Исай 39:2 - Коми Библия 2023

² Езекей нимкодясис локтысьяс вӧсна. Сійӧ петкӧдліс налы ассьыс озырлун видзанінъяссӧ да ставсӧ, мый сэні вӧлі: эзысь-зарни, чӧскыд ӧвтанторъяс да дона мавтасъяс. Нӧшта петкӧдліс шыпурт видзанінсӧ. Ӧксы керкаысь да аслас муысь Езекей петкӧдліс налы став озырлунсӧ.

Исай 39:2 Referans Kwoze

2 Каднебӧг 32:31

Но кор вавилонса юралысьяс мӧдӧдісны сы дінӧ ассьыс йӧзсӧ, медым тӧдмавны Иуда муын петкӧдлӧм индысьпас йылысь, сэки Енмыс колис сійӧс ӧтнассӧ, медым тӧдмавны сійӧс да аддзыны, мый сылӧн сьӧлӧмас.

2 Каднебӧг 32:25

Но таысь Езекей эз ошкы Господьӧс, а вылӧ кыпӧдіс асьсӧ. Та вӧсна Енмыс скӧрмис сы вылӧ, тшӧтш Иуда да Ерусалим вылӧ.

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Иов 31:25

Ме ӧмӧй нимкодясьлі, мый менам уна озырлун, мый сы мындасӧ ме аслам киӧн шедӧді?

2 Коринфӧ 12:7

Медым тайӧ ыджыд восьтӧмъясысь эг вылӧ кыпӧдчы, менам вир-яйӧ сетӧма чушкысьӧс – сӧтаналысь анделсӧ. Сійӧ дойдалӧ менӧ, оз сет вылӧ кыпӧдчынысӧ.

Еклесиаст 7:20

Му вылас абу веськыда олысьыс, коді эськӧ мыжсӧ эз вӧчлы, а сӧмын бурсӧ.

Шусьӧгъяс 4:23

Ставсьыс медъёна видз ассьыд сьӧлӧмтӧ, ӧд сьӧлӧмыд – олӧмыслӧн визувтанін.

2 Каднебӧг 32:27

Езекей вӧлі зэв озыр, сійӧ ёна нималіс. Сійӧ вӧчис видзанінъяс, медым пуктавны сэтчӧ эзысь, зарни, дона изъяс, чӧскыд ӧвтанторъяс, сайӧдъяс да дона дозмук-кӧлуй.

2 Каднебӧг 9:9

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Татшӧм ӧвтанторъясыс, мый саваса ӧксы-ань козьналіс Соломон ӧксылы, Израильын эз на вӧвлыны.

2 Каднебӧг 9:1

Саваса ӧксы-ань кыліс Соломонлӧн нималӧмыс йылысь да муніс Ерусалимӧ, медым нӧдкывъясӧн тӧдмавны Соломонлысь мывкыдлунсӧ. Сыкӧд вӧлі зэв уна йӧз. Верблюдъяс вылын найӧ вайисны уна зарни, дона изъяс да чӧскыд ӧвтанторъяс. Ӧксы-ань аддзысис Соломонкӧд. Сійӧ сёрнитіс Соломонкӧд быдтор йылысь, мый кӧсйис тӧдны.

Ӧксыяслӧн 4 небӧг 20:13

Локтысьясӧс кывзӧм бӧрын Езекей петкӧдліс налы ассьыс озырлун видзанінъяссӧ да ставсӧ, мый сэні вӧлі: эзысь-зарни, чӧскыд ӧвтанторъяс да дона мавтасъяс. Нӧшта петкӧдліс шыпурт видзанінсӧ. Ӧксы керкаысь да аслас муысь Езекей петкӧдліс налы став озырлунсӧ.

Ӧксыяслӧн 3 небӧг 10:25

Соломон дінӧ волысьяс вайлісны аскӧдныс козинъяс: эзысь-зарниысь вӧчӧм дозмук-кӧлуй, паськӧм, шыпуртъяс, чӧскыд ӧвтанторъяс, вӧвъясӧс да мулъясӧс. Тадзи вӧлі быд во.

Ӧксыяслӧн 3 небӧг 10:15

Таысь ӧтдор вузасьысьяс, ӧксыув муясын юралысьяс да аравияса ӧксыяс мынтылісны сылы вот.

Ӧксыяслӧн 3 небӧг 10:10

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Та мында ӧвтанторйыс, мый саваса ӧксы-ань козьналіс Соломон ӧксылы, Израильын эз на вӧвлы.

Ӧксыяслӧн 3 небӧг 10:2

Сійӧ локтіс Ерусалимӧ зэв уна йӧзкӧд. Верблюдъяс вылын найӧ вайисны зэв уна зарни, дона изъяс да чӧскыд ӧвтанторъяс. Ӧксы-ань аддзысис Соломонкӧд. Сійӧ сёрнитіс Соломонкӧд быдтор йылысь, мый кӧсйис тӧдны.

1 Иоан 1:8

Шуам кӧ, мый миян мыжыс абу, сідзкӧ, ми пӧрйӧдлам асьнымӧс, и збыльыс абу миян пытшкын.