Исай 47:13 - Коми Библия 2023

¹³ Тэ мудзӧмыд нин помтӧм туйдӧдӧмысь. Сідзкӧ, мед локтасны енэжсӧ туялысь-видзӧдысьяс да кодзув серти туналысьяс, выль тӧлысь серти найӧ мед висьталасны тэныд лоанасӧ. Мед найӧ мездасны тэнӧ сыысь, мый шуӧма лоны тэкӧд.

Исай 47:13 Referans Kwoze

Исай 44:25

Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.

Езекиль 24:12

Ме весьшӧрӧ мырси, а пурзьӧм няйтыс пӧртсьыс эз вушйы, весиг биыс эз весав сійӧс.

Еремей 51:58

Господь Саваоф тадзи висьталӧ: – Вавилон карлысь кыз стенъяссӧ подулӧдзыс жугӧдасны, сылысь джуджыд дзиръяяссӧ биӧн сотасны. Весьшӧрӧ войтыръяс мырсисны, весьшӧрӧ кок йывсьыныс усьтӧдз уджалісны, ставсӧ лоӧ сотӧма биӧн.

Исай 57:10

Тэ мудзлін аслад кузь туйысь, но эн шулі, тайӧ пӧ весьшӧрӧ. Тэ пыр ёнмӧдчывлін, эн мудзлы.

Аввакум 2:13

Господь Саваоф шуӧма, мый йӧзыслӧн став уджыс сотчас, мый войтыръяс весьшӧрӧ мырсьӧны.

Даниил 5:30

Сійӧ жӧ войнас калдеяса Валтасар ӧксыӧс виисны,

Исай 47:15

Татшӧмӧсь найӧ, кодъяскӧд тэ уджалін, кодъяскӧд том кадсяньыд тэ вузасин-ньӧбасин. Найӧ быдӧн мунісны асланыс туйӧд, некод оз мезды тэнӧ.

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Исай 47:9

Но ӧти лунӧ, тӧдлытӧг, суас тэнӧ ӧтиыс и мӧдыс: тэ воштан челядьтӧ и колян дӧваӧн. Ставыс тайӧ воас тэ вылӧ ыджыд шыӧн, кӧть тэ ёна туналан-кимӧститчан.

Еремей 51:64

Сэсся шу: тадзи жӧ вӧяс Вавилон. Сійӧ оз вермы кыпӧдчыны шог бӧрти, мый Господь мӧдӧдас сылы. Вавилон дзикӧдз усяс». Тайӧн помасьӧны Еремейлӧн пророкалан кывъясыс.