Исай 48:19 - Коми Библия 2023

¹⁹ тэнад челядьыд эськӧ вӧлі лыа мында, тэсянь чужысьясыд – лыа чир мында. Налӧн нимныс эськӧ эз вош, найӧ эськӧ эз бырны Менам син водзысь.

Исай 48:19 Referans Kwoze

Исай 10:22

Израиль, тэнад войтырыдлӧн лыдыс кӧ лоӧ весиг саридздор лыа мында, бергӧдчас сӧмын колясыс. Бырӧдӧмыс лоӧ веськыдлун серти, сійӧ ыльӧбтас ойдӧм ва моз.

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Римӧ 9:27

Израиль йылысь Исай тадзи висьталӧ: – Израиль войтырлӧн лыдыс кӧ лоӧ весиг саридздор лыа мында, мездмас сӧмын колясыс.

Осий 1:10

– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».

Еремей 33:22

Кыдзи енэжвыв кодзувъяссӧ он вермы лыддьыны, саридздор лыасӧ он вермы муртавны, сідзи жӧ он вермы лыддьыны Менам Давид кесйӧгсянь чужысьясӧс да Меным кесъялысь левитъясӧс, ӧд Ме рӧдмӧда найӧс».

Софоний 1:4

Ме лэпта Ассьым киӧс Иуда вылӧ, Ерусалимын олысьяс вылӧ, бырӧда тайӧ карсьыс ставсӧ, мый казьтывлӧ Ваал идол йылысь, бырӧда тшыкӧдчысьяслысь нимсӧ, ылӧг енъяслы юрбитысь попъяслысь нимсӧ,

Исай 66:22

Кыдзи выль енэжыс да выль муыс, кодъясӧс Ме вӧча, пыр лоӧны Ме водзын, тадзи тіянсянь чужысьяс да тіян нимныд пыр лоӧны Ме водзын, – висьталӧ Господь. –

Исай 56:5

Ме сета Аслам керкаын да карын казьтыланпас да ним, и тайӧ лоӧ налы ныв-пи дорысь бурджык на. Ме сета налы бырлытӧм ним, кодӧс оз вунӧдны.

Исай 48:9

Аслам нимӧй вӧсна Ме ог кисьт Ассьым скӧрлунӧс, Аслам нималӧмӧй вӧсна Ме кута Ачымӧс тэнӧ бырӧдӧмысь.

Исай 14:22

Ме сувта налы паныд, – висьталӧ Господь Саваоф. – Ме бырӧда Вавилонлысь нимсӧ да коляс войтырсӧ, налысь челядьсӧ да насянь чужысьясӧс, – висьталӧ Господь. –

Исай 9:14

Сэки Господь керыштіс Израильлысь юрсӧ и бӧжсӧ, ӧти лунӧ Сійӧ керыштіс пальма пу и эжӧр.

Псалтыр 9:5

Медым веськыда мыждыны, Тэ пуксин юралан пуклӧсӧ, Тэ веськыда мыждін менӧ, петкӧдлін менсьым мыжтӧмлунӧс.

Ӧксыяслӧн 3 небӧг 9:7

сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.

Руфа 4:10

Моавса Руфаӧс, Махлонлысь дӧваӧс, аслым гӧтырӧ босьта, медым кулӧм верӧсыслӧн нимыс овмӧс вылас коляс да сылӧн рӧдыс оз быр чужан карсьыс. Ті тайӧс ставсӧ кывлінныд да аддзылінныд».

Нав Исус 7:9

Кор ханаансаяс да тайӧ муас мукӧд олысьыс кыласны та йылысь, найӧ кытшаласны миянӧс да вуштасны нимнымӧс войтыръяс пӧвстысь. Мый Тэ вӧчан, медым дорйыны Ассьыд ыджыд нимтӧ?»

Олӧм 13:16

Тэсянь чужысьыс лыа чир мында лоас. Вермас кӧ кодкӧ артавны лыа чирсӧ, вермас артавны и тэсянь чужысьсӧ.

Иов 5:25

Тэ аддзан, мый тэсянь чужысьыс вывті уна, налӧн лыдыс – видзвыв турун мында.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Исай 44:4

Найӧ кутасны быдмыны юдорса эжӧр пытшкын быдмысь бадь моз.

Исай 54:3

Тэ паськӧдчан веськыдвылӧ и шуйгавылӧ, тэнад челядьлы вичмас мукӧд войтырлӧн муясыс, найӧ овмӧдчасны кушмӧм каръясӧ.

Индӧд 9:14

Эн кут Менӧ найӧс бырӧдӧмысь. Ме вушта енэж улысь налысь нимсӧ. А тэсянь сета чужны на дорысь ыджыд да вына войтырлы”.