Исай 48:1 - Коми Библия 2023

¹ – Кывзӧй тайӧс, Яковсянь чужысьяс! Ті шусянныд Израиль нимӧн, ті петінныд Иуда чужанкотырысь, ті кыв сетӧмӧн кӧсйысянныд Господь нимӧн, шуанныд, мый кесъяланныд Израильлӧн Енлы, но вӧчанныд тайӧс онӧ збыльысь да онӧ веськыда.

Исай 48:1 Referans Kwoze

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Псалтыр 68:26

Налӧн оланінъясыс мед кушмасны, налӧн чомъясын мед оз ло олысьыс.

Еремей 5:2

– Найӧ кыв сетӧны ловъя Господь водзын, но налӧн кыв сетӧмныс – пӧръясьӧм.

Исай 65:16

Коді бурсиас асьсӧ тайӧ муас, сійӧ бурсиас асьсӧ збыль Ен нимӧн. Коді кыв сетас тайӧ муас, сійӧ кыв сетас збыль Ен водзын. Важ шогъяссӧ лоӧ вунӧдӧма, водзӧ найӧ оз нин лоны Менам син водзын.

Индӧд 6:13

Полӧй Господьысь, асланыд Енмысь, Сылы [ӧтнаслы] кесъялӧй, [Сы дінӧ кутчысьӧй да] Сылӧн нимӧн кӧсйысьӧй.

Олӧм 32:28

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Восьтӧм 2:9

Ме тӧда тэнсьыд уджъястӧ, сьӧкыдалӧмтӧ да гӧльлунтӧ, но тэ – озыр! Тӧда, кыдзи тэнӧ лёкӧдӧны найӧ, кодъяс шуӧны асьнысӧ иудейясӧн, но найӧ абу иудейяс, а сӧтаналӧн йӧз чукӧр.

1 Тимофейлы 4:2

Татшӧм велӧдӧмыс петӧ пӧръясьысьяссянь, кык бана шаньгаяссянь, кодъяс воштӧмаӧсь яндзимнысӧ.

Римӧ 9:8

Сідзкӧ, Енлӧн ныв-пиыс абу мортсянь, но Ен кӧсйысьӧмсянь чужысьяс.

Римӧ 9:6

Енмыслӧн кывйыс эз вожав. Ӧд абу став израильсаыс Израильлӧн,

Римӧ 2:17

Со, тэ шусян иудейӧн, кутчысян Индӧдас да ошйысян Енмӧн.

Иоан 4:24

Енмыс эм Лов. Сідзкӧ, Енлы кевмысьысьяслы колӧ кевмысьны Ловсянь да збыльыс серти».

Иоан 1:47

Исус аддзис Сы дінӧ локтысь Нафанаилӧс да шуис сы йылысь: «Тайӧ мортыс збыльысь Израиль войтырысь, сійӧ оз ылӧдчы».

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Софоний 1:5

бырӧда найӧс, кодъяс керка вевт вылын юрбитӧны енэжвыв вынъяслы, кодъяс юрбитӧны да кыв сетӧны Ме водзын да асланыс Молок идол водзын,

Исай 62:8

Господь сетіс кыв, кӧсйысис Аслас веськыд кинас, Аслас вына кинас Сійӧ кӧсйысис: – Тэнсьыд няньтӧ Ме ог нин сет вӧрӧгыдлы, йӧз муысь локтысьяс оз кутны юны тэнсьыд винатӧ, мый тэ мудзтӧдзыд вӧчин.

Исай 58:2

Найӧ быттьӧ веськыда олысь войтыр, коді оз вунӧдлы аслас Енлысь тшӧктӧмъяссӧ, быд лун корсьысьӧ Менӧ, кӧсйӧ тӧдны Менсьым туйясӧс. Найӧ виччысьӧны Месянь веськыда мыждӧм, кӧсйӧны матыстчыны Ен дінӧ.

Исай 45:23

Менам вомысь петӧны збыль кывъяс, вежсьывлытӧм кывъяс, Ме Ачым кыв сетӧмӧн шуа, мый быд морт пидзӧсчанясяс Ме водзӧ да кыв сетӧмӧн кӧсйысяс кесъявны Меным.

Исай 44:5

Ӧти шуас: «Ме Господьлӧн», мӧд шуас асьсӧ Яковлӧн нимӧн, а кодкӧ ки вылас гижас: «Ме Господьлӧн», и сійӧ нимтас асьсӧ Израиль нимӧн.

Исай 26:13

Господьӧй, миян Енмӧй, Тэ пыдди миян вылын ыджыдалісны мукӧд ыджыдъяс. Но ӧні ми шыасям сӧмын Тэ дінӧ.

Шусьӧгъяс 5:16

Тэнад дзулькйысь ваыд мед оз киськась ывлаӧ, мед оз визувт изэрд вылӧ.

Псалтыр 66:3

Сэки му вылын олысьяс тӧдмаласны Тэнсьыд туйтӧ, войтыръяс пӧвстын тӧдмаласны Тэнсьыд мездӧмтӧ.

Псалтыр 63:11

Веськыда олысь мед нимкодясяс Господьӧн да Сы вылӧ лача кутас. Веськыд сьӧлӧмаяс мед гажӧдчасны! Ошкӧм.

Ӧксыяслӧн 4 небӧг 17:34

Самарияса олысьяс ӧнӧдз важ мозыс олӧны. Найӧ оз повны Господьысь, оз овны сійӧ индӧд-тшӧктӧмъясыс серти, мый серти Господь тшӧктыліс овны Яковсянь чужысьяслы. Сійӧ сетіс Яков рӧдлы Израиль ним

Индӧд 33:28

Израиль повтӧг олӧ, Яковсянь чужысьяс лӧня олӧны сійӧ муас, кӧні быдмӧ уна нянь да визувтӧ вина, кытчӧ енэжсянь лысва лэччӧ.

Индӧд 10:20

Полӧй Господьысь, асланыд Енмысь, Сылы [ӧтнаслы] кесъялӧй, Сы дінӧ кутчысьӧй да Сылӧн нимӧн кӧсйысьӧй.

Индӧд 5:28

Господь кыліс тіянлысь кывъястӧ, кор ті сёрнитінныд мекӧд. Сійӧ шуис меным: ”Ме кылі тайӧ войтырыслысь кывъяссӧ. Ставсӧ, мый найӧ тэныд шуисны, бур.

Лыд 24:7

Тіян пельсаясысь ваыс оз бырлы, пуктӧм кӧйдыснытӧ юкталас ва. Тіян ӧксыныд лоӧ Агагысь ыджыдджык, сылысь юралӧмсӧ лоӧ вылӧ кыпӧдӧма.

Левит 19:12

Менам нимӧн пӧръясьӧмӧн энӧ сетӧй кывнытӧ, медым энӧ янӧдӧй Менсьым нимӧс. Ме – Господь, тіян Енныд.

Петӧм 23:13

Кутчысьӧй став Менам тшӧктӧмӧ. Мукӧд енъяслысь нимъяссӧ энӧ казьтывлӧй, налӧн нимыс мед оз пет тіян вомысь».

Олӧм 35:10

Ен шуис сылы: «Тэнад нимыд Яков, но талунсянь он Яковӧн кут шусьыны, а тэнад нимыд лоӧ Израиль». Тадзи Ен пуктіс сылы Израиль ним.

Исай 46:12

Кывзӧй Менӧ, чорыд сьӧлӧмаяс, кодъяс ылынӧсь веськыдлунсьыс.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Еремей 44:26

Египетын олысь Иуда войтыр, кывзӧй Господьлысь кывсӧ! Ме кыв сетӧмӧн кӧсйыся Аслам вына нимӧн, – висьталӧ Господь, – Египетын Иуда войтыр пӧвстысь некод оз нин кыв сет Господь Ыджыдыс водзын.

Закар 5:3

Андел шуис меным: «Сэні гижӧма, мый тайӧ мусӧ суас ёрӧм. Ӧтарладорас гижӧма, мый став гусясьысьсӧ лоӧ бырӧдӧма. Мӧдарладорас гижӧма, мый сетӧм кывсӧ торкысьясӧс тшӧтш лоӧ бырӧдӧма».

Ӧксыяслӧн 4 небӧг 5:20

Енлӧн морт Елисейлӧн Гезий кесйӧгыс мӧвпыштіс: «Сыысь, мый арамей Нееман вайліс, менам ыджыдӧй нинӧм эз босьт. Ловъя Господь водзын шуа: котӧртла Нееман бӧрся. Гашкӧ, сійӧ мыйкӧ сетас меным».

Псалтыр 68:27

Ӧд найӧ дзескӧдӧны сійӧс, кодӧс Тэ пасьвартін, содтӧны дойсӧ сылы, кодӧс Тэ дойдалін.

Исай 51:1

– Кывзӧй Менӧ, веськыдлунсӧ да Господьӧс корсьысьяс! Видзӧдлӧй изкыртаыс вылӧ, мыйысь вӧчӧма-кералӧма тіянӧс, видзӧдлӧй му пыдӧсӧ, кытысь кодйӧма-перйӧма тіянӧс.

Исай 51:2

Видзӧдлӧй Ӧвраам батьныд вылӧ да тіянӧс чужтысь Сарра вылӧ. Кор Ме чукӧсті Ӧвраамӧс, сійӧ вӧлі ныв-питӧм на, но Ме бурсии сійӧс, рӧдмӧді сысянь уна чужысьӧс.

Микей 2:7

Яков рӧд, тадзи-ӧ тэ чайтан? Господь ӧмӧй оз скӧрав? Аслас шуӧм серти ӧмӧй оз вӧч? Менам кывъясӧй ӧмӧй оз вайны бурсӧ веськыда олысьлы?