Исай 45:1 - Коми Библия 2023

¹ Господь тадзи висьталӧ Кирлы, Аслас мавтыштӧмалы: – Ме кута тэнӧ веськыд киӧдыд, сета тэнад киӧ войтыръясӧс, тэнад кипод улӧ – ӧксыясӧс, тэ водзвылын восьта ӧдзӧсъяс, ог лэдз пӧдлавны дзиръяяс.

Исай 45:1 Referans Kwoze

Исай 44:28

Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Исай 42:6

– Ме, Господь, чукӧсті тэнӧ, медым вайны веськыдлунсӧ. Ме кута тэнӧ киӧдыд, Ме видза тэнӧ. Тэ лоан йитӧдӧн Ме да йӧз костын, лоан югыдӧн став войтыръяслы,

Псалтыр 73:23

Эн вунӧд Тэнӧ мустӧмтысьяслысь горзӧмсӧ, Тэныд паныд кыпӧдчысьяс ӧтарӧ шызьӧны. Ошкӧм.

Исай 41:13

Ме – Господь, тэнад Енмыд, Ме кута тэнӧ веськыд киӧдыд, шуа: «Эн пов, Ме отсала тэныд».

Еремей 51:11

– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.

Еремей 50:35

Калдея войтыр весьтӧ кыпӧдӧма шыпурт, – висьталӧ Господь, – кыпӧдӧма шыпурт Вавилонын олысьяс весьтӧ, налӧн юралысьяс да тӧдысьяс весьтӧ.

Исай 45:5

Ме – Господь, и мӧдыс абу, Ме кындзи мӧд Енмыс абу! Тэ он тӧд Менӧ, но Ме сета тэныд вын,

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Наум 2:6

Воссьӧны ю кутӧдъяс, ваыс ыльӧбтӧ, и ӧксылӧн керкаыс киссьӧ.

Даниил 7:5

Мӧд зверыс вӧлі ош кодь. Сійӧ сулаліс бӧр кокъяс вылас, сылӧн вомас пинь костъясас чурвидзис куим ордлы. Сылы вӧлі шуӧма: «Чеччы да сёй яйсӧ пӧттӧдзыд!»

Исай 13:3

Ме тшӧкті Аслам вежаяслы чукӧртчыны, Ме чукӧсті Ассьым вына йӧзӧс, Менам вынӧн нимкодясьысьясӧс, медым найӧ збыльмӧдісны Менсьым скӧрлунӧс.

Иов 12:21

нималысьясӧс янӧдӧ, вынаясӧс жебмӧдӧ.

Даниил 5:6

ёна повзис, чужӧмыс сылӧн кельдӧдіс, кокыс лигышмуніс, пидзӧсыс пондіс дзӧрны.

Еремей 27:6

Тайӧ муяссӧ ӧні Ме сета вавилонса Навукодоносор ӧксылы, Аслам кесйӧглы. Весиг зверъясӧс Ме сета, медым найӧ кесъялісны сылы.

Исай 41:2

Коді асыввывсянь вайӧдіс веськыда вӧчысьӧс, чукӧстіс сійӧс Ас бӧрсяыс мунны, сетіс сы киӧ войтыръясӧс, сылӧн кипод улӧ ӧксыясӧс? Сылӧн шыпуртыс вӧчӧ войтыръясӧс бусӧн, сылӧн ньӧввужйысь найӧ разалӧны, быттьӧ тӧвнырӧн нӧбӧдан идзас.

Ӧксыяслӧн 3 небӧг 19:15

Господь шуис Иллялы: «Мун Дамаскӧ овтӧминӧд сійӧ жӧ туйӧдыс, кыті локтін. Сэтчӧ воӧм бӧрын мавтыштӧмӧн пукты Азаилӧс арамейяслы ӧксыӧ.

Даниил 8:3

Ме лэпті синмӧс да аддзи ю дорын сулалысь межӧс. Сылӧн вӧлі кык ыджыд сюр, сёрӧнджык быдмӧм сюрыс вӧлі ыджыдджык.

Еремей 50:3

Войвывсянь Вавилон вылӧ уськӧдчас войтыр, вӧчас Вавилон му овтӧминӧн. Некод оз кут овны сэні, йӧз и ыж-мӧс пышъясны сэтысь.

Исай 41:25

Войвывсянь Ме вайӧді мортӧс, и сійӧ локтіс. Асыввывсянь сійӧ чукӧстіс Менсьым нимӧс. Сійӧ талялӧ юралысьясӧс нюйтӧс моз, кыдзи гырнич вӧчысь талялӧ сёй.

Ездра 1:2

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам.

Исай 13:2

Керӧс йылӧ кыпӧдӧй дӧрапас, кинаныд шенасьӧй, гораа чуксалӧй тышкайӧзӧс, медым найӧ пырасны юралысьяслӧн дзиръяӧд.

Исай 48:15

Ме Ачым юӧрті тайӧс да чукӧсті сійӧ мортсӧ, Ме вайӧді сійӧс, и сылӧн став уджыс артмӧ.

Еремей 43:10

Шу налы, мый Господь Саваоф, Израильлӧн Ен, тадзи висьталӧ: Ме вайӧда татчӧ Ассьым кесйӧгӧс, вавилонса Навукодоносор ӧксыӧс. Сылысь юралан пуклӧссӧ Ме сувтӧда тайӧ дзебӧм изъясыс вылӧ. На весьтӧ сійӧ шевкнитас ассьыс ӧксыалан дӧрачомсӧ.

Еремей 51:30

Вавилонса тышкайӧз дугдісны тышкасьны, найӧ пукалӧны асланыс изкаръясын. Найӧ вынтӧммисны, лоины аньяс кодьӧсь. Налысь керкаяснысӧ сотӧма, дзиръя иганъяссӧ жуглӧма.

Еремей 51:58

Господь Саваоф тадзи висьталӧ: – Вавилон карлысь кыз стенъяссӧ подулӧдзыс жугӧдасны, сылысь джуджыд дзиръяяссӧ биӧн сотасны. Весьшӧрӧ войтыръяс мырсисны, весьшӧрӧ кок йывсьыныс усьтӧдз уджалісны, ставсӧ лоӧ сотӧма биӧн.

Езекиль 29:20

Удждон пыдди Ме сета Навукодоносорлы Египет му, ӧд сылӧн тышкайӧзыс уджалісны Меным, – висьталӧ Господь Ыджыдыс.

Даниил 8:4

Ме аддзылі, мый тайӧ межыс люкасис рытыввывлань, войвывлань да лунвывлань, и мукӧд пемӧсъяс эз вермыны водзсасьны сыкӧд, некод эз вермы мездысьны сыысь. Сійӧ вӧчис, мый кӧсйис, да ёна ышнясис.

Наум 3:13

Тэнад тышкайӧзыд аньяс кодьӧсь, тэнад муын дзиръяясыд гурйыв восьсаӧсь вӧрӧгыдлы, биыс сотӧма тэнсьыд тасъястӧ.