29 Мудзӧмалы Сійӧ сетӧ вын, жебмӧмаӧс ёнмӧдӧ.
Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.
Ставсӧ верма менӧ ёнмӧдысь Исус Кристоскӧд!
Енмыс мед ёнмӧдас да вынсьӧдас тіянӧс дзирдлуна выннас, медым ті быдторйын вӧлінныд зумыдӧсь да терпитӧмӧн нуинныд быдпӧлӧс сьӧкыдсӧ.
Ме, Господь, ёнмӧда найӧс Аслам вынӧн, и найӧ пондасны овны Менӧ пыдди пуктӧмӧн, – висьталӧ Господь.
Мудзӧмаясӧс Ме юктӧда, вынтӧмъясӧс Ме пӧткӧда».
Господьӧй, кыв менӧ, ло бур сьӧлӧма ме дінӧ. Господьӧй, отсав меным!»
Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.
Кӧртысь да ыргӧнысь сылӧн иганыс, став олан лунъяс чӧжыс сійӧ лоӧ вына.
кусӧдісны яр би, видзисны асьнысӧ шыпуртысь, вынтӧммиганыс найӧ ёнмылісны, тышын вӧліны вынаӧсь, йӧз муысь воысь тышкасьысьясӧс бӧр вӧтлісны асланыс муысь,
но ньӧввужйыс сылӧн эз личавлы, ки сӧнъясыс колины крепыдӧсь, ӧд сылы отсаліс Яковлӧн вына Ен, сійӧс Видзысьыс, Израильлӧн зумыд Изйыс.
Та вӧсна ми огӧ ӧшӧдӧй юрнымӧс. Кӧть миян ортсысаыс, вир-яйным, сісьмӧ, но пытшкӧссаыс лунысь-лун выльмӧ.
Сэки Лехи карын Енмыс поткӧдіс мусӧ, кытысь кутіс визувтны ва. Самсон веськӧдіс горшсӧ, вынсяліс да ловзис. Та вӧсна тайӧ местаыс шусьӧ Эн-Хаккоре, и сійӧ ӧнӧдз Лехи карын.
Мед ошкасны Господьӧс енэжыс да муыс, саридзыс да сэні став олысьыс.
Вынаяслӧн ньӧввужйыс чегъясьӧ, а вынтӧмъяслӧн выныс содӧ.
Татшӧм ногӧн найӧ повзьӧдлісны миянӧс. Чайтісны, мый ми кияснымӧс лэдзам да дугдам уджавны. Но ме зільджыка на босьтчи уджас.
Тэнад керка вӧсна вежӧгтӧмыс топӧдӧ менсьым сьӧлӧмӧс, Тэнӧ омӧльтысьяслӧн лёкӧдӧмыс уси ме вылӧ.
