Исай 47:5 - Коми Библия 2023

⁵ Мун пемыдас, калдея войтырлӧн ныв, да чӧла пукав сэні. Водзӧ тэнӧ оз нин шуны войтыръяс вылын ыджыдалысь ӧксы-аньӧн.

Исай 47:5 Referans Kwoze

Аввакум 2:20

А Господь – Аслас вежа крамын. Став муюгыдыс мед ланьтас Сы водзын!

Исай 47:7

Тэ шуалін: «Ме пыр лоа ӧксы-аньӧн», но тэ эн мӧвпыштлы, эн кӧсйы тӧдны, мый лоӧ бӧрыннас.

Восьтӧм 18:7

Мӧдӧдӧй сылы шогсӧ да мучитчӧмсӧ сы мында, мыйта сійӧ курыштіс аслыс озырлунсӧ да ошкӧмсӧ. Ӧд сійӧ ошйысьӧ ас йывсьыс: «Ме – ӧксы-ань, пукала юралан пуклӧсын, ме абу дӧва, шогсӧ ог тӧд».

Восьтӧм 17:18

Аньыс, кодӧс тэ аддзылін, эм ыджыд кар, мый ыджыдалӧ мувывса ӧксыяс вылын».

Иуда 1:13

Найӧ – саридзвывса гыяс, кодъяс лёкысь быгзьӧны асланыс янӧдан уджъясӧн. Найӧ – вошласьысь кодзувъяс, кодъяслы век кежлӧ дасьтӧма сап пемыдсӧ.

Закар 2:13

Господь водзын мед ланьтас быд морт, ӧд Господь петӧ Аслас вежа оланінысь.

Бӧрданкыв 1:1

Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Еремей 25:10

Тайӧ муясас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, оз кут кывны изкилӧн шыыс, оз кут тыдавны би дозлӧн югӧрыс.

Еремей 8:14

– Мый нӧ ми пукалам? Чукӧртчӧй, мунамӧй изкаръясӧ, и сэні кулам. Господь, миян Енным, шуис бырӧдны миянӧс, Сійӧ юктӧдӧ миянӧс яд сора ваӧн, ӧд ми мыж вӧчим Господьлы паныд.

Исай 47:1

– Вавилон ныв, лэччы да пуксьы му вылас, пукав му вылас, калдея войтырлӧн ныв, ӧд юралан пуклӧсыд тэнад абу нин. Водзӧ оз нин шуны, мый тэ мелі да шань войтыр.

Исай 14:23

Ме вӧча сійӧс ёжъяслы оланінӧн да нюрӧн, чышкышта сійӧс бырӧдан роскӧн, – висьталӧ Господь Саваоф.

Исай 14:4

тэ кутан сьывны вавилонса ӧксы йылысь сералана сьыланкыв: – Со, оз нин ло нартитысьыс, воис пом сылӧн лёкалӧмлы!

Исай 13:10

Енэжвыв кодзувъяс оз кутны дзирдавны, шондіыс петігас на пемдас, и тӧлысьыс оз сет югыдсӧ.

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Ӧксыяслӧн 1 небӧг 2:9

Господь видзӧ кывзысьысьяслысь воськовъяссӧ, а лёк вӧчысьяс вошӧны пемыдас, ӧд мортлы оз отсав аслас выныс.

Исай 21:9

Со, верзьӧмаяс кыкӧн-кыкӧн локтӧны вӧвъяс вылын». Сэсся кар видзысь юӧртіс: «Киссис, киссис Вавилон. Сылысь бӧлбанъяссӧ жуглӧма, найӧ куйлӧны му вылын».

Исай 23:2

Ланьтӧй, саридз дорын олысьяс, сидонса вузасьысьяс! Тіянлысь карнытӧ озырмӧдлісны саридз вывті кывтысьяс.

Бӧрданкыв 2:10

Сионса пӧрысь йӧз чӧла пукалӧны му вылын, юрнысӧ коялӧмаӧсь пӧимӧн, гартыштчӧмаӧсь шогалан паськӧмӧ. Ерусалимса нывъяс юрнысӧ копыртӧмаӧсь мулань.