Исай 44:25 - Коми Библия 2023

²⁵ Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.

Исай 44:25 Referans Kwoze

Псалтыр 33:10

Полӧй Господьысь, Сылӧн вежа войтыр! Сыысь полысьяслӧн ставыс лоӧ тырмымӧн.

Еремей 50:36

Шыпурт кыпӧдӧма больгысьяс весьтӧ, и найӧ йӧймасны. Шыпурт кыпӧдӧма вавилонса тышкайӧз весьтӧ, и найӧ шӧйӧвошасны.

Ӧксыяслӧн 2 небӧг 15:31

Давидлы юӧртісны, Ахитофел пӧ ӧтувтчӧма Авессаломкӧд. Сэки Давид пондіс кевмысьны: «Господьӧй, [Енмӧй,] вӧч сідзи, мед Ахитофеллӧн шуӧм-вӧзйӧмыс лоӧ мывкыдтӧм вӧзйӧмӧн».

Еремей 51:57

– Ме коддзытӧдзныс юктӧда вавилонса юралысьясӧс, тӧдысьясӧс, ыджыдалысьясӧс да тышкайӧзӧс. Найӧ унмовсясны пыр кежлӧ да оз садьмыны, – висьталӧ Ӧксы, кодлӧн нимыс Господь Саваоф.

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Даниил 4:7

Вольпасьын куйлігӧн менам вӧлі татшӧм аддзылӧм: Му шӧрас сулаліс зэв джуджыд пу,

Даниил 1:20

Быд пӧрйӧ, кор ӧксы юасис налысь мый йылысь кӧ, мый вылӧ колана вӧлі мывкыдлун да сюсь вежӧр, сійӧ аддзис, мый найӧ вӧліны дас пӧв мывкыдаӧсь сылӧн муас олысь став туналысь да кимӧститчысь дорысь.

Еремей 49:7

Эдом войтыр йылысь Господь Саваоф тадзи висьталӧ: – Теманын ӧмӧй абу мывкыдлуныс? Вежӧра йӧз ӧмӧй оз вермыны туйдӧдны? Найӧ ӧмӧй воштісны мывкыдлунсӧ?

2 Каднебӧг 18:34

Чорыд тыш муніс сійӧ лунӧ. Израильса ӧксы рытӧдзыс сулаліс аслас тарантасын арамейяслы воча, а шонді пуксигӧн сійӧ кувсис.

2 Каднебӧг 18:11

Тадзи пророкалісны тшӧтш мукӧд пророкъяс. Найӧ шуалісны: «Уськӧдчы галаадса Рамот кар вылӧ! Тэ верман. Господь сетас Рамот карсӧ тэнад киӧ, ӧксыӧй».

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ӧксыяслӧн 2 небӧг 16:23

Сійӧ кадас Ахитофел дінӧ шыасьлісны Ен дінӧ моз, ӧд Ахитофеллӧн быд шуӧм-вӧзйӧм вӧлі Енсянь шуӧм кодь. Тадзи вӧлі Давидлы, тадзи лои тшӧтш Авессаломлы.

Петӧм 9:11

Тунъяс эз вермыны паныд сувтны Мӧисейлы, ӧд став египетса моз найӧ тшӧтш вӧліны орзьӧмаӧсь-мылльӧссьӧмаӧсь.

Ӧксыяслӧн 3 небӧг 22:37

Тадзи куліс израильса ӧксы. Сылысь шойсӧ вайисны Самария карӧ да дзебисны сэні.

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Микей 3:7

Яндзим лоӧ тӧдысь-аддзысьяслы, яналасны водзвыв висьталысьяс, найӧ ставныс тупкасны чужӧмнысӧ, ӧд Енсянь вочавидзӧмыс оз ло.

Лыд 23:23

Яков рӧдлы паныд туналӧмыс оз ин, Израиль войтырлы паныд тшыкӧдӧмыс оз во. Ас кадӧ шуасны Яков-Израиль йылысь: «Со мый вӧчӧ Енмыс!»

Исай 19:3

Египетсалӧн ловныс жебмас. Ме торка налысь мӧвпыштӧмасӧ, и найӧ шыасясны туйдӧдӧмла идолъяс да тшыкӧдчысьяс дінӧ, кулӧмаӧс корысьяс да туналысьяс дінӧ.

Закар 10:2

Гортса бӧлбанъяс висьталӧны нинӧм абусӧ, туналысьяс аддзӧны ылӧгторъяс, висьталӧны пӧръясяна вӧтъяс, ышӧдӧны нинӧм абунас. Та вӧсна войтырыс шӧйтӧ вошӧм ыж чукӧр моз, сьӧкыдалӧ видзысьтӧгыс.