Исай 43:21 - Коми Библия 2023

²¹ Тайӧ войтырсӧ Ме Аслым вӧчи, сійӧ кутас кыпӧдны Меным ошкӧмсӧ.

Исай 43:21 Referans Kwoze

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Еврейяслы 13:15

Сідзкӧ, Исус пыр кутам дугдывтӧг вайны Енлы аттьӧалана вись, асланым вомӧн кутам ошкыны Сылысь нимсӧ.

Псалтыр 102:18

Сійӧ веськыда вӧчӧ ныв-пиныдлӧн ныв-пиыслы, кодъяс видзӧны Сылысь йитӧдсӧ, оз вунӧдны Сылысь тшӧктӧмъяссӧ, а олӧны на серти.

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Колосӧ 1:16

Сы пыр вӧчӧма став енэжвывсасӧ да мувывсасӧ, аддзанасӧ да аддзытӧмсӧ: юралӧм-ӧ, ыджыдалӧм-ӧ, веськӧдлӧм-ӧ, вынъяс-ӧ – ставсӧ Сы пыр да Сылы вӧчӧма.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Ефесӧ 3:21

Ошкӧм Сылы вичко пыр, коді Исус Кристос пытшкын, быд кадӧ олысь йӧзсянь нэмъяс чӧж. Аминь.

Исай 50:7

Господь Ыджыдыс отсалӧ меным, та вӧсна ме ог яндысь, менам чужӧмӧй из кодь. Ме тӧда, меным оз ло яндзим,

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Псалтыр 4:3

Морт пиян, дыр-ӧ ті понданныд лёкӧдны менсьым нималӧмӧс, дыр-ӧ ті понданныд радейтны ковтӧмсӧ да корсьны ылӧгсӧ?

Шусьӧгъяс 16:4

Господь ставсӧ вӧчӧма мыйкӧ могысь, весиг мыж вӧчысьӧс лёк луныс кежлӧ вӧчӧма.

Псалтыр 79:13

Мыйла тэ кисьтін сылысь потшӧсъяссӧ? Сы дінті мунысьяс нетшкӧны сылысь розъяссӧ.

Исай 42:12

Мед кыпӧдасны ошкӧм Господьлы, мед Сійӧс ошкасны саридз дорын олысьяс!

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Еремей 13:11

Кыдзи мортлӧн вӧньыс вир-яй бердас, сідзи Ме босьті Ас бердӧ Израиль да Иуда войтыръясӧс, медым найӧ вӧліны Менам войтырӧн да ошкисны-нимӧдісны Менӧ, – висьталӧ Господь. – Но найӧ эз кывзыны Менӧ.

Малакий 3:17

Менам индӧм лунӧ найӧ лоӧны Менам войтырӧн, – висьталӧ Господь Саваоф. – Ме лоа на дінӧ бур сьӧлӧма, кыдзи бать бур сьӧлӧма аслас кывзысьысь пи дінӧ.

Псалтыр 102:19

Господь сувтӧдіс Ассьыс юралан пуклӧссӧ енэжас, ставыс Сылӧн кипод улын.

Еремей 33:9

Мувывса став войтыръяс водзын тайӧ карыс ваяс Меным нимкодьлун, ошкӧм да нималӧм. Кор войтыръяс кыласны бурыс да лӧньлуныс йылысь, мый Ме сета тайӧ карас олысьяслы, найӧс полӧм-дзӧрӧм босьтас.