Исай 41:14 - Коми Библия 2023

¹⁴ Эн пов, Яков-номыр, этша лыда Израиль, Ме отсала тэныд, – висьталӧ Господь, тэнад Мездысь, Израильлӧн вежа Ен. –

Исай 41:14 Referans Kwoze

Исай 43:14

Господь, тіянӧс Мездысь, Израильлӧн вежа Ен, тадзи висьталӧ: – Тіян вӧсна Ме мӧдӧда Вавилонӧ тышкайӧзӧс, медым жугӧдны сэні став игансӧ. Калдея войтыр пышъясны корабльяс вылын, кӧні водзынджык гажӧдчисны.

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Псалтыр 22:6

Тэнад бурлуныд да буралӧмыд лоасны мекӧд быд лун олӧм помӧдз, и ме кута овны Господьлӧн керкаын став олӧм чӧж.

Еремей 50:34

Но найӧс Мездысьыс вына, Сылӧн нимыс – Господь Саваоф. Сійӧ доръяс найӧс да налӧн мулы сетас лӧньлун, а Вавилонын олысьяслы ыстас полӧм-тіралӧм.

Иов 25:6

Дерт нин, Сы водзын морт – вегыль кодь, мортсянь чужысь – номыр кодь.

Иов 19:25

Но ме тӧда, менам Мездысьӧй ловъя! Сійӧ медбӧръяыс, коді сувтас му вылӧ.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.

Исай 47:4

Миян Мездысьным – Израильлӧн вежа Ен, Сылӧн нимыс – Господь Саваоф!

Исай 44:24

Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

Галатӧ 3:13

Кристос ньӧбис миянӧс Индӧдыслӧн ёрӧм улысь, кор Сійӧс вӧлі ёрӧма миян пыдди. Ӧд гижӧма: «Ёрӧма быдӧнӧс, кодӧс ӧшӧдӧма пу вылӧ».

Лука 12:32

Эн пов, ичӧт чукӧр! Ӧд тіян Батьныд шуис сетны тіянлы Юралӧм.

Матвей 7:14

Векньыд ӧдзӧсыс да векньыд туйыс олӧмӧ нуӧдӧны, и тайӧс аддзысьыс этша».

Исай 63:16

Господьӧй, Тэ – миян Батьным. Ӧвраам оз тӧд миян йылысь, Израиль оз тӧд миянӧс, но Тэ – миян Батьным! Важысянь тэнад нимыд – Миян Мездысь.

Исай 60:16

Мукӧд войтыръяс кутасны йӧлӧн пӧткӧдны тэнӧ, налӧн ӧксыясыс – вердны тэнӧ. Сэки тэ тӧдмалан, мый Ме, Господь, – тэнӧ Мездысьыс, Яковлӧн вына Енмыс – тэнӧ Видзысьыс.

Исай 59:20

Сионӧ локтас Мездысь, Сійӧ локтас Яковсянь чужысьяс дінӧ, кодъяс бергӧдчисны мыжъяссьыныс, – висьталӧ Господь.

Исай 54:8

Скӧрлунӧй ыпнитігӧн Ме кад кежлӧ бергӧдчи тэысь, но Ме кута буравны тэ дінӧ, лоа помтӧг бур сьӧлӧма тэ дінӧ, – висьталӧ Господь, тэнӧ Мездысь.

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Римӧ 9:27

Израиль йылысь Исай тадзи висьталӧ: – Израиль войтырлӧн лыдыс кӧ лоӧ весиг саридздор лыа мында, мездмас сӧмын колясыс.

Индӧд 7:7

Господь бӧрйис да сибӧдіс тіянӧс эз лыдныд серти, ӧд ті войтыръяс пӧвстын этшаӧнӧсь.

Псалтыр 46:5

Сійӧ бӧрйис да вичмӧдіс миянлы му, тайӧ мунас ошйысис Сылӧн муса Яков.

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Исай 44:22

Руӧс моз Ме разӧда тэнсьыд лёк вӧчӧмъястӧ, кымӧрӧс моз вешта тэнсьыд мыжъястӧ. Бергӧдчы Ме дінӧ, Ме мезда тэнӧ!

Еремей 46:27

– Эн пов, Менам Яков кесйӧгӧй, эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Бӧрданкыв 3:57

Кор ме шыаси Тэ дінӧ, Тэ матыстчин ме дінӧ да шуин: «Эн пов».

Даниил 10:12

Сійӧ шуис меным: «Эн пов, Даниил! Тэнсьыд кевмӧмтӧ кылӧма медводдза лунсяньыс, кор тэ раммӧдін сьӧлӧмтӧ аслад Ен водзын, медым гӧгӧрвоны сійӧ, мый тэ аддзылін. И ме локті тэнад кевмӧм вӧсна.

Осий 11:9

Ме ог лэдз ыпъявны Аслам скӧрлунӧйлы, Ме ог нин бырӧд Ефремӧс, ӧд Ме – Ен, абу морт. Ме, Вежаыс, тэ пӧвстын, скӧрлунӧн тэ дінӧ ог лок.

Нав Исус 17:18

вичмас тшӧтш керӧсвыв муыс. Ті пӧрӧданныд сэтысь вӧрсӧ, и муыс помсянь помӧдзыс тіян лоӧ. Ті вӧтланныд [да верманныд] ханаансаясӧс, мед кӧ найӧ ёнӧсь, и налӧн эмӧсь тышӧ ветлан тарантасъяс».

Исай 37:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».

Исай 43:3

Ме – Господь, тэнад Енмыд, Израильлӧн вежа Ен, тэнӧ Мездысь. Ме ньӧби тэнӧ, сеті тэ пыдди Египет, Эфиопия да Сева муяс.