Исай 47:12 - Коми Библия 2023

¹² Сідзкӧ, водзӧ кимӧститчы, ёнджыка на тшыкӧдчы, ӧд тэ том кадсяньыд нин ноксян тайӧн. Гашкӧ, тайӧ отсалас тэныд, гашкӧ, тайӧ видзас тэнӧ лёксьыс.

Исай 47:12 Referans Kwoze

Наум 3:4

Ставыс тайӧ суис кырсалысь карӧс сылӧн ёна кырсалӧмысь. Сійӧ вӧлі мича, кужис тшыкӧдчыны, кырсалӧмнас сійӧ ылӧдліс войтыръясӧс, тшыкӧдчӧмнас – чужанкотыръясӧс.

Еремей 2:28

Но кӧні тіян киӧн вӧчӧм енъясныд? Вермӧны кӧ, найӧ мед отсаласны тіянлы шог дырйиныд. Ӧд тэнад, Иуда войтыр, сы мында жӧ енмыс, мыйта тэнад карыд.

Исай 44:25

Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.

Исай 19:3

Египетсалӧн ловныс жебмас. Ме торка налысь мӧвпыштӧмасӧ, и найӧ шыасясны туйдӧдӧмла идолъяс да тшыкӧдчысьяс дінӧ, кулӧмаӧс корысьяс да туналысьяс дінӧ.

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Петӧм 9:11

Тунъяс эз вермыны паныд сувтны Мӧисейлы, ӧд став египетса моз найӧ тшӧтш вӧліны орзьӧмаӧсь-мылльӧссьӧмаӧсь.

Петӧм 8:7

Египетса тунъяс кимӧститчӧмнас тшӧтш петкӧдісны Египет му вылӧ жабаясӧс.

Петӧм 7:11

Фараон корис египетса тӧдысьясӧс да тунъясӧс. Асланыс кимӧститчӧмӧн найӧ вӧчисны тадзи жӧ.

Восьтӧм 9:21

Найӧ эз бергӧдчыны морт виӧмысь, тшыкӧдчӧмысь, кырсалӧмысь да гусясьӧмысь.

Псалтыр 129:1

Крамӧ мунігӧн сьылӧм. Господьӧй, пыдӧстӧм гусянь ме шыася Тэ дінӧ.

Даниил 2:2

Ӧксы тшӧктіс корны туналысьясӧс, кимӧститчысьясӧс, тшыкӧдчысьясӧс да калдеяса мывкыд йӧзӧс, медым найӧ гӧгӧрвоӧдісны сылысь вӧтъяссӧ. Найӧ локтісны да сувтісны ӧксы водзӧ.

Даниил 5:15

Ме дінӧ вайӧдлісны тӧдысьясӧс да кимӧститчысьясӧс, медым лыддьыны тайӧ гижӧмасӧ да гӧгӧрвоӧдны сійӧс меным, но найӧ эз вермыны гӧгӧрвоӧднысӧ.

Микей 3:7

Яндзим лоӧ тӧдысь-аддзысьяслы, яналасны водзвыв висьталысьяс, найӧ ставныс тупкасны чужӧмнысӧ, ӧд Енсянь вочавидзӧмыс оз ло.

Лыд 22:25

Господьлысь анделсӧ аддзӧм бӧрын осёлыс ляскысис стен бердӧ да топӧдіс Валаамлысь коксӧ. Валаам бара пондіс кучкавны осёлсӧ.

Езекиль 21:26

Господь Ыджыдыс тадзи висьталӧ: пӧрччы юркӧртӧдтӧ, шыбит юркытштӧ. Ставыс вежсяс: увтыртӧмаӧс лоӧ лэптӧма, вылӧ кыпӧдчысьӧс лоӧ лэдзӧма.

Даниил 2:11

Ӧксы юасьӧ сэтшӧм сьӧкыдтор йылысь, мый некод оз вермы вочавидзны сылы енъяс кындзи, кодъяс оз овны йӧз пӧвстын».