Исай 4:1 - Коми Библия 2023

¹ Сійӧ лунӧ сизим ань кутчысясны ӧти айлов дінӧ да шуасны: – Ассьыным нянь кутам сёйны, ассьыным паськӧм кутам новлыны, сӧмын гӧтрась миян вылӧ – вешты миян вылысь яналӧмсӧ!

Исай 4:1 Referans Kwoze

Олӧм 30:23

Ракель кынӧмасис, чужтіс [Яковлы] пиӧс да шуис: «Енмыс вештіс ме вылысь яналӧмӧс».

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Исай 13:12

Ме бырӧда йӧзсӧ, и налӧн лыдыс лоас сорастӧм зарни дорысь на этшаджык, офирса зарни дорысь на этшаджык.

Лука 21:22

Тайӧ мынтысян лунъяс, сэки став гижӧмаыс инас.

Лука 1:25

«Господь вӧчис тайӧс. Сійӧ бергӧдчис мелань да вештіс менсьым йӧз водзын яналӧмӧс».

2 Фессалоникаӧ 3:12

Татшӧм йӧзсӧ миян Господь Исус Кристос нимӧн корам да ышӧдам: уджалӧй рам сьӧлӧмӧн да ас ки помысь шедӧдӧй аслыныд кынӧмпӧттӧ.

Исай 17:7

Сійӧ лунӧ мортыс видзӧдлас сійӧс Вӧчысьыс вылӧ, кыпӧдас синсӧ Израильлӧн вежа Енлань.

Исай 10:20

Сійӧ лунӧ Израильлӧн коляс войтырыс, Яковсянь чужысьясысь ловйӧн кольӧмаяс, оз нин пондыны лача кутны найӧс дзескӧдысь вылӧ, но став сьӧлӧмсянь пондасны лача кутны Господь вылӧ, Израильлӧн вежа Ен вылӧ.

Ӧксыяслӧн 1 небӧг 1:6

Пенинна ёна дӧзмӧдліс Аннаӧс. Кӧсйис, мед эськӧ Анна кутіс шуасьны Господь вылӧ ныв-пи абутӧмсьыс.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 3:6

Сэки морт матыстчас аслас матыссаыс дінӧ, шуас аслас вокыслы: «Тэнад эм на мый пасьтавнытӧ, ло миян юралысьӧн, веськӧдлы тайӧ пузувтӧм мунас».

Исай 54:4

Эн пов, водзӧ тэнӧ некод оз кут янӧдны, эн майшась, тэныд оз ло юръяндзим. Тэ вунӧдан томдырся яналӧмтӧ, он нин кут казьтывны дӧва кадся увтыртӧмтӧ.

Еремей 15:8

Дӧваяслӧн лыдыс лоӧ саридздор лыа дорысь на унджык. Луншӧр кадӧ Ме мӧдӧда мамъяс дінӧ эмбур мырддялысьясӧс, виччысьтӧг мамъясӧс суас полӧм-тіралӧм.

Ӧксыяслӧн 2 небӧг 6:23

Мелколалӧн, Саул нывлӧн, олӧм чӧжыс эз вӧв челядьыс.