Исай 47:2 - Коми Библия 2023

² Кутчысь изкиӧ да пызьӧдз из тусьсӧ. Шыбит вевттьӧдтӧ, кусыньт бӧждортӧ, восьт кокчӧртӧ да вудж ва вомӧн.

Исай 47:2 Referans Kwoze

Матвей 24:41

Изанінын лоасны кык ань: ӧтисӧ босьтасны, мӧдсӧ колясны.

Исай 20:4

Тадзи ассурса ӧксы нуӧдас Египетысь да Эфиопияысь пленӧ босьтӧмаясӧс. Томъясӧс и пӧрысьясӧс нуӧдасны дзик пасьтӧг-кӧмтӧг, медым янӧдны Египетӧс.

Ёрдысьяс 16:21

Филистимсаяс босьтісны Самсонӧс да бытшкисны сылысь кыкнан синсӧ. Сэсся вайӧдісны сійӧс Газа карӧ да кӧрталісны ыргӧн чепъясӧн. Дзескыдінын сылы ковмис изны нянь.

Петӧм 11:5

Сэки Египет муын кулас быд медводдза чужысь, ыджыдалысь фараонлӧн-ӧ сійӧ либӧ изки бердын уджалысь кесйӧг аньлӧн. Весиг ыж-мӧслӧн став медводдза чужысьыс кулас.

Лука 17:35

Ӧтлаын пондасны изны кык ань: ӧтисӧ босьтасны, мӧдсӧ колясны.

Иов 31:10

сэки гӧтырӧй мед мукӧдлы нянь изас, сыкӧд мед мукӧдъяс узьласны.

Микей 1:11

Петӧй карсьыныд, Шафирын олысьяс, пасьтӧгныд петӧй, янӧдӧмаӧн мунӧй. Цаананын олысьяслы некытчӧ пышйыны. Бет-Эцелын бӧрдӧм кылӧ, та вӧсна ті, Шафирысь петысьяс, сэтчӧ онӧ овмӧдчӧй.

Осий 2:3

Оз кӧ, Ме сійӧс кушӧдз пӧрччӧда, пузчужӧм кагаӧс моз пасьтӧгыс коля. Ме вӧча сійӧс овтӧминӧн, вӧча сійӧс кос муӧн, горш косьмӧмысла сійӧ кулас.

Бӧрданкыв 5:13

Зонъясӧс изки бердӧ сувтӧдісны, зонпосни кок йывсьыныс усьӧны пес кыскалӧмысь.

Еремей 27:7

Став войтыръясыс пондасны кесъявны сылы, сылӧн пиыслы да пиыслӧн пиыслы, кытчӧдз оз во кад, кор сійӧ аслас войтырыскӧд кутас кесъявны мукӧд войтыръяслы да вына ӧксыяслы.

Еремей 13:26

Таысь Ме чужӧм вылӧдзыд лэпта бӧждортӧ, медым тыдовтчас тэнад яндзимыд.

Еремей 13:22

Ас пытшкад тэ шуан: «Мыйысь менӧ суис тайӧ?» Тэнад лыдтӧм-тшӧттӧм мыжъясыд вӧсна лэптісны тэнсьыд бӧждортӧ, мырдӧналісны-янӧдісны тэнӧ.

Исай 32:11

Полӧй-тіралӧй, тӧждысьтӧмъяс, дзӧрмӧн тіралӧй, шог тӧдтӧмъяс! Пӧрччӧй паськӧмнытӧ, пасьталӧй шогалан паськӧм!

Исай 3:17

Таысь Господь кушӧдз шырас сионса нывъяслысь юрнысӧ, Сійӧ янӧдас найӧс.

Олӧм 24:65

да юаліс кесйӧглысь: «Коді тайӧ миянлы воча локтысьыс?» Кесйӧг вочавидзис: «Тайӧ менам ыджыдӧй». Сэки Ревекка вевттис чужӧмсӧ.

1 Коринфӧ 11:5

Ань кӧ кевмысьӧ либӧ пророкалӧ юрсӧ вевттьытӧг, тшӧтш сійӧ ассьыс юрсӧ янӧдӧ, ӧд сійӧ нинӧмӧн оз торъяв куш юра аньысь.

Еклесиаст 12:4

Ывлаӧ петан ӧдзӧсъяс тупкысясны, изкилӧн шыыс ланьтас, лэбачлӧн дзользьӧмыс унтӧ пальӧдас, сьылысьяслӧн горыс чинас.

Исай 3:23

Чӧскыд дук пыдди на дорысь кутас ӧвтны лёк дукӧн, вӧнь пыдди налы лоӧ гез, читкыля юрси пыдди – куш плеш, мича паськӧм пыдди – шогалан паськӧм, мичлун пыдди – юръяндзим.

Еремей 25:10

Тайӧ муясас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, оз кут кывны изкилӧн шыыс, оз кут тыдавны би дозлӧн югӧрыс.

1 Каднебӧг 19:4

Ханун босьтіс Давидлысь кесйӧгъяссӧ, шырис найӧс да улісяньыс коскӧдзыс вундіс налысь паськӧмнысӧ шӧрипельӧ. Сэсся бӧр ыстіс найӧс.