Исай 44:2 - Коми Библия 2023

² Тэнӧ вӧчысь да тэнӧ артмӧдысь, мам кынӧмсяньыд тэныд отсалысь Господь тадзи висьталӧ: – Яков, Менам кесйӧгӧй, эн пов, Ешурун, [Израиль,] Ме бӧрйи тэнӧ.

Исай 44:2 Referans Kwoze

Еремей 1:5

– Сыӧдз, кор Ме вӧчи тэнӧ мам кынӧмад на, Ме вӧлі тӧда нин тэнӧ. Сыӧдз, кор Ме вӧчи тэнӧ, мам кынӧмсьыд петтӧдз на, Ме вежӧді тэнӧ, пукті тэнӧ войтыръяслы пророкӧ.

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 44:24

Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.

Исай 43:7

вайӧдӧй быдӧнӧс, кодӧс Ме чукӧсті, кодӧс Ме вӧчи Ачымӧс нимӧдӧм могысь.

Исай 49:1

Кывзӧй менӧ, саридз дорын олысьяс, сюся кывзӧй, ылысса войтыръяс! Господь чукӧстіс менӧ чужтӧдз на, мам кынӧмын на сетіс меным ним.

Ефесӧ 1:4

Сійӧ бӧрйӧма миянӧс Кристос пытшкын му пуксьытӧдзыс на, медым вӧлім Сы водзын вежаӧсь да сӧстӧмӧсь. Ми ёна мусаӧсь Енмыслы,

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Римӧ 8:30

Кодъясӧс Сійӧ водзысяньыс лӧсьӧдіс, найӧс и корис, кодъясӧс корис, найӧс и вӧчис веськыдӧн, кодъясӧс вӧчис веськыдӧн, найӧс и мичмӧдіс Аслас дзирдлунӧн.

Псалтыр 71:6

Ӧксы мед лоас ытшкӧм видз вылӧ киссьысь зэр кодь, мусӧ кӧтӧдысь сувтса зэр кодь.

Исай 43:21

Тайӧ войтырсӧ Ме Аслым вӧчи, сійӧ кутас кыпӧдны Меным ошкӧмсӧ.

1 Фессалоникаӧ 1:4

Вокъяс, ті мусаӧсь Енмыслы. Ми тӧдам, Сійӧ бӧрйис тіянӧс.

Лука 12:32

Эн пов, ичӧт чукӧр! Ӧд тіян Батьныд шуис сетны тіянлы Юралӧм.

Еврейяслы 4:16

Та вӧсна ми повтӧг матыстчам бур сьӧлӧма Енлӧн юралан пуклӧс дінӧ, медым колана кадӧ босьтны Енсянь буралӧмсӧ да бурсетӧмсӧ отсӧгным вылӧ.

Исай 44:21

Эн вунӧд, Яков, эн вунӧд, Израиль, мый тэ – Менам кесйӧг, Ме вӧчи тэнӧ. Тэ – Менам кесйӧг, Израиль, эн вунӧд Менӧ.

Псалтыр 46:5

Сійӧ бӧрйис да вичмӧдіс миянлы му, тайӧ мунас ошйысис Сылӧн муса Яков.

Исай 43:5

Эн пов, Ме тэкӧд! Асыввывсянь Ме вайӧда тэсянь чужысьясӧс, рытыввывсянь чукӧрта тэнсьыд войтыртӧ.

Исай 41:14

Эн пов, Яков-номыр, этша лыда Израиль, Ме отсала тэныд, – висьталӧ Господь, тэнад Мездысь, Израильлӧн вежа Ен. –

Индӧд 33:5

Кор юралысьяс да Израильлӧн чужанкотыръяс чукӧртчисны, Ешурунлы ыджыдӧ пуксис ӧксы.

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.

Индӧд 33:26

Ешурунлӧн Ен кодь мӧдыс абу. Верзьӧма моз Сійӧ локтӧ енэжӧд, юралысь моз – кымӧръяс вывті, медым отсавны тэныд.

Исай 27:11

Пуяс косьмасны, локтасны аньяс, чегъяласны увъяссӧ да сотасны найӧс. Тайӧ войтырыс мывкыдтӧм, та вӧсна найӧс Вӧчысь оз бурсьӧлӧмтчы на дінӧ, Сійӧ оз бурав на дінӧ.

Исай 41:8

Израиль, тэ – Менам кесйӧгӧй, Яков, тэ – Менам Ӧвраам ёртсянь чужысь, Ме бӧрйи тэнӧ.

Исай 45:11

Господь, Израильӧс Вӧчысь, Израильлӧн вежа Ен тадзи висьталӧ: – Энӧ юасьӧй Менсьым, мый лоас Менам челядькӧд, энӧ велӧдӧй Менӧ, мый Меным вӧчны Аслам киӧн вӧчӧмторъяскӧд.

Исай 49:5

Господь вӧчис менӧ Аслас кесъялысьӧн мам кынӧмын на, медым ме Сылань бергӧді Яковӧс, медым Израиль чукӧртчис Сы дінӧ. Господь нимӧдӧ менӧ Аслас син водзын, менам Енмӧй – менам выныс. Ӧні Господь тадзи висьталӧ:

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Псалтыр 95:6

Сылӧн эм ыджыдалӧм да дзирдлун, Сылӧн вежаинын – вын да мичлун.