Исай 46:11 - Коми Библия 2023

¹¹ Асыввывсянь Ме чукӧсті варышӧс, ылі муысь Ме чукӧсті сійӧс, коді збыльмӧдас Менсьым мӧвпыштӧмӧс. Ме шуи, и вӧча тайӧс, Ме мӧвпышті, и вайӧда помӧдз.

Исай 46:11 Referans Kwoze

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Иов 23:13

Енмыслӧн шуӧмыс вына, некод сійӧс оз веж. Сійӧ вӧчӧ, мый кӧсйӧ.

Исай 41:2

Коді асыввывсянь вайӧдіс веськыда вӧчысьӧс, чукӧстіс сійӧс Ас бӧрсяыс мунны, сетіс сы киӧ войтыръясӧс, сылӧн кипод улӧ ӧксыясӧс? Сылӧн шыпуртыс вӧчӧ войтыръясӧс бусӧн, сылӧн ньӧввужйысь найӧ разалӧны, быттьӧ тӧвнырӧн нӧбӧдан идзас.

Ефесӧ 1:11

Кристос пыр ми лоим Ен войтырӧн, тадзи водзвыв вӧлі мӧвпыштӧма Енмыслӧн, ӧд Сійӧ ставсӧ вӧчӧ Ас кӧсйӧм сертиыс.

Ап. уджъяс 5:39

а Енсянь кӧ, ті онӧ вермӧй кисьтнысӧ. Видзчысьӧй Енлы паныд сувтӧмысь».

Исай 38:15

Мый меным шунысӧ? Господь мый шуис меным, сійӧс и вӧчис. Курыда шогсьӧмӧн ме колляла ассьым олан воясӧс.

Ездра 1:2

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам.

Ефесӧ 3:11

Тадзи нэмъяс пуксьытӧдз на лӧсьӧдӧм-мӧвпыштӧмсӧ Енмыс пӧртіс олӧмӧ миян Господь Исус Кристос пыр.

Еремей 50:45

Кывзӧй, мый Господь шуис Вавилон йылысь, мый шуис вӧчны Калдея муын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Исай 41:25

Войвывсянь Ме вайӧді мортӧс, и сійӧ локтіс. Асыввывсянь сійӧ чукӧстіс Менсьым нимӧс. Сійӧ талялӧ юралысьясӧс нюйтӧс моз, кыдзи гырнич вӧчысь талялӧ сёй.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Ап. уджъяс 4:28

Найӧ олӧмӧ пӧртісны Тэнсьыд водзвыв шуӧмтӧ да вына лӧсьӧдӧмтӧ.

Езекиль 39:4

Аслад тышкайӧзкӧд да тэкӧд локтысь войтыръяскӧд тэ усян Израиль керӧсъяс вылын. Ме сета тэнӧ кырныш-варышлы кокавны да зверъяслы сёйны.

Еремей 50:29

Чуксалӧй Вавилонлы паныд ньӧввужйӧн лыйсьысьясӧс, кытшалӧй Вавилон кар, медым некод эз пышйы сэтысь. Мынтысьӧй сылы уджъясыс серти, вӧчӧй сыкӧд сідзи, кыдзи сійӧ вӧчис. Ӧд сійӧ кыпӧдчис Господьлы паныд, Израильлӧн вежа Енлы паныд.

Исай 45:13

Ме сувтӧді Кирӧс, медым веськыда вӧчны, Ме шыльӧда сылысь став туйсӧ. Сійӧ выльысь лэптас Менсьым карӧс, мездас Менсьым йӧзӧс пленысь, лэдзас найӧс мунны, оз босьт налысь дон ни козин. Тадзи висьталӧ Господь Саваоф.

Исай 44:28

Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Восьтӧм 16:12

Квайтӧд анделыс кисьтіс ассьыс чашасӧ ыджыд Ефрат юӧ, и ваыс сэтысь косьмис. Тадзи вӧлі дасьтӧма туйсӧ асыввывсянь локтысь ӧксыяслы.

Исай 18:6

Найӧс шыбитасны керӧсвывса кырныш-варышлы да мувывса пемӧсъяслы. Гожӧмнас наӧн кутасны пӧткӧдчыны кырныш-варыш, а тӧвнас – мувывса пемӧсъяс.

Исай 22:25

Но воас лун, – висьталӧ Господь Саваоф, – кор зумыдінӧ тувъялӧм кӧрттулыс усяс. Сійӧ чегас да усяс, и ставыс, мый кутчысис сы вылын, усяс да жугалас». Тадзи висьталӧ Господь.

Исай 37:26

Но тэ ӧмӧй эн кывлы, мый ставсӧ тайӧс Ме важысянь нин дасьті? Ме водзысяньыс мӧвпышті та йылысь, а ӧні збыльмӧді тайӧс тэ пыр – тэ пазӧдін зумыд каръяс, найӧ лоины из чукӧръясӧн.

Исай 56:9

Мувывса став зверыс, вӧрса став пемӧсыс, локтӧй, сёйӧй!

Еремей 44:28

Сӧмын этшаӧн пышъясны шыпуртысь да бергӧдчасны Египетысь Иуда муӧ. Сэки Египетӧ овмӧдчӧм Иуда войтырлӧн колясыс тӧдмалас, кодлӧн кывйыс инӧ: Менам али налӧн.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 25:1

Господьӧй, Тэ – менам Енмӧй! Ме ыдждӧдла Тэнӧ, ошка Тэнсьыд нимтӧ. Тэ вӧчин шензьӧданаторъяс, важысянь мӧвпыштӧмторъяс, Тэнад вӧчӧмторъясыд збыльӧсь да эсканаӧсь.

Еремей 50:44

Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла вавилонсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?