Исай 38:1 - Коми Библия 2023

¹ Сійӧ кадас Езекей чорыда висьмис да вӧлі куланвыйын. Сы дінӧ локтіс Исай пророк, Амослӧн пиыс, да шуис: «Господь тадзи висьталӧ: ”Висьтав гортсаыдлы ассьыд бӧръя кӧсйӧмтӧ, ӧд тэ он бурд, но кулан”».

Исай 38:1 Referans Kwoze

2 Каднебӧг 32:24

Сійӧ кадас Езекей чорыда висьмис да вӧлі куланвыйын. Сійӧ кевмысис Господьлы, и Господь кыліс сійӧс да петкӧдліс сылы индысьпас.

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Иона 3:10

Ен аддзис, мый ниневияса олысьяс эновтчисны лёксьыс. Сэки Сійӧ вештіс мыждӧмсӧ на вылысь да эз бырӧд Ниневия карӧс.

Ап. уджъяс 9:37

Сійӧ лунъясӧ Тавита висьмис да куліс. Сійӧс мыськалісны да пуктісны вылыс вежӧсас.

Иона 3:4

Иона лунтыр ветлӧдліс карӧд да юӧртіс йӧзыслы, мый нелямын лун мысти Ниневия карнысӧ лоӧ бырӧдӧма.

Исай 37:21

Амослӧн Исай пиыс мӧдӧдіс мортӧс да тшӧктіс висьтавны Езекейлы: «Господь, Израильлӧн Ен, тадзи висьталӧ: ”Тэ кевмысин Меным, кор ассурса Сеннахирим ӧксы повзьӧдліс тэнӧ”.

Исай 37:2

Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.

Исай 1:1

Тайӧ небӧгас гижӧма сы йылысь, мый Енмыс петкӧдліс Иуда му да Ерусалим кар йылысь Амослӧн Исай пилы. Тайӧ петкӧдчылӧмъяссӧ сійӧ аддзыліс иудаса Озей, Иотам, Ахаз да Езекей ӧксыяслӧн веськӧдлан кадӧ.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Ӧксыяслӧн 2 небӧг 12:22

Давид шуис та вылӧ: «Ловъя дырйиыс ме видзалі да бӧрді, чайті, мый Господь бурсьӧлӧмтчас ме дінӧ, и кагаӧй оз кув.