Ме тӧді, мый тэ асныра, мый тэнад сьыліыд кӧртысь, плешкыд ыргӧнысь.

Исай 48:4 Referans Kwoze

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

Петӧм 32:9

Господь шуис Мӧисейлы: «Ме аддза, кутшӧм асныра тайӧ войтырыс.

Шусьӧгъяс 29:1

Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Еремей 19:15

«Господь Саваоф, Израильлӧн Ен, тадзи висьталӧ: тайӧ карыс вылӧ да став иудаса каръяс вылӧ Ме Аслам шуӧм серти мӧдӧда шог, ӧд тайӧ каръясас олысьясыс асныралӧны, оз кывзыны Менсьым кывъясӧс».

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Индӧд 31:27

Ме тӧда тіянлысь асныралӧмнытӧ да паныд кыпӧдчӧмнытӧ. Весиг ӧні, кор ме ловъя на, ті онӧ кывзысьӧй Господьлысь. А мый лоӧ менам кулӧм бӧрын?

Петӧм 33:5

Господь шуис Мӧисейлы: «Висьтав Израиль пиянлы: ті асныра войтыр. Ме кӧ муна тіянкӧд, ӧти здукӧн виа тіянӧс. Пӧрччӧй ас вывсьыныд мичмӧдчанторъястӧ. Ме видзӧдла, мый вӧчны тіянкӧд».

Псалтыр 78:8

Эн пукты миян вылӧ батьяснымлысь мыжъяссӧ, тэрмась петкӧдлыны миянлы Ассьыд бурлунтӧ, ӧд ми дзикӧдз жебмим.

Псалтыр 75:5

Енмӧй, Тэ дзирдалан югыда, нэмӧвӧйся керӧсъясысь Тэ ёна ыджыд.

Петӧм 33:3

Сійӧ нуӧдас тіянӧс муӧ, кӧні визувтӧ йӧв да ма. Ачым Ме ог мун тіянкӧд, медым туяныд Ме эг ви тіянӧс асныралӧм вӧснаныд».

Исай 46:12

Кывзӧй Менӧ, чорыд сьӧлӧмаяс, кодъяс ылынӧсь веськыдлунсьыс.

2 Каднебӧг 36:13

Седекей кыпӧдчис Навукодоносор ӧксылы паныд, кодлы Ен водзын кыв сетіс, мый лоас ӧксылӧн кипод улын. Седекей пыксис да чорзьӧдіс сьӧлӧмсӧ, эз кӧсйы бергӧдчыны Израильлӧн Господь Ен дінӧ.

Еврейяслы 3:13

Быд лун ышӧдӧй ӧта-мӧднытӧ, кытчӧдз позьӧ на шуны ”талун”, мед тіян пиысь некодлӧн эз чорзьы сьӧлӧмыс мыжыслӧн ылӧдлӧм вӧсна.

Даниил 5:20

Но ачыс сійӧ вылӧ кыпӧдчис, чорзьӧдіс сьӧлӧмсӧ да пондіс этш тӧдтӧг ышнясьны, и сійӧс вӧлі шыбитӧма ӧксылӧн юралан пуклӧсысь, сійӧ воштіс ассьыс нималӧмсӧ.

Еремей 7:26

Но ті энӧ кывзӧй Менӧ, энӧ сибӧдӧй Менсьым кывъясӧс. Ті асныралінныд да вӧчинныд лёксӧ асланыд батьяс дорысь унджык на.

Еремей 3:3

Та вӧсна зэрыс эз вӧв, эз киссьы тувсовъя зэр. Тэнад чужӧмыд кырсалысь аньлӧн кодь, тэ воштӧмыд яндзимтӧ.

2 Каднебӧг 30:8

Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ.

Ӧксыяслӧн 4 небӧг 17:14

Но израильсаяс эз кывзысьны. Найӧ асныралісны асланыс батьяс моз, кодъяс эз эскыны Господьлы, асланыс Енлы.

Индӧд 10:16

Вундыштӧй ассьыныд сьӧлӧмнытӧ да водзӧ энӧ асныралӧй.

Неемий 9:28

Кор найӧ олісны лӧня, найӧ бара вӧчисны лёксӧ Тэныд паныд. Сэки Тэ сетлін найӧс дзескӧдысьяс киӧ, кодъяс ыджыдалісны на вылын. Но найӧ бара горзӧмӧн шыасьлісны Тэ дінӧ, и Тэ кылін найӧс енэжсяньыс, Аслад ыджыд буралӧмыд вӧсна Тэ унаысь мездылін найӧс.

Езекиль 2:4

Найӧ яндысьтӧмӧсь да чорыд сьӧлӧмаӧсь. Ме мӧдӧда тэнӧ на дінӧ, медым тэ шуан налы, мый тадзи висьталӧ Господь Ыджыдыс.

Петӧм 9:7

Фараон тшӧктіс тӧдмавны, збыльысь-ӧ Израиль войтырлӧн весиг ӧти пемӧс эз кув. Тайӧс тӧдмалӧм бӧрын фараон чорзьӧдіс сьӧлӧмсӧ да эз лэдз Израиль войтырӧс.

Исай 30:9

Ӧд тайӧ войтырыс кывзысьтӧм, найӧ пӧръясьысьяс, оз кӧсйыны кывзыны Господьлысь Индӧдсӧ.