Исай 42:19 - Коми Библия 2023

¹⁹ Коді Менам кесйӧг кодь синтӧм, коді Меӧн мӧдӧдӧм юӧртысь кодь пельтӧм, коді Меӧн бӧрйӧма кодь синтӧм, коді Господьлӧн кесйӧг кодь синтӧм?

Исай 42:19 Referans Kwoze

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

Езекиль 12:2

«Морт пиӧй, тэ олан асныра войтыр пӧвстын. Налӧн эм син, медым аддзыны, но найӧ оз аддзыны. Налӧн эм пель, медым кывны, но найӧ оз кывны, ӧд найӧ асныра войтыр.

Еремей 5:21

– Мывкыдтӧм да вежӧртӧм войтырӧй, кывзы тайӧ кывъяссӧ. Тіян эм синъяс, но ті онӧ аддзӧй, тіян эм пельяс, но ті онӧ кылӧй.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

Иоан 12:40

– Енмыс тупкис налысь синнысӧ, чорзьӧдіс налысь сьӧлӧмнысӧ, медым эз аддзыны синнаныс, эз гӧгӧрвоны сьӧлӧмнаныс да эз бергӧдчыны Мелань, медым Ме бурдӧді найӧс.

Иоан 9:41

Исус вочавидзис: «Вӧлінныд кӧ ті синтӧмӧсь, сэки эськӧ энӧ мыжмӧй. Но ті шуанныд, аддзам пӧ, сідзкӧ, мыжныд ас выланыд кольӧ».

Иоан 9:39

Исус шуис: «Ме локті муюгыдас мыждыны, медым синтӧмъяс аддзисны да аддзысьяс синтӧммисны».

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Исай 56:10

Израильӧс видзысьяс синтӧмӧсь, ставныс найӧ мывкыдтӧмӧсь – увтны вермытӧм понъяс, найӧ нюжӧдчӧмаӧсь да вугралӧны, радейтӧны узьны.

Исай 44:26

Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Исай 41:8

Израиль, тэ – Менам кесйӧгӧй, Яков, тэ – Менам Ӧвраам ёртсянь чужысь, Ме бӧрйи тэнӧ.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Исай 6:9

Господь шуис: «Мун да висьтав тайӧ войтырыслы: пельнаныд кутанныд кывзыны да онӧ гӧгӧрвоӧй, синнаныд кутанныд видзӧдны да онӧ аддзӧй.

Матвей 13:13

Найӧ видзӧдӧны да оз аддзыны, кывзӧны да оз кывны и оз гӧгӧрвоны. Та вӧсна сёрнита накӧд велӧданвисьтъясӧн.

Исай 27:5

Но дорйӧмсӧ сійӧ мед Месянь корсьӧ, мед бурасьӧ Мекӧд да дугдӧ тышкасьны.

Исай 29:18

Сійӧ лунӧ пельтӧм кылас небӧгысь кывъяссӧ, синтӧмлӧн сап пемыднас тупкӧм синмыс кутас аддзыны.

Исай 43:8

Петкӧд синтӧм войтырӧс, налӧн эм синъяс, но оз аддзыны, петкӧд пельтӧмъясӧс, налӧн эм пельяс, но оз кывны.